Ayup 12:4 - Ala Wone Peenok Peebi Mbanak

⁴ Noreewi nen aret meek nombako logonet, nagi'ndok kanggwi, An maluk eeka'lek niniki abe koonak logonet, At Ala yoge neenok, Wone onggo yo'nege menggerak kwe, yogondak nagi'ndok kanggwi, Eeko agaarik o.

Ayup 12:4 ပူးပေါင်းရင်းမြစ်များ

Ayup 11:3

Kat wone ugun-ugun agan nage paga Aakumi inoone lek eerogo piyaamunggun mbaken? Aap miyuk-meya eerogo piinet nage keenok, It ambi nen kat kenggali wappagarak lek mbaken?

Ayup 12:5

Aap ambi eraabin paga nage me, Perak togon ngginnage menggi kwak, Aap ambi aaninggin oba age kenok, It aap iniki ugun tayenak wonogwe nen, Kayik a! Op eekkoligi, yinuk, mbako menggaarak.

Ayup 13:18

An naana'le mbanggolage logonet, Ndogop yigin o, yinuk, wone koonogo pege, Aap yi maluk eeka'lek abe aret o, yinuk, at Ala nen yo'nirigin neenu age, Eekirak me,

Ayup 16:10

Aakumi nen, Kayik a! yinuk, nagi'ndok kanggwi, Meek eeppanggo logonet, nagandin telak nookwi, It apit nen inoone yi-wu yo'nugwi, Eeko agaarik o.

Ayup 16:20

Noreewi nen meek eerogo panugwi iinok, Nali-nale wambit wage logonet Ala yoge neenok, Aakumi wone inoba agaatak me, Inoreewi nen inaana'le mbanggo mengga kwak, An aap aret kwe, nore ti nen Naana'le mbanogo Ala yoge menggerak o.

Ayup 17:2

An miyuk-meya eerogo panugwi nogo, nowagam ninggirik wonogwe, Nabuwa mbaka'lek noori wogwe, Eekwi nogo abet aret nenegen iige me,

Ayup 17:6

An noba agaarak yi, Yi aakumi ndi aakumi nen, Ha! yinuk, nagi'ndok kanggwi, Nenete paga inowoori lengge eerogo panugwi, Eekwi me,

Ayup 21:3

Ari neegak kiniki yanggoppunuk puk wonogwe, Eekwi kiigak, Abu ari neenok, meek eerogo paniyak op aret o.

Ayup 30:1

Togop eeppiige nagagirak kwe, Yogondak it nen aret nagi'ndok kanggwi, An aa'nduk ndarak neegak kwe, It peebi ndarak nen meek eerogo panugwi, Eeko agaarik o. It inogobamini nogo ti, Naanggumi ndomba inarum menggerak nggeewo nogo Inom inarum logowak nduk piyoorak kwe, Inanggok a'nuk inamiya lek agaarak paga An yeenggwa niriyak inomaawi lek me, Abu meek aret iyareegirak o.

Ayup 30:9

Eekwi iyareegirak inapuri nogo nen Ndawi paga nanep pogo logonet, miyuk-meya eerogo panugwi, Noba agaarak pe'neenok, Ha! yinuk, an nagi'ndok kanggwi,

Ayup 34:7

Aakumi niyo nonggo mengga kwak, Ayup nen Ala meek eerogo pege me, At kokwak aap ta wonage mbakop?

Ayup 6:29

Maluk eerulik kagak, Maluk eekendak o, yo'nugwi ti, Lik togon yo'nugwi lek me, ambinom liippinip o. Liippugwi kiinok, abet aret an maluk eerulik neyaamunggup o.

Ayup 9:21

Ndi, an maluk lek aret kwe, Neenik nili yikkoloorak neebi mbake me, Eeppaniyak mbake kenok, eeppanuwak aret o

Ndawi 35:16

Aap maluk mendek eeko mengga kwak meek eerogo panugwi, An neenok, inanini nen ineyak nggilik maakwi, Eekaarak o.

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Kini Wuppiige 14:2

Aap koonak eeka nen Aliku ALA agabiti mbake menggerak kwe, Aap eeriyak kagak nggolawe eeka nogo nen perak, Ala meek mbake menggerak.

Yeremiya 20:7

“Kaliku ALA wae. Koone nabek togon yo'nege keegak, an nen, Oone nabek togon yo'niruwak, mbake, Ndi, kat komaawi ambik me tebenogo panege keegak, an nen, Nomaawi lek me, tebenogo paniyak op aret, mbake, Eekirak o. O kubondendok nen nok oonikiya ari nage kagak aakumi nen nagi'ndok kanggwi, Yi aap ndi aap abok aret an meek eerogo panugwi, Eeko agaarik o.

Yeremiya 33:3

Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Matiyut 27:29

alok komaarogo anobak paga yippugwi, mbim obate mbanak eenggi abe'nggan wogogwi, eeppogo nogogwaarik, ineebe at abu'me tebe yinuk, agi'ndok kanggo logonet, “Wa! It aap Yakuri inowe kendagembogut kat aret me, wa. Ninogoba wa,” yinuk,

Matiyut 9:24

“Kolaga yi, kambulik we nogo yege me, mbaganinip o.” Yoragagerak kwe, it nen at agi'ndok kambeegwaarak.

Marakut 5:40

Yorage mbareegi, it nogo nen at agi'ndok kambeegwaarak. Aakumi abok mugogo wumbiinok, kolaga agalo-ogoba inom, at oone waganggwi inom wogogwaarak nogo inom, wogoren, kolaga wonage me unggwi nogogwaarak.

Lukat 16:14

Yorage mbareegi, it aap Pariti nen Yetut wone yoragagerak nogo konenggo nogogwaarik, wu inikilom me, Yetut meek agago pereegwaarak.

Nappiigak 17:32

At Pawulut nen kambunuk ineenik ariyak wone ari konembogo nogogwaarik, it ando nogo nen miyuk-meya eerogo pugwi iigak kwe, it ando nen perak, “Wone ti, ambinom ari keyaawi o,” yinuk, yogo mbareegwa,

Iberani 11:36

it ando miyuk-meya eerogo piinok yawi inookwi, ando mbutigeele paga ineenggi-iniyok maarogo mambiigo menggam mambiigwi,