Ayup 14:13 - Ala Wone Peenok Peebi Mbanak

¹³ Kambunuk nogo menggam an kumaappanege, Kanini lek age kagak an nobarogo panege, Eeppaniyak koonogo pege logomenggendik, ti paga ari nage kenok abe'nake, Eeke logorak, Ao, kombake agarik o.

Ayup 14:13 ပူးပေါင်းရင်းမြစ်များ

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

Ayup 14:14

Aakumi kambunuk ineenik ari wogwe mbaken? Togop ee'netak en An eeke logorak koonak nogo yoboni wage kagak, aaninggin eerogo panege nogo, Lek ariyak nduk tokkage me,

Ayup 7:9

Ndugwi wonagaatik, lek arit nage menggi kwak Aap ambi aakumi kambunuk nogo menggam wambi nanuk iyokan lagi wage,

Ndawi 106:4

Kaliku ALA wae. It aap leenogo piyareegindak obeelom eeppiige paga Obeelom wonogwe me, an ninom obeelom wonage, It aakumi kat mendek inale'nggen mbakwi nogo, An kunduk nale'nggen mbake, It keyate kwak kiniki kundugu kendage tiyappugwi me, An ninom kendage tiyappege, Eeke logokit nduk, Kapuri obeelom eeppiige keenok, an kunduk abe'nake, Kapuri inagap ndake keenok, an togon nagap ndake, Eeru o.

Wundeegwaarak 12:23

Togop wonogwe kiigak, at Aliku ALA nen aakumi Metit mendek inooriyak nduk, o Metit ilin-unggut nage logonet, amiya tunggambe peenok-peenok paga inom, irimbaga inom, labunik kage kenok, o ti obaga mbo nage logonet, at malayikat ambi aakumi inooka nogo nen kiname unggwi nage logomenggerik, kinooke kero, non mbanogo pigin o.

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Marakut 13:32

Wone ambinom yorage logonet, “An aap aret nda'nagagirak nogo, o ndi eyom paga woroorak inom, oonegen mande paga woroorak inom, nogo aakumi abu ineenggo'lek aret o. It mbogut paga menggaarak malayikat kunduk, ineenggo'lek aret. Ndi, Ala aput an kunduk, neenggo'lek mban aret o. An nogoba perak, alik eenu menggerak o.

Lukat 23:42

Yoge nagagerik, Yetut yoge logonet, “Ai, nogoba Yetut. Kendagembogut a'nuk wage kenok, an noba abeke logomunggun o.”

Nappiigak 1:7

Yogo mbareegwa, Yetut nen it yorage logonet, “Nineyom-naneyom eeko logorak nogoba Ala alik unde logonet, koonogo pereegerak ti, kit kineenu ariyak lek o.

Nappiigak 17:31

At ambi leenogo mippereegerak nen aakumi abok eekwi ndak-ndak owak looninaburak ne ambi koonogo pereegerak o. Ndi, ne ambi koonogo pereegerak nogo nit aakumi abok nineenu aruwok nduk, at nogo ti, kambunuk nogo menggam nen eenik agago mippereegerak o, yinuk, yokkirage agarik o,” yoragagerak.