Ayup 11:7 - Ala Wone Peenok Peebi Mbanak

⁷ At Ala nen koonggetak aakumi kobak aganake nogo, Kat aret alom kwaarit unggwage, Ndi, at Omaawi Lombok Menggerak nogo, Omaawi ndi kuli menggerak o, yinuk, irip liippit unggwage, Eeriyak op mbaken?

Ayup 11:7 ပူးပေါင်းရင်းမြစ်များ

Ayup 22:12

Laaluguragan mbogut paga abu tiyarogon wonage ti, nikket o. Ti wonage kagak kwe, irimbaga Ala mondok tiyarogon wonage nogo lek a?

Ayup 26:14

Ti eeke nagagerak ti, eebe wonage kagak irip mban liippugwi, Yagap wone paga yogwe konenggwi kwak konenggwi, Eeko monggoorak me, Oone nggwok ngguurubu eeke nogo ti, Ta nen liippuurak mbakop? Lek aret o,” yinuk, yoragagerak.

Ayup 27:11

An nen Ala omaawi paga eeke nogo mamunggirage, At Omaawi Lombok Menggerak koongge nogo kumaarogo pega'lek kineenu eeppinagage, Eerigin o.

Ayup 33:12

Ti yagandak kwe, Wone ti abe lek maluk aret yagandak mbaki o. Ala ti, aakumi kwak lek at abok eenu kagak,

Ayup 33:13

Ala yogitak kwe, onggo yo'nega'lek agaarik o, Yinuk, nonggop nduk keebi mbake agandik?

Ayup 35:5

Kena mbogut paga ni'na'nuk kenegen pekkage, Ndugwi kat kirimbaga tiyarogon wonage nogo malik-malok eerogo pege, Eeru o.

Ayup 36:26

At Ala ti, mondok iya tiyanak lombok wonage me, At nonggoti liippubok age, At ndarak kagak tahun mande eekerak nineenu age, Eeriyak meek aret o.

Ayup 37:23

At Omaawi Lombok Menggerak me, Nit at owagam noorak meek age, At omaawi lombok tiyanak wonage, Aakumi eekwi onggo a'me nggelok eeppiige logonet, mondok obeelom lombok eeppiige, Eeke menggerak me, At nen aakumi maluk eeppiyoorak meek aret o.

Ayup 37:5

Ala oone ngguurubu negen ari kenok, it aakumi nen, Wi! ugwi, At iya eeke menggerak nogo ti, aakumi nen liippuurak meek ogwe, Eeko menggaarak.

Ayup 42:3

Kat nen ari logonet, Aap wone eenggo'lek logonet an eeriyak koongge nogo, Kagaarogo pit nage ti ta o, yinuk, yo'negendak nogo ti, An liippega'lek logonet wone ari, Iya eeriyak mendek an neenggo'lek kwe kagak ari, Eekirak o, nogoba.

Ayup 5:9

Nit eeriyak meek kogwe nogo, at aret eeke, Ndi, eerubok mendek nit lingginiyak meek nogo, at aret eerit nage, Eeke logonet,

Ndawi 139:6

An eeke abok kat keenu menggendak ti, Kiniki me menggendak abu iya lombok me, An nen alom kibinit ungguurak meek aret o.

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 77:19

Kat wagak karu ti, niyo nggwok laut aret o. Yi kole yenggenak laut kiiniki paga kiyok pit wagagindak kwe, Kiyok a'lip nogo aakumi inigen kaga'lek aret wonogogwaarak o.

Kini Wuppiige 30:4

Ta nen mbogut paga lagi nanuk, wambi wage, Ta nen o wiya eenggime kuwak eerogo porogo wonage, Ta nen ayum irip paga yi kole laut nogo nggeremborogo wonage, Ta nen o nggween yi irip-irip kuli mbanogo pege, Eeke menggerak mbakop? At ti endage ta o? Ndi, apuluk kunduk, endage ngge o? Kit kineenu me, yo'ninip nda!

Wone Alom Kibingga 3:11

At Ala nen, “Ndi eyom paga abu kigirikwe lombok arigin o,” yinuk, koonogo pereegerak nogo eyom ari nage kenok, yi mendek ndi mendek abok aret obeelom kigirikwe age menggerak o. Ndi, it aakumi nen, “Nabelan-kabelan kolaawok lak ao,” mbaruwak nduk, at Ala nen ti kunduk inikime manabeegerak kwe, o aa'nduk nen eerit irip paga eeri nage nogo aakumi nen liippega'lek aret wonogo menggaarak o.

Wone Alom Kibingga 7:24

Iniki warak nogo ti nda negen wonage, ndi, abu kiraarak lombok wonage, eerak me, Ta nen kwaakkoorak mbakop? Meek aret me,

Yetaya 40:28

O nggween alom nen nok irip kuli ogobakkigireegerak mondok-mondok menggerak Ala ti, Aliku ALA aret keenu age, karuk konengge, Eeka'lek agandik ya? At aret eereegerak me, at omaawi lek age, ta'liila eeke, eekeelik o. Ndi, at yi wone ndi wone eenu menggerak nogo aakumi nen liippugulik aret o.

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Oroma 11:33

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen kibinit ungguurak op mbakop? Ndi, at eeke menggerak nit liippit ungguurak op mbakop?

1 Korindut 2:10

at Ala nen wone kote kumaarak wonagagerak nogo, it aakumi ugun wonogwe nogo ineenu eeppiyoolik o. Ata, nit mban kin kaawok nduk, at Aberiniki yoge kagak, nit yo'niragagerak. At Aberiniki nogo nen yi wone ndi wone alom abok aret liippege menggerak me, liippege logonet, Ala nen agote inikime lombok koongge menggerak wone nogo, inom aret maloppunuk, yo'nirage menggerak.

1 Korindut 2:16

“Ala iniki mbake menggerak nogo, ta nen eenu me, at mamuniriyak op mbakop? Mondok lek aret o,” yinuk, yereegerak liiru mbanak aret wonage kwe, Keritut iniki mbake nogo unde monggoorak nit aret o.

Epetut 3:8

It Ala apuri alik leenak nogo abok aret tiyanak wonogwe iigak, an abu inabu'me tebenak tit neegak kwe, Keritut oba ngginik kagak eeppinanit wundi wage menggerak wone nogo, kit aap endekem mendek yokkirage, ndi, at yi mendek ndi mendek wakkagagerak Ala nogo nen wone o maan koonak kote kumaapporogo wonagagerak nogo, nonggop eeppinaniyak koonogo pereegerak yi aakumi ndi aakumi abok ineenu eeppiige, eeke logokit nduk, iniki kunik ee'nake logonet unde eeppaneegerak.