Ayup 1:5 - Ala Wone Peenok Peebi Mbanak

⁵ Laago larit noorak mbakaatak nogo abu aret age yubunggwi iinok, Ayup nen iniki mbake logonet, “Napuri nen Ala meek eerogo pogo logonet, maluk eekaarak kero,” yinuk, ko'lu kuubondendok eenik a'nuk, apuri nogo wiiraanuk, wogwe iinok, inoba mbeenogo piyaakit nduk, ineengge ndak-ndak Ala ake warogo kani kungge nagagerak. At Ayup nen togop mban aret eeke nagagerak.

Ayup 1:5 ပူးပေါင်းရင်းမြစ်များ

Wakkagagerak 22:3

Yoge mbareegi, ko'lu kuubondendok at Abarakam nogo eenik age nagagerik, Ala ake warogo kani kuniyak nduk, kani nggaganogo nggerembunuk, keledai paga pege nagagerik, aput Itak wagangge, aap ayeloman mbere'ndak, “Woraanip o,” yorage, eeke nagagerik, inom o Ala nen yoreegim nogome aret nogogwaarak.

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Wakkagagerak 8:20

Abu aret wundi nogo nogogwaarik, at Nu nogo nen at Aliku ALA alut eerikit nduk yugum ndoonogo pege nagagerik, yi mendek ndi mendek op nonggo logorak mendek tapi, ndomba, kambin, towe, anebunu lombok abok aret ambitak nggigik agago Aliku ALA ake warogo kani kuneegerak.

1 Endagembogut 18:31

at Aliku ALA nen, “Kat kendage Iterali aret yokkogo logogun o,” yoreegerak aap Yakup apuri inanebunu ndak-ndak yugum 12 waganogo

1 Endagembogut 21:13

aap inogogun ambik mbere wogo nogogwaarik, Nabot engga loolo kwi'na'nuk, aakumi abok inenggaanom paga, “At Nabot yi, ndogop yegerak o,” yinuk, yogo logonet, “At aap yi, Ala inom, aap endagembogut inom, meek eerogo piigerak o,” yinuk, yogo mbareegwa, aakumi apit aret at eebe wonok o kota endekem wundi nanuk, yugum paga warogo pereegwaarak kambeegerak.

Nekemiya 12:30

it aap Ala unde inom, Lewi mendek inom, inoba maluk lenggenak kero mbeenogo patinuk, it aakumi inoba maluk lenggenak wonage kero mbeenogo piigwi, yugum pak wurik inom, tu unggwogo menggam inom, nggomoorogo pugwi, eereegwaarak.

Ayup 1:11

Togop aret me, at amendek abok aret keenggime woppunuk, lek eerogo pege keenok perak, pulunogo pagagin mbake logot o.”

Ayup 1:4

Apuri wologwe nogo nen ne ambi paga at ambi ame inale'nggen nen laago lakwi, ne ambi paga at ambi ame inale'nggen laago lakwi, eerit nogo logonet, iniriwi kumi kenagan nogo inom aret noorak nduk, inayonggo piigaatak wogwe iinok, inom aret mbi inom, niyo inom, nonggo nogogwaarak.

Ayup 2:9

Eeke wonage me, at akwe nen at yoge logonet, “Yogobi eeppagage kagak kiniki abe koonak mban logorak mbakendak ya? Ala pulunogo punuk kambu o.”

Ayup 41:25

It pilak togon mi'nogwe iinok, Aap wakaa'ngget kwe, inomanggen ngginuk yogwe, Yambunik-pambunik eekwi iinok, Inagabiti nen inakom niruk mbaganggwi, Eeko menggaarak.

Ayup 42:8

Nayeloman Ayup nen nabok abe pagangge menggi kwak, kit togop yuulik paga aaninggin kinoba pinagarak mbakirak kwe, lek eerogo pinagakit nduk, tapi ngguunok 7 waganggwi, ndomba ngguunok 7 waganggwi, ee'nuk, nayeloman Ayup owagam nogo logomonggotik, ti abok aret warogo kinake kani kunggwi kiinok, nayeloman Ayup nen kinake tamban eeke kenok, naruk konengge logominggirik, kit eekotak ndak-ndak eeppinagagin lek teppinagagin o,” yinuk, yoreegerak.

