Ayup 13:11 - Ala Wone Peenok Peebi Mbanak

¹¹ At mondok iya tiyanak wonage kogwe kenok, kinamineeri ni'nek nage, Kinagabiti nen kinaganak nukkiranet nage, Eeriyak lek mbakop?

Ayup 13:11 ပူးပေါင်းရင်းမြစ်များ

Ayup 13:12

Kinawoneelom mbininit wogwe ti, liirubu kwak aret agan wogwe, Ndi, wone kinaana'le mbanggologwe ti, purok kwak aret kagak yogwe, Eeko ogotik.

Ayup 13:21

Kat keenggi pippanogo logonet, Aaninggin noba panege nogo tayoppege, Ndi, nagabiti mbarikit nen, Iniki ma'naruwak nduk eeppiige nogo mendek Noba panegak mban eeke nogo teppege, Eeru o.

Ayup 31:23

Ala nen aaninggin ambi noba panege kero, nagabiti mbake, At mondok iya tiyanak lombok menggerak ayuk wuke, Eekirak me, Togop eerulik o.

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Wundeegwaarak 15:16

Aakumi abok inaganak ndik-ndik irage logonet, Inagabolo nirik-kirik yogo logogun o. Keenggi omaawi paga it yugum oone lek pogom eerogo piigendak wonogwe iigak, Kapuri Iterali mendek iniki ugun nogwe, Kaliku ALA nen kapuri inagap ndarogo piigendak nogo, Iniki ugun iname logowam nogome unggwi nogwe, Eerugun o.

Yetaya 8:13

Nomaawi Lombok Minggirak Naliku an ALA nalik aret kikak nakeelik alik leenak wonage nombake, An paga kagabiti mbake logonet, kaganak wake, Eeke logot o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 5:22

It an nayuk wukwi, an paga inaganak wake, eeriyak ti, maluk mbakop?” Yinuk, yegerak o. “Niyo nggwok yenggenak laut nogo endekem kilak togon wundi waga'lek mondok-mondok kuli mbanak logowak nduk, mbini pereegirak nogo lek a? Niyo kilaarak-mogonik eeke kwe, endekem kilak togon wungge, Oone, Wo! eerogo wunabi wage kwe, kuli mbanak kagak wungge, Eeka'lek aret menggerak o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.