Ayup 11:17 - Ala Wone Peenok Peebi Mbanak

¹⁷ O liingge eya nggwok eeke ti, mbuuluk. Ndi, kiniki eya eerogo pagage ti, nggwok aret o. O apit aago wonage ti, o kubondendok eya kwak eerogo pagage,

Ayup 11:17 ပူးပေါင်းရင်းမြစ်များ

1 Mbinineegwaarak 29:10

At Ndawut nen aakumi kuwak eerak nogo abok inenggaanom paga Aliku ALA alut eeke logonet, “Kaliku nogoba ALA wa! Ninombo Iterali ogoba kat aret o. Aa'nduk nen nok, peebi kuli, Kendage mondok-mondok tiyappogo logowak o.

Ayup 11:18

Kiniki mondok lunik ambi wonage me, Kiniki ugun tayenak eerogo pagage, At Ala karum wonage me, Kiniki ugun yonggonggolaanok nduk, eeppagage,

Ayup 22:26

Omaawi Lombok Menggerak kinikilom mbake, Kat kenggaanok pilarogon Ala pekkage, Eerumunggun o.

Ayup 22:28

Eeriyak koonogo pemenggendak nogo, ndak-ndak aret ari nage, Kat nage keegak karu eya eerogo pagage, Eeke logogin o.

Ayup 29:3

At andi wuninik nenggaawak paga eya eerogo panege, O apit aagome nage neegak, naru eya eerogo panege, Eeke nagagerak o.

Ndawi 112:4

It aap a'me nggelok mban eeppiigwi, Iniki yanggonak logonet, eeppiinet nogwe, Aakumi inabuwa mbakwi, iniki koonak mban wonogwe, Eekwi nogo O yumaak kwak logomenggaarak kwe, O eya pindanogo piige logogin o.

Ndawi 37:6

O ket yanggo aago weege menggi kwak, kit abe mban eekwi kin eeppinagage, O liingge teretak eerogo pege menggi kwak, Kinawone mbanogo punuk, “Kit maluk eerulik abe o,” yinuk, yokkirage, Eeke logogin o.

Ndawi 92:14

Aap inanggok ari nogwe iigak, Eyo anggen yege menggi kwak, anggen abe yugwi, Eyo mbuk aga'lek ki menggi kwak, it togop aret wonogwe, Eeko logonet,

Ndawi 97:11

Aap iniki abe nogo inoba eya eerogo piige, Iniki koonak nogo inale'nggen mbaruwak nduk eeppiige, Eeke logogin o.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.