Ayup 10:9 - Ala Wone Peenok Peebi Mbanak

⁹ Nggween nggabok paga neebe longgo warogo ogobakkigi'nabeegindak nogo aberu o. Ogobakkigirogo paneegindak aret kwe, ti'nuk, Kena logurogon liirubu kwak eerogo paniyak nduk, Eeke agandik ya?

Ayup 10:9 ပူးပေါင်းရင်းမြစ်များ

Wakkagagerak 2:7

Ti'nuk, peebi at Aliku Ala nen nggween mbuuluk ambi nggalenogo wagangge nagagerik, aap aret ogobakkigirogo punuk, at eenik nogo ogobak me pu eerogo mambege mbareegi, aap nogo eenik a'nuk oone warak aret agagerak.

Wakkagagerak 3:19

Ndi, yabu ligak wuundamo eeppunuk kambi-mbiingga nengge logonet aret kangge logomunggun o. Kat keebe nggween mendek paga aret wakkagak agago ogobakkigikkakirak me, kangge logomenggendik, kiyokan nggween aret age logomunggun o,” yinuk, yoreegerak.

Ayup 10:10

Yilak amburu kilirogo mambogo mengga kwak, Nagalo inikime kilirogo mambege, Yilak amburu longgo wa'nage menggi kwak, logonogo panege,

Ayup 17:14

Nagabolo pili aruwam nggween kabunik nogo yoge logonet, Kat an nogoba aret o, yinuk, yoge, Nagabolo nunggwi puron nogo yorage logonet, Nagalo inom, niriwi inom, kit aret ogotik o, yinuk, yorage, Eeriyak kenok,

Ayup 33:6

Ala nen kat nimbirak ndak-ndak aret niige, Kat nimbirak ndak-ndak nggween nggabok paga ogobakkigirogo pinanege, Eereegerak me,

Ayup 34:15

Aakumi abok ambugwi aret kanggwi, Iniyokan liirubu aret ari nogwe, Eeko logonetak o.

Ayup 4:19

It inawi nggabok nggween paga wurik me wonogwe, Inawi liirubu paga o eyak kwippunuk wonogwe, Tigit-tigit mbaaniigwi iigak kanggo mengga kwak, Mbet-mbet kanggwi, Eekwi nogo ti, Abunuk eeppiige logogin lek mbake agandik?

Ayup 7:21

An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ndawi 104:29

Wogoraga'lek kenete niminik wonage keenok, inaganak wake, Ndi, iniki wagangge keenok, kanggo nagaatik, Liirubu mendek aret me, liirubu aret ogwe, Eeko menggaarak o.

Ndawi 106:4

Kaliku ALA wae. It aap leenogo piyareegindak obeelom eeppiige paga Obeelom wonogwe me, an ninom obeelom wonage, It aakumi kat mendek inale'nggen mbakwi nogo, An kunduk nale'nggen mbake, It keyate kwak kiniki kundugu kendage tiyappugwi me, An ninom kendage tiyappege, Eeke logokit nduk, Kapuri obeelom eeppiige keenok, an kunduk abe'nake, Kapuri inagap ndake keenok, an togon nagap ndake, Eeru o.

Ndawi 22:15

Niyoowak woloonak telo agan nage menggi kwak, Nomaawi lek ee'nabit unggwage, Namili piyanogo nalelaan paga nabeni lagangge, Togop eeke kagak Aakumi kanggaatak inowak paga mbo panege agandik o.

Ndawi 25:18

An ee'nakwi paga yagan wake, Tebenak logonet niniki andi negen wonage, Eeke yi, Pe'neege logomenggendik, nomaluk lek eerogo panu o.

Ndawi 89:47

An neenik wonage ti, Ne ambit liingge lek age nogo abeke logot o. Yi aap ndi aap abok aret We aanom warogo ogobakkigirogo piyareegindak me, ia!

Ndawi 90:3

Tahun seribu eerit wage nogo ti, o ne ambit weege kwak kage, Ne ambit oonikiya paga tum wako mengga kwak kage, Eeke menggendak me, Kat nen aakumi inagabolo nogo Iniyokan nggween ari nawak nduk yorage logonet, “Aakumi inapuri yi wae. Kiniyokan liirubu ari nanip o,” Yinuk, yorage menggendak o.

Wone Alom Kibingga 12:7

Ndi, kat keebe liirubu paga eerak me, kiyokan nggween ari nage, Kiniki at nen wokkereegerak iyokan Ala wonageme ari nage, Eeka'lek kagak, At ogobakkigirogo pagareegerak Ala nogo abeke logot o

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yeremiya 18:6

“It Iterali paga wiganak ti, aap nggween nggabok paga niyoowak ogobakkigikerak yi kokwak, an nen togop aganaburak lek mbaken? It Iterali paga wiganak ti, aap niyoowak ogobakkigika nggabok eenggime wonage menggi kwak it togop aret an neenggime wonogo agaarik o,” yinuk, Aliku ALA nen aret yegerak o.

Oroma 9:21

Togolowak ogobakkigika nogo nen iniki mba'nuk ogobakkigike logonet, nggween nggabok ambit mendek aret waganogo togolowak ambi iya negen eekak yuurak nduk ogobakkigike, ndi, ambi we ugun eekak yuurak nduk, ogobakkigike, eeke menggerak nogo ti, at obaalombok eeriyak koombunuk, eeke logorak ti, meek me nduk, yogo ogotik?

2 Korindut 4:7

Ala nen nit unde eeppinaneegerak nogo ti, ninageerok niniki kundugu kwak aret me, nit wone ti, yorogwe niigak, Ala omaawi paga aakumi inikime mondok alik lombok eeppiinet nage nogo, kogo logomenggaarik, “Yi aakumi inomaawi paga eekwi lek o. Yi Ala omaawi paga aret eeppiinet nage agaarik o,” yinuk, kin kogo logowak nduk, togolowak nggween mendek ogobakkigirik nogo paga yonggolak wonage o.