Ayup 12:9 - Ala Wone Peenok Peebi Mbanak

⁹ Yi mendek ndi mendek arit wage menggerak nogo, Aliku ALA nen aret eerit wage menggerak it ambi ineenggo'lek lek abok ineenu aret o.

Ayup 12:9 ပူးပေါင်းရင်းမြစ်များ

Wakkagagerak 1:20

Ti'nuk, at Ala nen yi mendek ndi mendek inetenggen alitik-alitak abok aret niyo inikime ineenik nugut-tiyak agan nugwi, yirowe-ndirowe mbogut abu'me o oolo ya'i wiga agan nugwi, “Eeko logowak o,” yinuk,

Ayup 12:3

Yi wone ndi wone liippogo monggotak ndak-ndak An kunduk liippege minggirak me, Kit mban iya lek o. Ninom ndak-ndak aret ogoorik o. Kit wone yogwe ti, Aap ambi ta nen eenggo'lek agaarik mbakop?

Ayup 12:8

O nggween paga yime wonage menggerak inom, Yi yenggenak laut inikime menggaarak yikwe inom Yokkiraawak nen yorogwe kiinok, it nen mbininogo yokkirogwe, Eerugun o.

Ayup 13:1

Ti apit aret an lombok nenegen abe paga nen kage, Naruk abet aret konembunuk liippege, Eekirak o.

Ayup 22:18

At Ala nen aret inamendek nogo iname yagabit eerogo piyareegerak kagak, It maluk eeka ti nen wone agan nugwi nogo, an e-wa inombarigin lek o.

Yetaya 41:20

Ti eerogo piminggirak nogo aakumi abok nen inigen kogwe, ineenu ogwe, Iniki liippugwi, Alom yi nduk eekerak kagi, yinuk, abekwi, Eeko logomenggaarik, Aliku ALA nen aret eekerak kogo o, yinuk, yogwe, At Kikak Nakeelik Alik Leenak Iterali inogoba nen aret yakerak kogo o, yinuk, yogwe, Eeruwak nduk, Eerogo pigin o,” yinuk, yegerak o.

Ndaniyen 5:18

Nogoba kendagembogut wae. Kat kogoba endagembogut Nebukanetat nogo, at Tiyanak Lombok Menggerak Ala nen yi o ndi o alik aret unde logowak nduk, mippege nagagerik, endage nggwok lombok age, endage tiyak ari, ayuk warak me, Wi, ugwi, eeruwak nduk eeppereegerak o.

Ndaniyen 9:17

Togop me, ninogoba Ala wae. An kayeloman yi, tamban eeke logonet, wone yokkege, eeriyak nggino yokkege, eeke yi, karuk konengge logot o. Kat nogoba kendage maluk agaarak obeelom aruwak nduk, kalut eeko menggam maluk eerogo pereegwaarak nogo ti, Obeelom eerogo pikit o, yinuk, mbake logot o.

Nappiigak 19:35

Oonegen mbere age mbareegi, it aap o kota Epetut mendek wone koonggaatak liiru mbangga nogo nen, “Kinoone mage o,” yorage mbareegi, puk iigak, yorage logonet, “Kit aap Epetut mendek yi, ambi yokkira o. At ninowogolo yiindi nuuka aganggenggwi Aretemit awi wurik inom, yugum mbogut paga nen wambi wagagerak, Ninagugi yi aret o, yinuk, ogut porogo monggoorak nogo inom, unde nogo nit Epetut mendek aret me, yi aakumi ndi aakumi ineenggo'lek me, yogo ogotik?

Oroma 11:36

At nen aret yi mendek ndi mendek abok aret wakkage, at nen aret yi mendek ndi mendek unde wonage, ndi, at nen aret yi mendek ndi mendek paga at endage tiyak yuwak nduk eeppege, eeke menggerak me, at endage mondok-mondok tiyanak aret logowak o. Amin!

1 Tamuwen 2:7

Kaliku ALA nen mban aakumi ineenggi lek eerogo piige, Ineenggi warak eeppiige, Iniki wogoppakwi iinok tebeppiige, Iniki tebeppakwi iinok, tiyappiige, Eeke menggendak o.