Ayup 13:26 - Ala Wone Peenok Peebi Mbanak

²⁶ Niniki andi-pandi ee'nake kagak Ndogop eekendak o, yinuk, liiru negen mbanogo pege, An wulaga awo paga maluk eeke nagagirak nogo onggo eeppanege,

Ayup 13:26 ပူးပေါင်းရင်းမြစ်များ

1 Endagembogut 17:18

Kangge mbareegi, kwe togwe nogo nen Eliya yoge, “Ala wone liirogon eeka yi wae. An ngge eekirak paga, Keebi, nomba'nuk yi eeppanggendak? An nomaluk nogo Ala nen abeppunuk naagaluk wulaga nogo waruwak nduk, neya wagandak ya?”

Ayup 20:11

It awo tawe inamburu wonage kagak kwe, Ineebe inamburu inom aret liirubu arugun o.

Ayup 3:20

It nogo ti, kambuurak, Ao, mbakwi kwe, Kambuurak eyom panggoni waga'lek wonage, Iri'ngga onggo nggwok nggween taanak wonage kero, Nggween kabunogo kwaarit unggwogo mengga kwak, It kambuurak, Ao, yinuk, inikilom mbako nagaatik, Nggween taambiyoorak eyom ari wage kenok, Inale'nggen nen ndawi lubuk yogwe, Eeko menggaarak me, Aap iniki puru aago wonage nogo eya eeppege, Iniki wakkolage nogo eenik logowak nduk, eyak wappege, Ti nonggop nduk eeke menggerak?

Ayup 9:18

Niniki awo yonggonggola lek lek Ambinom eeppanegak mban eeke paga niniki apit eerogo panege, Ee'netak o.

Ndawi 25:7

An tawe logonet maluk eeke, Wone yugu taganogo pit nage, Eeke nagagirak nogo, Kiniki aberak logorak mage o. Ata, Kaliku ALA obeelom aret me, Aakumi kiniki kunik aganabit wundi wage menggendak ndak-ndak an noba abeke logot o.

Yeremiya 31:19

An nomo agan nage nagagirik, An maluk aret eeki, yinuk, niyokan wage, Eekirak kagi o, yinuk, liippake nagagirik, nanobak wakkolage, An wulaga awo tawe logonet, nendage maluk agagerak nogo paga nenggali mbake, Nendage maluk aago kagak nege, Eereegirak o, Yinuk, yo'nereegerak.

Yaya 5:14

Ti'nuk, peebi aap nogo Ala awi wurik me wonage Yetut enegen kage nagagerik, at yoge logonet, “Wulaga! Kat keebe obeelom aret agandak me, andi abunuk nggwok eekkake kero, maluk ambinom eerugun o,” yinuk, yoreegerak.

Yaya 5:5

Togop eeko nogogwaarak me, aap ambi andi kagak tahun 38 eereegerak nogo inom time aret windak wonagagerak.

Urut 1:20

Yereegwaarak kwe, at nen it yorage logonet, “At Omaawi Lombok Menggerak nogo nen ale-pale eerogo panegerak me, an nendage Nawomi ti, yo'nirugup o. Nendage, Ale-Pale Aago, aret yo'ninip o.