Ayup 13:4 - Ala Wone Peenok Peebi Mbanak

⁴ An wone abet aret ari neegak kwe, An ari nogo yaga-kaga eerogo pilit wone agan nogo monggotak me, Kit abok aret obeelom eerogo piiga mendek lek aanom warogo piiga mendek aret ogotik o.

Ayup 13:4 ပူးပေါင်းရင်းမြစ်များ

Nekemiya 6:8

Liiru mbanak nogo pekkage nagagirik, wone onggo eerogo nappiige logonet, “Wone kit yo'nogotak ti, nit togop ambi yaga'lek niigak, kit kiniki koonogo pilit aret ugun-ugun agan nogo ogotik!” yinuk, wone eerogo nappiyareegirak.

Ayup 16:2

“Wone ti mendek mban naruk konenit wundi wage me, Aap niniki eyak wappanega maluk mendek kit aap yi, Ao!

Ayup 27:12

At Ala eeke menggerak nogo kit abet aret kogo monggotak kwe, Ambi eeppaniyak lek kagak wone agan nugwi ti, Nonggop nduk agan nugwi o?

Ayup 6:15

Mayu wage kenok niyo wuke, O kibi age kenok niyo mbuuluk age, Eeke menggi kwak Kit noreewi togop aret wonogwe me, Kit nen ambi eeppaniyak kinombaka'lek aret agarik o.

Ayup 6:20

Niyo wonage mbakak panggonak wagaarak nogo, Lek kenok inenggali ogwe, nggiinggo aago puk ogwe, Eeko mengga kwak

Ayup 6:21

Kit togop aret ogotik o. Ogole warak mendek kogwe kenok kinagabiti mbakwi kiigi o.

Ndawi 119:69

It aap iniki wogoppaka nen Inoone pilit noba lenggenogo panit nugwi kwe, Niniki ambit lombok eeppunuk, Eeko logorak koone yugu nogo porogo logonet, Eerit nage agarik o.

Wundeegwaarak 20:16

Kit kinore ambi eeremenggerak kinigen liirogon koolik kagak aap owak loongga pilit wone inom nabenogo yoroorak mage o.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Yeremiya 30:13

Ineebe obeelom eeginake, ndi, inawin kunik lek ariyak iinggen kunduk wonage, lek aret me, It inawone mbaniyak ambi lek aret o.

Yeremiya 46:11

O Metit Aagalukwe Aap Kigin Waka'lek ti, O Nggileyat nage logomenggerik, andi kenok, amburu eeppiiga wa namenggerak kwe, Obeelom eerigin lek me, andi lek eeriyak nduk kwaarit nege ti, we aanom warogo kwaarit nege agaarik o.

Yeremiya 6:14

Eeko logonet, inawin kunik kwak an napuri inoba aaninggin wonage kwe, Ti iya lek o, yinuk, yorogwe, Iniki ugun tayenak lek iigak, Kiniki ugun tayenak logonip o. Kiniki ugun tayenak logonip o, yinuk, yorogwe, Eeko menggaarak.

Yeremiya 8:22

O Nggileyat time inawin amburu eeppiigak wonage ilik? Aakumi obeelom eeginaka time ambi wonage ilik, lek a? Wonage kenok, it aakumi nowe-nawot yi, iniki andi negen wonogwe iigak, Obeelom eeginaburak waga'lek nonggop nduk wonage agaarik o?

Yetikiyen 34:4

It ti eeko logonet, inandomba ineebe ndeyak kenok inomaawi eerogo piigwi, ineebe andi kenok obeelom eerogo piigwi, inawinde-inobaande aago kenok nggerembiigwi, kobak agaatak wonogwe iinok wogoren piya wogwe, ineebe lek ogwe iinok kwaarinakwi, eeka'lek mbo piinok, inanini paga eeppiigwi, iniyok konden aan lebenogo piigwi, eeko logonet, ndegeninako menggaarak o.

Oteya 5:13

It Eparayim mendek nen andi lombok inoba kwi'nagagerak nogo kogwe, It Yekura mendek nen inawin kunik maloppakwi, Eeko nogogwaarik, It Eparayim mendek ti, O Atiyut nen yeenggwa nira woraawak o, yinuk, Aap endagembogut abu tiyanak nogo wonage me yonggo nappiyareegwaarak kwe, At nen obeelom eerogo piya wage, inawin nogo lek eerogo piya wage, Eerulik o.

Marakut 2:17

Yorogwe nogo at Yetut aruk konengge nagagerik, it yorage logonet, “It kugi andi lek kenok ti, aap ndotet ka noorak mbakulik o. Ata, andi kenok mban obeelom eeginabuwak nduk ndotet ka noorak mbako menggaarak o. It aap iniki abe koonak menggaarak kagak, inayonggo pikit nduk woroolik o. Ata, it aap maluk eeko menggaarak kenok mban inayonggo pikit nduk wagagirak o,” yoragagerak.

Marakut 5:26

“Obeelom ee'nabuwak,” mba'nuk, amendek abok aret ndotet wogorage kenok, it apit nen eekaatak kwe, andi nogo lek aga'lek abunuk nggwok eeke nagagerak.