Ayup 12:13 - Ala Wone Peenok Peebi Mbanak

¹³ Togop aret kwe, iniki warak inom, omaawi inom, Ti Ala paga mban wonage o. Ndi, wone abu koonogo punuk yorage, Yi wone ndi wone liippit nage, Eeke ti, at mban unde wonage me,

Ayup 12:13 ပူးပေါင်းရင်းမြစ်များ

Ayup 12:16

At ti, omaawi wonage, Eeriyak mbaketak nogo aret eeke, Eeke menggerak me, Aap pilit wone yaga inom, Pilit wone oba pege nogo inom, Imbirak abu'me piirogo menggerak o.

Ayup 26:12

Niyo yenggenak laut nogo omaawi paga kilaarak-mogonik eerogo pege, Waalo kole niyo inikime menggerak nogo iniki warak lombok nen warogo pege,

Ayup 36:5

At Ala ti, omaawi ambik menggerak kwe, Aakumi ti meek aret iigi o, yinuk, mbakeelik o. Yi wone ndi wone eenggo'lek lek abok aret eenu menggerak o.

Ayup 38:36

Ta nen ndugwi iniki warak eerogo piige, Ta nen iyaagi ineenu aruwak nduk eeppiige, Eeke menggerak mbaken?

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 147:5

Ninogoba ti, nggwok lombok logonet, Omaawi mondok iya wonage, Wone ambi eenggo'lek lek abok aret eenu wonage, Eeke menggerak o.

Kini Wuppiige 8:14

Inaruk waka, iniki liippunuk koongga, ti, an aret unde wonage, Wone alom ineenu aga, omaawi eeppiiga, ti, an noba mban wonage, Eerak aret agarik o.

Yetaya 31:2

At Aliku ALA ti, iniki warak aret me, At eeriyak yegetak nogo mbeenogo pigin lek a'me nggelok togon aaninggin inoba kwippiyaagin o. At pilak ari logonet, aap maluk eeka inom, it aap maluk eeka yeenggwaaraga inom, Aaninggin inoba piyaagin aret o.

Yetaya 46:10

Wone eeriyak nogo awo warengga'lek kagak, “Age yobok ndogop eeke kaamunggup o,” yinuk, yokkirage, Ee'nariyak nogo awo eeka'lek kagak aa'nduk togon abok yokkirage, Eeke minggirak o. An eeriyak koonogo pigitak ti, mbeyok arilik o. Ata, eeriyak niniki mbake ti, a'me lik togon aret eeke minggirak.

Yeremiya 10:12

At Ala eenggi omaawi paga o yi ogobakkigike, Iniki warak nen o nggween yi, ena koonogo pege, At eenu paga mbogut mbiganogo nappege, Eereegerak o.

Ndaniyen 2:20

Alut eeke logonet, “Iniki warak inom, omaawi lombok menggerak inom, at Ala alik aret me, at endage mondok-mondok tiyanak logowak o.

Oroma 11:34

“Ta nen ninogoba Ala iniki mbake nogo, Neenu, mbake, Ta nen ninogoba owa'na nigaka a'nuk, yoge,

1 Korindut 1:24

nit Ala yonggo pinaneegerak Yakuri mendek inom, Yunani mendek inom, nogo nen perak, wone ti konembunuk, “Ala iniki warak logonet omaawi paga ninagap ndariyak kooneegerak nogo ti, Keritut ninake kambeegerak paga aret ee'ninabigin o,” mba'nuk, yorogo monggoorak.

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.

Yakobut 1:5

Kit nen eeriyak ambi kineenggo'lek kenok, “Ala yo'nip o.” Yogwi kiinok, at eebi mbakeelik yanggonak paga yi aakumi ndi aakumi abok aret kalo logonogo wogorage menggerak nogo nen ambi eerumunggup nduk, kineenu eeppinagage logogin o.