Ayup 13:28 - Ala Wone Peenok Peebi Mbanak

²⁸ Togop me, eyo pili a'nuk lek age pogom, Yum kutaabak nenggetak pogom, Nit aap togop aret ogo monggoorak o.

Ayup 13:28 ပူးပေါင်းရင်းမြစ်များ

Ayup 17:14

Nagabolo pili aruwam nggween kabunik nogo yoge logonet, Kat an nogoba aret o, yinuk, yoge, Nagabolo nunggwi puron nogo yorage logonet, Nagalo inom, niriwi inom, kit aret ogotik o, yinuk, yorage, Eeriyak kenok,

Ayup 2:7

Yoge mbareegi, Tile nogo Aliku ALA owagam nen wundi nanuk, Ayup wonage me nage nagagerik, Ayup nogo iyok me nen nugwa anobak kuli aret piirik-kunik obari maluk lombok eeppereegerak.

Ayup 4:19

It inawi nggabok nggween paga wurik me wonogwe, Inawi liirubu paga o eyak kwippunuk wonogwe, Tigit-tigit mbaaniigwi iigak kanggo mengga kwak, Mbet-mbet kanggwi, Eekwi nogo ti, Abunuk eeppiige logogin lek mbake agandik?

Ayup 7:5

Neebe paga nawin agap yinik-kunik eerak wonage, Anggolenggen ninggirik wonage, Nagabolo ya'lek nggogok eeke me, Nanggore'ne tubu-tubu wundit nage, Eeke agarik o.

Ndawi 39:11

Aakumi maluk eekwi iinok mberirage, Iniki koonogo piige, Yininuwo nen yi mendek ndi mendek nenet nage kwak, It inamendek iniki kundugu wonogwe nogo Kat nen lek eerogo pege, Eeke menggendak o. It aakumi ineenik logorak nogo ti, Inambe aagi ne ambit wumbugwi kwak aret wonogwe o.

Ndawi 39:12

Kaliku ALA wae. An nogo Aap nggiru kwak kat nimbirak luulu wonage, Aap nggiru kwak nombomini nugu nogogwaarak nogo pogom nege, Eeke me, An nale ari nogo Karuk konengga'lek mbo panege ti mage o. Ata, an tamban eeke nogo karuk konengge, Yeenggwa niru o, yinuk, Noone nggwok paga yokkege nogo liippanege, Eeru o.

Yetaya 50:9

Aliku Itok Menggerak ALA nen aret naana'le mbangge me, Ta nen, “Kat maluk aret o,” yo'nirigin mbakop? Lek aret o! Yum ti mban ko'lu-kii'me yirike paga nibik ari menggi kwak, Yum kutaabak nibingge menggi kwak, It aap ti, togop aret arugun o.

Oteya 5:12

Togop aret me, yininuwo nen yi mendek ndi mendek mbanogo pit nage menggi kwak, It Eparayim eeppiyoorak an togop aret wonage, Ndi, nggoon nen eyo mbangge menggi kwak, it Yekura eeppiyoorak an togop aret wonage, Eerak aret agarik o.

Linggineegwaarak 12:12

Elege agalo inikime nen kambak obari agaatak nda'nage menggi kwak, at togop teppuurak ti mage ubi!”

Yakobut 5:2

Kinamendek ambik wonage nogo ti, maluk age, kinayum abe nogo ti, kutabak nen nibinogo pege,