Ayup 13:14 - Ala Wone Peenok Peebi Mbanak

¹⁴ Maluk eerogo paniyak kagak, Woppunuk, niniki unde wakkolage logonet, Yoriyak ee'nake ti, nonggop nduk ee'nake o?

Ayup 13:14 ပူးပေါင်းရင်းမြစ်များ

Ayup 18:4

Kalik nen aret kanini eekko'nok kiniki wakkolage me, Kalik kake nen it nggween paga wonogwe yi, mbo punuk mbaganggwi, Kat kake puut-puut obaane'me nen alik me ari nage, Eeriyak op me nduk, ari agandik?

Ndawi 119:109

Kulinik-kalinik nooruwak nduk, Neebe we eraangge teppege logonet kwe, Koone yugu Muta liiru mbaneegerak nogo perak, An kobak eerogo mbo pigin lek o.

Wone Alom Kibingga 4:5

Aap iniki lek wi nen eenggi awiirak wonage logonet, mbi abu nen kangge menggerak o.

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Yetaya 9:20

Inoreewi ineeben abeenok wonogwe nogo inambi waganogo namenggaarak kwe, abu aret wonogwe, Ineeben abeenok wonogwe nogo inambi namenggaarak kwe, ndonggoppiiga'lek wonogwe, Eekwi kenok, It paga wiganak aret kwe, inamiya nenet nogo logogun o.

Owak Loongga 12:3

Ninagap nda'ninaburak nduk ambi wogwe lek, kiige nagarik, Nalik nage me, nooriyak kenok, op aret o, yinuk, aakumi Amon ninom wim eeriyak nduk, wunda nage mbareegi, at Aliku ALA nen it aakumi ti, inoorikit nen an neenggime panggerak nogo o. Togop aret eekerak kagak, kit nonggop nduk ne yogondak yi paga wogo nogotik, Ninom wim eeriyak, mba'nuk, yo'nogo ogotik?”

1 Tamuwen 19:5

At Ndawut nen aap Pilitin mendek Nggoliyat nogo, wake logonet, at iniki mondok nggaruk togon, Nooruwak, mbake nagagerik, wareegerak paga at Aliku ALA nen nit Iterali mendek abok aret nineegin tiyak yuwak nduk, eeppinaneegerak nogo, kat togon kenegen kage nagagindik, kale'nggen mbareegindak kwe, Ndawut maluk eerulik ugun wonage kagak, alom nano eekerak paga wariyak ari agandik?” yinuk, yoreegerak.

1 Tamuwen 28:21

Ngginnage nagagerik, at Tawun ogut nggigik togon wungge logonet, iniki ma'nagagerak wonage kwe nogo enegen kage nagagerik, yoge logonet, “Nogoba wae. An kayeloman yi, eeriyak nggino yo'negendak nogo konembunuk, neenik nili yikkoloolik kat kake aret eekirak me,