Ayup 12:21 - Ala Wone Peenok Peebi Mbanak

²¹ Aap inengga warak nogo meek eerogo piige, Inomaawi ambik nogo inomaawi lek eerogo piige,

Ayup 12:21 ပူးပေါင်းရင်းမြစ်များ

2 Endagembogut 9:26

At Aliku ALA nen ari logonet, Aap Nabot apurilogwe inom kobit inamiya wunakendak nogo nenegen kagarak o. Inamiya wunakendak inamee'nggo waminggirak nogo aap Nabot eyabume yi aret mbo piyaagin o, yinuk, aap Akap yoreegerak me, at Aliku ALA nen yoreegerak nogo ndak-ndak, eebe waganogo aap Nabot eyabume onggo kuneegim time aret mbo nappu o,” yoreegerak.

Ayup 12:18

Aap inendagembogut nogo, inayum abe yirik nggoorogo piinok, Aap we ugun mendek inayum yirippiige,

Ayup 30:11

Neegin agale Ala nen nggoorogo punuk, Nomaawi lek eerogo panggerak neego nagaarik, Inoone ugun-ugun yo'nirit unggwogwe, Eeko logonet,

Ndawi 107:40

Aliku ALA nen aap inengga warak nogo Abeelik-abeelek eerogo piige, Tu lek me karume ya agak nda agak nugu logowak nduk eeppiige, Eereegerak kwe,

Wundeegwaarak 16:24

Yorage mbareegi, Muta nen yoragagerak nogo ndak-ndak aret mbi eegu ko'lu noorak ake pateegwaarak nogo obari age, anggolenggen pege, eerulik obeelom aret mbareegi,

Wundeegwaarak 8:2

Nappiiga'lek kenok, an nen o Metit yime abok aret ogolem mban nik yuwak nduk eeppiyaakit o.

Yetaya 11:5

Inaa'ndok paga inagabee'le yirik mban mengga kwak, At nen eekaatak a'me nggelok eeppiige, Ala yegetak ndak-ndak at liirogon mban eeppiinet nage, Eeke logogin aret o.

Yetaya 22:21

Wiiriminggirak wage kenok, kat kayum nggorek waganogo at yippege, kagabee'le yike menggendak nogo waganogo at yippege, kat kamunggat nggoorogo at oba pege, eerigin o. Ti eeke neenok, it aakumi o Yerutalem wonogwe inom, it Yekura paga wiganak inom, inogoba aret arigin o.

Yetaya 23:9

Lek o! It aakumi eerit nugwi paga inendage tiyak ari kenok, wogoppakwi nogo abok aret tebenogo piige, It aap o nggween paga inendage warak wonogwe nogo lek eerogo piige, Eerikit nduk, Nomaawi Lombok Minggirak Naliku an ALA nen aret koonogo pege nagarik, lek eerogo pigirak o.

Yetaya 37:38

Time wonage logonet, ne ambi paga at agugi Nitorok awi wurik me unggunuk, alut eeke me, at apuri Aramelek Taretet imbirak nen inawooluwak paga warogo punuk, kole o Ararat nogogwaarak iigak, obaane'me aput Etat-Karon aap endagembogut agagerak.

Yetaya 40:23

It aap inendage warak wonogwe nogo inendage lek eerogo piige, Aakumi inarum waka o nggween paga wonogwe nogo tebenogo piige, Eeke menggerak o.

Yetaya 45:1

At nage kagak, aa'nduk yi aakumi ndi aakumi at abu'me logowak nduk, tebenogo piinet nage, Aakumi inoweewi inendagembogut ineegin-inomaale ndinogo wagangge, At nage kagak tu narak lek kuurik logowak nduk, aa'nduk tu paarogo pit nage, Eerikit nduk, Aliku ALA nen eenggi pippunuk, leenogo mippereegerak aap Koreti wone yogerak nogo yi aret o.

Yetaya 5:27

Wogo logonet, inowak lek age, iniyogobit lik yagak wogwe, Nogo yigin eeginake, nogo yit wogwe, eeka'lek kunik-kunik aret wogwe, Inagabee'le nggonok yaga'lek nggerok togon eerak wogwe, Iniyogogut keele piyok yaga'lek wogwe,

Amot 2:3

Aap inowe endagembogut inom, at awuri inom eeko menggaarak inom, abok aret lek eerogo inoorigin o,” yinuk, Aliku ALA nen aret yegerak o.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.