Ayup 14:1 - Ala Wone Peenok Peebi Mbanak

¹ Kumi nen ndaganakaatak aakumi nogo ti, Inomaawi lek ndarak iigak, ineenik kuwagaluk aret me, Aaninggin inoba kagak nugu menggaarak o.

Ayup 14:1 ပူးပေါင်းရင်းမြစ်များ

Wakkagagerak 3:17

Yoge nagagerik, at Aliku Ala nen aap nogo yoge logonet, “An nen, Eyoonggen yi noorak mage o, yokkigirak kagak, kat kakwe oone konembunuk, nenggendak paga nggween yi pulunogo pigirak me, awo kangga'lek keenik logonet, yabu anggon-panggon agago punuk, yake logomenggendik, anggen mbanogo nenet nage logomunggun o.

Wakkagagerak 47:9

Yoge mbareegi, at Yakup nen, “An nombomini nugu logonet, ndarak iigak tahun abu iya negen eeko nogogwaarak kwe, an perak, aap nggiru pogom anggon-panggon kagak we yaluk-ndaluk nege minggirak me, ndarak neegak we tahun seratus tiga puluh aret agaarak o.”

2 Endagembogut 4:19

Ka nagagerak me, yinip-panip elege nogo nen, “Nanobak o! Nanobak o!” Yinuk, ogoba yoge mbareegi, ogoba nogo nen ayeloman ambi yoge, “Elege yi, wonok agalo wogori nak o.”

Ayup 10:20

An nda'nagagirak ne ti, kuwagaluk aret me, Age yoboni wage nogo lek a? Yoboni wage aret me, O eya ti yumaak pogom eeppunuk wonage, O apit naalop-kaalop aago wonage, Inale'nggen lek o apit lombok aago wonage, Eeke menggim time nogo nagaatik, Iniyokan wogolik menggam nogome an naga'lek logonet, Ne ambiriluk nale'nggen kaakit nduk, Kena logo yinuk, teppanu, yorigin o,” yinuk, yoreegerak.

Ayup 15:14

Aap kikak naka'lek abu obeelom wonogwe, It kumi nen inaagalogwe nogo, iniki abe koonak aret ndaganakwi, Eeko menggaarak mbaken?

Ayup 25:4

At Ala nogo nen, Aap yi, iniki abe koonak aret kagi o, yoge, Ndi, kumi nen ndaganakaatak inaagalogwe nogo Iniki kikak naka'lek ambi wonogwe iige, Eeriyak ti, nonggoti mbaken?

Ayup 25:5

At Ala nogo nen tut abinak mbuuluk wonage kage, Laaluguragan eya abe lek kage, Eeke menggerak me,

Ayup 5:7

Eekeelik kwe, Kani kunik tubuk togon lagangge menggi kwak, Aakumi inalik nen aaninggin-paaninggin inoba pako menggaarak o.

Ayup 7:1

Aakumi o nggween paga wonogwe nogo ti, Aap wim eerit nogwe, Aap wu kolaawak nduk, Ko'lu-kii'me yabu nggwiirit-nggwaarit eekwi iigak, kambit nogwe, Eeko mengga kwak Aret wonogwe nogo lek a?

Ayup 7:6

Yum yogo logonet, Keneben yimbegak-mambegak eekugak, Yum enegen nggerok yagak eeke menggi kwak, An ko'lu-kii'me neenik neegak, Togop aret age menggerak me, Niniki ambi lunik lek logonet, kambi nage agarik o.

Ayup 9:25

Aap ambi mbe agan nage menggi kwak, An nda'nagagim mbet-mbet lek ari nage, Nale'nggen kaga'lek neegak, Mbet-mbet wobok yi nage, Eeke agaarik o.

Ndawi 39:5

An ne mande negen logorak ari nage nogo ti, Neenggi ambi wakkaanuk ambi wakkage nogo kwak Abu kuwagaluk eerogo panege, An nda'nagagirak neegak nggorek mbake kwe, Kat nen lek negen aret neege, Eeke menggendak me, Nit aakumi nineenik nggorek logorak mbakwi kwe, Ninambe aagi ne ambit wungge kwak Aret wonogo monggoorak.

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 51:5

Nagalo inikime logonnage logonet maluk lenggenak wonage, Maluk alom ninikime kagak aret nda'nage, Eereegirak kagi o.

Ndawi 89:47

An neenik wonage ti, Ne ambit liingge lek age nogo abeke logot o. Yi aap ndi aap abok aret We aanom warogo ogobakkigirogo piyareegindak me, ia!

Wone Alom Kibingga 2:17

Oonegen abu'me logonet, eerit nugwi nogo liippit ungguurak anggon lombok ee'nabeegerak me, neenik wonage logorak neebi lombok mbareegirak. Mbake logonet, yi eekak ndi eekak eerit nugwi abok aret ti, o wiya mugurok nogwe kwe, pigoorak meek kwak we aanom warogo aret kagagirak.

Wone Alom Kibingga 2:23

At awo eenik wonage logonet, eerit nage paga andi-pandi kage, iniki aaninggin ndugu agan nage, ndi, oonikiya paga kunduk, iniki ugun tayenak wonage lek ando pemenggerak nogo mban iniki koonit nage, eeke menggerak me, ti kunduk, we aanom warogo aret eeke menggerak mbareegirak.

Yeremiya 20:18

Aaninggin-paaninggin noba paniyak mendek inom, niniki puru yuurak mendek inom, kage, Ndi, nda'nagagirak yobo yi nage kagak nenggali age, Eeriyak kagak, Nonggop nduk nagalo inikime nen wundi wagagirak ai?” Yinuk, Aliku ALA yoreegirak.

Matiyut 11:11

At Yiime Wuppiiga Yaya endage warak lombok nda'nagagerak kokwak, it kumi inaagalogwe togop ti, ambi ndaganakulik kwe, at mbogut paga mendek abu'me piige menggim inendage lek abu tebenak wonogwe nogo ti, Yaya tiyanak kagak at irimbaga lombok aret logogun o, yinuk, abet aret yokkiragi o.