Ayup 14:2 - Ala Wone Peenok Peebi Mbanak

² Iri'ngga anggen ne ambit liingge laambu yege nagaatik, mono-mono wangge, Aakumi inagalu'mak nogo ti, elaambirik wonageelik mbet-mbet lek age, Eeke menggi kwak, It aakumi nogo ti, togop aret ogo menggaarak o.

Ayup 14:2 ပူးပေါင်းရင်းမြစ်များ

1 Mbinineegwaarak 29:15

Nit ninombomini maan wonogogwaarak pogom, nit yi, kenegen keegak, aap alik mendek nggiru negen aret wonogo ogoorik o. Ndi, nit nda'nogogurak eyom ari nage ti, inagalu'mak pogom aret wonage me, nit nen ambi eya mbanugun lek aret o.

Ayup 15:33

Eyo anggur anggen abe yegeelik nggaru-nggaru wangge menggi kwak, Eyo tayitun ambit-mbit warak nogo, mono-mono wangge menggi kwak, Aap ti togop aret wonage o.

Ayup 4:20

O kubondendok ineenik wonagaatik, O kiyoma ari nage kagak, ineebe yigirik-noonom eerogo lek ogwe, Ineebe liippiiga'lek iigak mondok-mondok aret lek ogwe, Eeko menggaarak o.

Ndawi 102:11

O kiyoma inagalu'mak nggorek a'nuk lek age menggi kwak, An nda'nagagirak eyom nogo togop aret lek age, Iri'ngga teebat age menggi kwak, an togop aret age, Eeke agarik o.

Ndawi 102:12

Kaliku ALA wae. Kat perak, Mondok-mondok kendagembogut aret o. Aa'nduk nda'narit wundi wogogwaarak iigak, Peebi nda'narit wundi nogwe iigak, Kat kendage mondok ki aret menggerak o.

Ndawi 102:5

Niniki wakko'net unggwage paga Neebe abu mbuuluk ee'nabit unggwage logonet, Nowak neno eerogo panege,

Ndawi 144:4

It aakumi ti, Inambe aagi ne ambit wungge kwak wonogo menggaarak o. Inagalu'mak lek age menggi kwak, Nda'nogogwaarak eyom nogo togop aret lek age menggerak.

Ndawi 39:5

An ne mande negen logorak ari nage nogo ti, Neenggi ambi wakkaanuk ambi wakkage nogo kwak Abu kuwagaluk eerogo panege, An nda'nagagirak neegak nggorek mbake kwe, Kat nen lek negen aret neege, Eeke menggendak me, Nit aakumi nineenik nggorek logorak mbakwi kwe, Ninambe aagi ne ambit wungge kwak Aret wonogo monggoorak.

Ndawi 39:7

Togop aret eeko menggaarak kwe, Ala wae. An perak, ta tokkage logogin o? Lek o! Kat paga niniki lunik aret agarik o.

Ndawi 92:12

Eyo nggabu engga mili lagangge menggi kwak, Eyo nggabina Libanon mendek mili kwit agan lagangge menggi kwak, It aap iniki abe koonak nogo togop aret logogun o.

Ndawi 92:7

Iri'ngga awi mbilangge menggi kwak, Aap maluk mendek nogo togop aret awi mbilanit nugwi, It maluk eeko menggaarak abok nen Maluk wone mban wiganit nugwi, Eeko menggaarak kwe, Ineebe lek eerogo piyamenggerak mondok aret logogin o.

Wone Alom Kibingga 8:13

it aap maluk mendek nogo ti, Ala eebe paga inagabiti mbakulik me, it obeelom eerogo piige, ndi, inagalu'mak kwak it ndarak abu nggorek eerogo piige, eerigin lek aret o.

Yakobut 4:14

Kit ko'lu eekkinaburak nogo, kineenggo'lek logonet yogwe kiigi o. Nineenik wonogwe nogo ti, laago aagi pogom aret o. Laago aagi nogo ti, ne ambit lagangge ninigen kogootak kwe, lek age menggerak kokwak ti, nineebe togop aret ee'ninake menggerak o.