Ayup 12:7 - Ala Wone Peenok Peebi Mbanak

⁷ Nggeewo-wam kin wogiigwi kiinok, it nen mamunggirogwe, Towe wiga agan nugwi nogo, Kin wogiigwi kiinok, it nen onggo yokkirogwe,

Ayup 12:7 ပူးပေါင်းရင်းမြစ်များ

Wakkagagerak 1:21

yi mendek ndi mendek yele-kole inetenggen alitak lombok niyo nggwok yenggenak laut inikime logowak nduk wakkage, niyo inikime nugut-tiyak agan nugu logorak etenggen alitak lombok nogo wakkage, yirowe-ndirowe ina'naabit warak inetenggen alitak lombok nogo mendek wakkage, eereegerak. Wakkagagerak nogo at Ala nen, “Obeelom aret kagi,” yinuk,

Wakkagagerak 1:25

yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, yi mendek ndi mendek inaanogum paga nugu logorak anebunu alitak lombok inom, abok aret age mbareegi, Ala nen, “Obeelom aret kagi,” mbareegerak.

Ayup 12:6

It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.

Ayup 12:8

O nggween paga yime wonage menggerak inom, Yi yenggenak laut inikime menggaarak yikwe inom Yokkiraawak nen yorogwe kiinok, it nen mbininogo yokkirogwe, Eerugun o.

Ayup 8:10

Eeke keenok, it nen kat mamunggugwi, wone yokkugwi, Eeko logonet, Yi wone ndi wone inikime wonage nogo kilirogo yokkirugun lek mbaken?

Kini Wuppiige 30:24

O nggween paga nugu menggaarak mbuulogwe mendek 4 wonogwe kwe, iniki warak lombok wonogo menggaarak

Kini Wuppiige 6:6

Aap eenggi tanep yi wae. Muri'malo wonogwe me pegiya nage, It eeko menggaarak nogo liippiige, Eeke logomenggendik, Kiniki warak eekkolet o.

Yetaya 1:3

Tapi nen, Ninogoba yi aret kogo, yinuk, liippugwi, Ndi, keledai kunduk, inogoba nen inambi pipuk eerogo piige menggim ineenu wonogwe, Eeko menggaarak kwe, It an napuri Iterali perak, inogoba an liippanega'lek kobak aret wonogo agaarik o,” Yinuk, yegerak o.

Yeremiya 8:7

Towe wiga agan nege menggerak lu nogo, o mayu wage menggim eyom ari wage kenok, kibi wonage me ari nage, Ti'nuk, o kibi age kenok, iyokan ari wage, eeriyak eyom eenu wonage, Ndi, towe puume inom, wuni'nuk inom, uuni inom, nen o kibi menggim nogwe, ti'nuk, iniyokan wogwe, eeriyak eyom liippugwi, Eeko menggaarak kwe, It an napuri perak, eeko logorak Naliku ALA nen yoragagirak nogo liippugulik kobak aret menggaarak o.

Oroma 1:20

Ala eebe nonggoti menggerak ti, maan o yi wakkagagerak kuli paga nen, yi mendek ndi mendek wakkagagerak nogo paga, at eebe omaawi ambik mondok itok menggerak Ala aret kin koorak wonagagerak kwe, it aakumi nen liippega'lek wonogogwaarak me, inaana'le mbanggolaawok nduk, wone onggo yuurak lek aret o.