Ayup 10:15 - Ala Wone Peenok Peebi Mbanak

¹⁵ An maluk eerigin kenok, nabuwa o! Ndi, eeka'lek obeelom aret wonage neenok perak, Nenggaawak pilarogon nege logorak op kwe, Neebe maluk agaarak paga nenggali mbakak nagin me, Nenggaawak pila yuurak meek ee'nabigin o.

Ayup 10:15 ပူးပေါင်းရင်းမြစ်များ

Ayup 21:6

An yuurak mbakirak nogo, Yikit aret, mbake neegak, nagabolo kangge, Namineeri ne agan nage logonet, naganak nuk-nuk eeke, Eeke kagak kwe, yigin aret o.

Ayup 23:15

Ala owagam noorak nagabiti mbake, Eeriyak koonak ambik lombok wonage nogo, Niniki koonit nage logonet, at eebe paga naganak wake, Eeke agarik o.

Ayup 27:7

Togop aret ari neegak, It aap Ala mugurok noorak ineebi mbakwi nogo, Ala nen inenggaawak lek eerogo piige, Kambuurak eyom koonogo pemenggerak nogo, a'me lik yi nage, Eeke kenok, Iniki lunik lek logonet kanggwi nogo lek a? At Omaawi Lombok Menggerak inikilom mbako logonet, Netik-netak yogo logorak op kwe, Aaninggin inoba kwi'nage kenok mban inoone nggwok paga Ala yogwi iinok, Ala nen inoone konenigin mbakop? Lek aret me, It maluk eeka togop logonet kanggwi kwak, It nawim nogo togop aret kanggwi, Iniki abe koonak lek logonet lek ogwe kwak, It ninom ogoorak nogo togop aret ogwe, Eeko logowak o.

Ayup 6:29

Maluk eerulik kagak, Maluk eekendak o, yo'nugwi ti, Lik togon yo'nugwi lek me, ambinom liippinip o. Liippugwi kiinok, abet aret an maluk eerulik neyaamunggup o.

Ayup 9:12

Aakumi inamendek ndinggolage kenok, ta nen non mbanogo pege, Kat nonggop eeke agandik o? yinuk, ta nen yoge, Eerigin mbaken?

Ayup 9:15

An maluk eeka'lek aap abe aret wonage logonet kwe, An nen at wone onggo yoriyak meek a'netak o. At nowak loongga aret me, We nabuwa nombaruwak nduk mban yo'netak o.

Ayup 9:29

At Ala nen, Aap yi maluk aret eekerak, nombake kagak, Nano eekkoloorak nduk, Aaninggin eerogo patit nage logorak mbaken? Ti we aanom warogo aret o.

Ndawi 119:153

Kat koone Muta liiru mbaneegerak nogo An kobak eerogo mbo pegeelik me, Eeppanugwi paga niniki andi ee'nake nogo Lek eerogo panege,

Ndawi 25:18

An ee'nakwi paga yagan wake, Tebenak logonet niniki andi negen wonage, Eeke yi, Pe'neege logomenggendik, nomaluk lek eerogo panu o.

Ndawi 83:16

Kaliku ALA wae. It aap ti nen, “Ala ngge o?” Yinuk, kwaakkabit woraawak nduk, inenggali lombok eerogo piyet o.

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Leendawi 1:20

Kaliku ALA wae. Niniki abu piirik wonage yi, pe'neyet o. Niniki andi negen ee'nabit unggwage, Eeriyak yo'nege nogo, neebi mbakak eeke nagagirak paga niniki yi koonggak ndi koonggak eeke, Eeke agarik o. Endekem nen wooluwak paga inookwi, Ndi, akem nen kugilingga paga kanggwi, Eeko agaarik o.

Maleyaki 3:18

Ti eeke neenok, it aakumi iniki abe koonak logonet, eeka inom, inobaabut nggolawe logonet, maluk eeka inom, inalitak eekwi paga eeppiige, ndi, it nayuk wuko logonet, noone mugurok nogwe inom, nayuk wuka'lek noone mbo pugwi inom, inalitak eekwi paga eeppiige, eeke neyaagun o,” yinuk, yegerak me, yokkiragi o.

Lukat 17:10

Ndi, ti kenok, ti ndak-ndak kit wone, Yogop ee'nu, ndogop ee'nu, yokkirage nogo abu eeppogo logomonggotik, Lek o. Nit aap inayeloman mban ogoorik o. Ninaburen eerulik o. Ata, yo'niragaarak kenok mban eekoorak yogo logorak op o,” yinuk, yoragagerak.