Ayup 10:1 - Ala Wone Peenok Peebi Mbanak

¹ An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ayup 10:1 ပူးပေါင်းရင်းမြစ်များ

1 Endagembogut 19:4

at Eliya nogo, o ne ambit weege paga nogo mengga kwak, o karume unggwi nage nagagerik, eyo lo alome kwi'na'nuk, kambikit mba'nuk, tamban eeke logonet, “Kaliku nogoba ALA wae. Nombomini abu eeppunuk, kambit nogogwaarak nogo kwe, an iya negen eeka'lek neegak teppanege agandik? Mage o. An togon abu eekirak me, kambikit nduk, niniki wamen o.”

Ayup 14:13

Kambunuk nogo menggam an kumaappanege, Kanini lek age kagak an nobarogo panege, Eeppaniyak koonogo pege logomenggendik, ti paga ari nage kenok abe'nake, Eeke logorak, Ao, kombake agarik o.

Ayup 19:4

An abet aret tu nomoninuk nagarak kenok, Nomaluk ti, nobaalombok koonggolage logogin o.

Ayup 5:20

Mbi noogelo age paga kangge keyo, keebe unde wakkake, Wim eeko logonet wooluwak paga koorukwak kili eerogo pagage,

Ayup 6:26

An ari nogo, kit nen koonogo paniyak nduk yogo ogotik? Iniki aaninggin ndugu agan unggwage nen ari kenok, O wiya pogom ari agaarik, mbako ogotik?

Ayup 7:11

Togop aret me, An yuurak mbake nogo puk aga'lek aret ari, Niniki apit ee'nabit unggwage nogo kik wunake, Niniki wakkolage logonet neebi mbake nogo pagangge, Eerigin aret o.

Ayup 7:16

Neenik mondok-mondok logorak mbakeelik o. Neenik wonage yi, Inambe aagi ne ambit wungge kwak aret, mba'nuk, Neenik logorak neebi lombok mbake me, mbo panu o.

Ayup 9:21

Ndi, an maluk lek aret kwe, Neenik nili yikkoloorak neebi mbake me, Eeppaniyak mbake kenok, eeppanuwak aret o

Yetaya 38:15

Yoge mbaki, eeppanggerak paga an nonggop yi o? Yogirak nogo at nen onggo yo'nege, At nen mban obeelom eerogo panege, Eekerak o. Niniki mondok wakko'net unggwage nagarak me, nda'nagagirak yubuni nage kagak, Niniki tebenak logonet, eerit nage logokit o.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yunut 4:3

Togop aret me, Kaliku nogoba Ala o. An neenik logorak neebi o. Ndi, kambuurak ti op aret, mbake me, nggaruk togon kambikit nduk, eeppanu o.”

Yunut 4:8

Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.

Linggineegwaarak 11:15

Aaninggin yogobi mban eeppanege logonet, irip paga maluk noba ariyak neebi me, nggarurogon kambikit nduk yogondak aret nabuwa nen nooru o,” yinuk, yoreegerak.