Ayup 6:14

Aap ambi ore iniki ma'nagaarak nogo abuwa mbaka'lek mbo pege kenok, At Omaawi Lombok Menggerak nogo aret Ayuk wuka'lek mbo pege menggerak o.

Ayup 8:4

Kat kapuri nogo ti, at oone yugu taganogo pugwi iinok, Onggo ndak-ndak wogoragagerak kwe,

Ndawi 5:3

Kaliku ALA wae. Kuubondendok noone yokkege nogo Karuk konengge menggendak o. Kuubondendok nggino yokki'nuk, “Kat ari keyaakit o,” yinuk, Tokkeege minggirak o.

Wundeegwaarak 18:12

Ari nagagerik, ndomba ambi Ala ake warogo kani kungge, ndi, alik mendek ando inom Ala ake warogo wogoge, eeke mbareegi, at Karun inom, it aap Iterali yo'nggok inom, at Muta aru inom Ala enggaanom paga mbi nawak nduk, Yitoro ka wogo nogogwaarik, inom mbi nunggugwaarak.

Wundeegwaarak 19:10

Yoge mbareegi, at Aliku ALA nen Muta ambinom yoge logonet, “Naliku an ALA nogo, nogo mbere yippunuk, ko'lu aakumi Iterali abok inenggaanom puut Tinayi yi paga wambi woraagin me, it aakumi o yogondak inom, ko'lu inom, iniki kikak naka'lek an nake leenogo pakwi, inayum koorogo pakwi, eeppunuk, abu pipuk eerak logowak nduk, yorage logomenggendik,

Wundeegwaarak 24:5

Pege nagagerik, Muta nen aap tawe Iterali mendek yorage logonet, “At Aliku ALA ake warogo kani kunggwi, at ninom lambuniyak ake lembu ngguunok warogo wogogwi, eeruwok nduk, wa nanip o,” yoragagerak nogo, eeko mbareegwa,

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yetikiyen 14:14

it aap ineebe kenagan aap Nu inom, Ndaniyen inom, Ayup inom, o ti enggela'me logomenggaarak kwe, it iniki abe koonak eerit nugwi paga ineebe kenagan ti mban inili eerogo piige logonet, o time wonogwe nogo abok aret lek eerogo piyane o, yinuk, Naliku Nitok Minggirak an ALA nen aret yagi o.

Lukat 1:75

Nit ninagabiti mbaka'lek awo nineenik logonet, at obaalombok mban eerit nugwi, Ndi, at enegen kagak, nit maluk eeka'lek at ake leenak niniki abe koonak wonogwe, Eeko logowak nduk, eereegerak o.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Yaya 11:55

Wonage me, it Yakuri laago Obaga Mbo Nagagerak lariyak eyom panggoni wage mbareegi, laka'lek iigak, it aakumi inabin kooppunuk, ugun nawok nduk, iname lombok nen o Yerutalem wogogwaarak.

Nappiigak 21:26

Yogo mbareegwa, nogo yinuk, ko'lu, at Pawulut nen aap ineebe 4 nogo wogoren, nage nagagerik, at inom inoba mbeenogo patinuk, Ala awi wurik me unggwi nanuk, it inoba mbeenogo patinuk wonogogwaarik, ne ndi paga inalitak Ala ake warogo puurak wone nogo yoragagerak.

Nappiigak 8:22

Kat maluk eeriyak koonggendak ti, mbo punuk, kiniki mbakendak kogoba Ala nen lek eerogo pagawak nduk yoru o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

2 Korindut 11:2

Kwe aap kigin waka'lek kwak, kit an napuri togop logonet, kinogonggelo ambit Keritut aret kolaabagip nduk, abok yokkirage nagagirak nogo kagak, alik eekwi kiige nagarik, Ala apuri at oone mbo punuk, alik mugurok nogwe iinok, iniki wakkolage menggi kwak, an ndak-ndak niniki abu wakkolage agarik o.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

1 Tamuwen 16:5

Yogo mbareegwa, at Tamuwen nen ari logonet, “E o. An niniki yanggonak paga ninom Aliku ALA ake warogo wogoruwok nduk, wagi o. Togop aret me, kit apit aret Aliku ALA ake warogo wogo'nuk, ninom laruwok nduk, kinalitak lombok kinoba mbeenogo patinuk, woraanip o.” Yorage mbareegi, at Itayi inom, apurilogwe inom, it kunduk inoba mbeenogo patinuk woraawak nduk, wiiragagerak.