Ayup 10:3 - Ala Wone Peenok Peebi Mbanak

³ Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 10:3 ပူးပေါင်းရင်းမြစ်များ

Ayup 10:8

Kat keenggi lombok paga nena koonogo neebe ogobakkigirogo paneegindak kwe, Ti'nuk, kena logok togon lek eerogo paniyak nduk eeke agandik ya?

Ayup 14:15

Wone onggo yokkirikit nen kat nen an wii'nege, Ogobakkigirogo paneegindak an nogo nabuwa mbake, Eeke logonet,

Ayup 15:13

Kat kanini nen Ala mberege, Koone yuurak lek mendek mban wunabit nage, Eeke ti, Nonggop nduk eeke agandik?

Ayup 16:11

Ala nen neebe waganogo aap maluk mendek wogorage, Aap maluk eeppiiga ineenggime tek eerogo panege,

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 21:16

Ineenggi warak iniki ugun tayenak wonogwe ti, It nen eekkologwe paga wonogwe mbakop? Lek me, It aap maluk eeka ti nen wone agan nugwi nogo An e-wa inombarigin mondok lek o.

Ayup 22:18

At Ala nen aret inamendek nogo iname yagabit eerogo piyareegerak kagak, It maluk eeka ti nen wone agan nugwi nogo, an e-wa inombarigin lek o.

Ayup 27:2

“At naana'le liirogon mbanggeelik eenik menggerak Ala endage paga, At niniki andi lombok eerogo panggerak Omaawi Lombok Menggerak endage paga, Wone ambi yokkira o.

Ayup 30:21

Nabuwa nombaka'lek nggwiirit nooke, Andi yagan waruwak o, yinuk, keenggi omaawi lombok paga noorit unggwage,

Ayup 31:15

At nagalo inikime ogobakkigirogo paneegerak nogo nen It kunduk inagalomini inikime ogobakkigirogo piyoolik mbakop? Ninagalomini inikime ogobakkigirogo pinaneegerak ti, Eebe ambit Ala aret nogo lek a?

Ayup 33:4

Ala Aberiniki nen ogobakkigirogo panege, At Omaawi Lombok Menggerak nogo nen ambe aagi paga neenik eerogo panege, Eeke me,

Ayup 40:2

“Ayup wae. At Omaawi Lombok Menggerak nen niniki koonogo paniyak, mbakendak nogo, Abu yogirak mbake agandik ilik, ambinom yorikit mbake agandik a? Ala nen maluk eeppanegerak o, At ari nogo nen aret an Ala eekirak ti, Ndogop eeppanggendak, yo'niruwak o,” yinuk, yoreegerak.

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 8:20

Togop aret menggaarak kwe, Aap ambi inoone oba pugulik iniki abe kenok Ala nen mbo pege, Ndi, it maluk eeko menggaarak kenok yeenggwaarage, Eekeelik aret mbake logot o.

Ayup 9:22

Aap ambi maluk eeke, ambi maluk eeka'lek wonage, Ala nen imbirak ndak-ndak Inenggaawak lek eerogo piige menggerak me, Eeppaniyak op mban aret, yagi o.

Ayup 9:24

Ndi, nggween yi, Aap abet mbaka'lek ineenggime piige logomenggerik, Aap inowak loongga nen wone abe koonggwi iyo, Inigen mbuk kwak eerogo piige, Eeke menggerak o. Ti eerit nogwe nogo ti, At Ala nen eerulik mbakendak kenok, Ta nen eekerak me nduk ari agandik?

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 138:8

Kaliku ALA wae. Aakumi inabuwa mbake ti, itok kunik menggerak me, Keenggi paga ogobakkigi'nabeegindak an nogo Mbo paniyak mage o. Ata, Kaliku ALA nen an eeppaniyak koonogo paneegindak nogo Li'luk eerogo panege logomunggun o.

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

1 Peterut 4:19

Togop me, kit andi-pandi eerogo pinagagwi nogo ti, Ala iniki mbake ndak-ndak eeppinagagwi me, kit obeelom mban eerit nogo logonet, at kineebe ogobakkigikkinabeegerak nogo nen, “Eeriyak,” yegetak nogo, a'me liirogon aret eeke menggerak me, kiniki inom, kineebe inom, apit aret at unde logowak nduk, wogo'nuk logonip o.