Ayup 1:9 - Ala Wone Peenok Peebi Mbanak

⁹ Yoge mbareegi, Tile nen wone onggo Aliku ALA yoge logonet, “Aap Ayup ti, we aret kayuk wuke menggerak mbake agandik ya?

Ayup 1:9 ပူးပေါင်းရင်းမြစ်များ

Ayup 1:10

Kat nen at inom, aaganapuri inom, amindik-amendek abok aret inom, mangga wagak yengget-wangget yagat wurogo piigendak nogo lek a? Wurogo piige nagandik, at eerit nage nogo abe mban arit nage logowak nduk, kale'nggen oba pege menggendak paga at wonage menggim aanggumi kambin-ndomba ambik lombok wigak yegerak nogo o.

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Maleyaki 1:10

“An nake warogo kani kunggo menggam it we aanom warogo kani kunggwi iyo, it inenggela'me time aap ambi nen nawi wurik me tu narogo puwak lak, ao, mbake agarik o. It eekwi ti, an abu neebi lombok mbake me, an nake warogo wo'nugwi ti, an waagin lek aret o,” yinuk, at Omaawi Lombok Menggerak Aliku ALA nen aret yegerak me yokkiragi o.

Matiyut 16:26

Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nogo logomunggup mbakop? Kineebe kobak arumonggotak kenok, obaane'me nano patiyak?

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.

1 Timotiyut 6:6

nit perak, Ala wone liippunuk, eerit nogo logonet, niniki tayenak wonogwe nogo ti, onggo iya tit kologwe ti aret.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.