Ayup 12:24 - Ala Wone Peenok Peebi Mbanak

²⁴ O nggween paga yime it aap inoweewi wone lengganinaka nogo, iniki apit eerogo piige, O anggu paga aakumi lek me time ugun kobak nugu logowak nduk nappiige,

Ayup 12:24 ပူးပေါင်းရင်းမြစ်များ

Ayup 12:20

It aap inoone abe yaga nogo, inoone lek eerogo piige, Aakumi inoweewi iniki warak nen Yi wone ndi wone koonggwi nogo, iniki kobak eerogo piige,

Ayup 17:4

It wone kin kogwe iyo, iniki apit eerogo piigendak me, Inoone tiyak yogwe iyo, kat nen non mbanogo piige logot o.

Ndawi 107:4

It ando nen kota ambi ye mbambatinuk logorak kobak aret me, O karume ya agak nda agak nugwi,

Ndawi 107:40

Aliku ALA nen aap inengga warak nogo Abeelik-abeelek eerogo piige, Tu lek me karume ya agak nda agak nugu logowak nduk eeppiige, Eereegerak kwe,

Ndawi 59:12

Iniki wogoppako logonet, Inambe paga maluk mban porogo wonogwe, Inoone paga maluk mban agan nugwi, Eekwi nogo paga Keele pugu negen yilunggolaawak nduk eeppiige, Aakumi pulunogo piinet nugwi, Inoone pilit pugunit nugwi, Eekwi paga

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Ndaniyen 4:12

Eyo nogo engga abu obeelom wonage, anggen mondok alik negen yugu wonage, eyo ti nen yi mendek ndi mendek ineenik wonogwe abok aret inambi magarage, ndiimbu-nggwiya abok eyo ti nen nobarinabuwak nduk, abu'me ari wogwe, eno'mbak paga yi towe ndi towe inawi wuppunuk wonogwe, yi mendek ndi mendek ineenik wonogwe abok aret eyo ti, anggen nunggwi paga ineenik wonogwe, eekwi iigirak o.

Ndaniyen 4:13

Ti iige nagarik, nogo yege minggim nogo yege me, nabinggaanggo eegu kage logonet, Aap inigen wogonaka alik leenak ambi mbogut paga nen wambi wage nagaarik,

Ndaniyen 4:16

Aakumi iniki warak mengga kwak lek, wam iniki kumbunuk nege kagak tahun 7 aret eeruwak nduk teppuwak o.

Ndaniyen 4:33

Ti yoge eyom paga aret Ala nen at Nebukanetat yoreegerak nogo ndak-ndak, aakumi inenggela'me nen wumbogo mbareegwa, tapi kwak iri'ngga mbanogo nenet nege, mbogut paga konaananggen wurabi wage paga eebe miin ngguluk-nggolak eerogo pege, eeke kagak, towe tiyu eeruwak kwak kunogo pege, eenggabit towe ineenggabit kwak eerogo pege, eereegerak.

Oteya 7:11

It Metit mendek nen yeenggwa nira woraawak o, yinuk, yora nogwe, Ti'nuk, it Atiyut mendek nen yeenggwa nira woraawak o, yinuk, inowagam nogwe, Eekwi me, It Iterali ti, towe puume iniki lek we negen wi-wi eeppuurak kwak wonogo agaarik o.