Ayup 1:18 - Ala Wone Peenok Peebi Mbanak

¹⁸ Yinuk, wone nogo awo yoge wonage me, aap alik ambi wage nagagerik, yoge logonet, “Kapuri wologwe inom, komologwe inom, inale'nggen nen laago lappunuk, mbi inom, anggur amburu inom, inoweeluk manggu ame awo nunggwi wonogwe me,

Ayup 1:18 ပူးပေါင်းရင်းမြစ်များ

2 Tamuwen 13:28

“E o,” yoge mbareegi, inom nogo nogogwaarik, at Abatalom nen ayeloman mini yorage logonet, “Wologwe wae! Kinaruk logonip o. At Amonon nogo anggur amburu nengge logomenggerik, iniki lek aremenggerak paga an nen, Warinip o, yokkirage neenok, At nen aret wariyak, yo'nirage me, waruwi o, yinuk, kinagabiti mbaka'lek kinogogumbuk eeppunuk, warumunggup o,” yinuk, yoragagerak.

Ayup 1:13

Ne ambi paga Ayup apuri wologwe inom, komologwe inom, inoweeluk manggu ame inale'nggen nen mbi inom, anggur amburu inom, nunggwi iigak,

Ayup 1:17

Yinuk, wone awo yoge wonage me, aap alik ambi wage nagagerik, yoge logonet, “Aap Katirim mendek ineebe kenagan aago inoba kwi'nari unggwogo logonet, aap kaanggumi arum wonogwe nogo inoorogo piinok, kaanggumi unta nogo ko'nok ndi yogwe iigak, nalik mban mbagangge nagarik, wone wonok yokkiri wagi o.”

Ayup 1:19

yini-panip o karume pa'nggwe nen wiya oone pu warit o eyak 4 wurabak nogo punggage logonet, o ti langguk togon kapuri inookerak kanggwi iigak, nalik mban mbagangge nagarik, wone wonok yokkiri wagi o.” Yinuk, yori wagak mban eereegwaarak.

Ayup 1:4

Apuri wologwe nogo nen ne ambi paga at ambi ame inale'nggen nen laago lakwi, ne ambi paga at ambi ame inale'nggen laago lakwi, eerit nogo logonet, iniriwi kumi kenagan nogo inom aret noorak nduk, inayonggo piigaatak wogwe iinok, inom aret mbi inom, niyo inom, nonggo nogogwaarak.

Ayup 16:14

Aap wim kalu-kalu menggi kwak, Ko'lu-kii'me noori wagak mban eeke menggerak o.

Ayup 23:2

“Ti yagandak kwe, O yogondak ee'nabit unggwage an neebi lombok mbake yi, Niniki andi eerogo panege me, Neebi, lombok mbake agarik o. Andi nen niniki oone ari neegak kwe, Ala nen eeppanegak mban eeke agaarik o.

Ayup 27:14

Inapuri ndaganakwi nogo wooluwak nen nengge, Inapuri wigannogwe nogo mbi abu nen kanggwi, Eeko logonet,

Ayup 8:4

Kat kapuri nogo ti, at oone yugu taganogo pugwi iinok, Onggo ndak-ndak wogoragagerak kwe,

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Wone Alom Kibingga 9:2

Aap iniki abe koonak aap iniki maluk inom, aap obeelom aap maluk inom, aap oba mbeenak aap oba mbeena'lek inom, aap ake warogo wogoga aap ake warogo wogogeelik inom, it abok eeppiyoorak koonak nogo ambit ndak-ndak aret wonage,” kagagirak. Aap obeelom mendek nogo ti, aap maluk mendek ndak-ndak wonogwe, It aap kumbuk mbangga nogo ti, it inagabiti nen kumbuk mbanggulik ndak-ndak wonogwe, Eeko menggaarak o.

Yetaya 28:19

Kulinik-kalinik kup molok, liingge molok, oonikiya molok, eekkinabit unggwogo logonet, Kinooppunuk, wokkiren nagak eeko logogun o,” yinuk, yegerak o. Wone yokkirage yi, abu liippugwi kiinok, kinamineeri ne agan nage kaamunggup o.

Yeremiya 51:31

It aakumi tu andogon-andogon abok aret unggwi wogo logonet, o kota tebeni unggwi wogwe, Niyo ayo mbaninuk wundogo menggam inogo ndoonogo kwi'nogwe, Inoori unggwogwe iyo, yugum pak wurik kani paarogo pit nagaarak paga aan ndu-ndu wangge, Aap ineegin warak inomanggen tayok ari, Eekerak o, yinuk, Mbe agan aap o Mbaben inowe endagembogut eenu aruwak nduk, wone yugu ambi yori nagak, ambi yori nagak, eekwi, Wone wonok ambi nappegak, ambi nappegak, eekwi, Eeko agaarik o,” Yinuk, yegerak o.

Leendawi 1:12

“Kit aakumi tu an paga wogwe yi wae. An noba agaarak yi, meek aret nombako ogotik ya? At Aliku ALA anini kani kunik negen eeppaniyak eyom agaarak paga eeppanege kenok, yagan wake yi, It ambi nen it ambi eeppiigwi iigak, yagan wakwi ti kwak ambi wonogwe ilik, lek a? Wonogwe iyo, kinaagan-ambokan time pegiinet nugu logonet, liippiinet nugu logonip o.