Ayup 1:16 - Ala Wone Peenok Peebi Mbanak

¹⁶ Yinuk, wone nogo awo yoge me, aap alik ambi wage nagagerik, yoge logonet, “Ndomba inom, aap arum wonogwe inom, Ala nen o yabok pindanogo nappi wage menggerak nogo mbogut paga nen wunuk agan wambi wage logonet, yaganinake kagak, nalik mban mbagangge nagarik, wone wonok yokkiri wagi o.”

Ayup 1:16 ပူးပေါင်းရင်းမြစ်များ

Wakkagagerak 19:24

Unggwi nagagerak kagak, at Aliku ALA mbogut paga nen mayu negen kani kunik omoonuk kwindagala agago ugun abera'lek me, o Torom Nggomora nogome aret wuppi wagagerak.

1 Endagembogut 18:38

Nogo awo yoge kagak, at Aliku ALA mbogut paga nen kani wuppi wagagerak paga ake warak inom, kani ndoonak inom, yugum ogobakkigirik nogo inom, nggween inom, pu mbanak me yi yenggenak inom, abok aret kani pup eerogo nenggegerak.

2 Endagembogut 1:10

Yogo mbareegwa, at Eliya nen aap ineegin warak inowe nogo yoge logonet, “An aap Ala wone liirogon eeka abet aret kenok, kat inom, kawuri 50 inom, kineebe apit kani namunggup nduk, kani mbogut paga nen kinoba wambi woraawak o.” Ari kagak, kani mbogut paga nen wambi wage logonet, awuri 50 nogo inom abok aret kani nunggugwaarak.

2 Endagembogut 1:12

Yoge mbareegi, at Eliya nen, “An Ala wone liirogon eeka abet aret kenok, kat inom, kawuri ineebe 50 inom, kineebe apit kani namunggup nduk, kani mbogut paga nen kinoba wambi woraawak o.” Ari kagak, Ala kani mbogut paga nen wuppi wagagerak paga awuri ineebe 50 nogo inom abok aret kani nunggugwaarak.

2 Endagembogut 1:14

Kani mbogut paga nen wambi wagaarak paga ineegin warak mbere aago inoweewi inom aa'nduk wagaarak nogo kani nenggaarak kwe, an aakumi aret neenok, nili eerogo panu o.”

Ndawi 45:3

Aap wakaa'ngget yi wae. Kawooluwak keenggime li'luk eeppunuk wonage, Kobaanggi-kobaangge li'luk eekko'nok Kayuk warak lombok wundi nage, Eeke logot o.

Wundeegwaarak 9:28

o ngguurubu eeke, mayu kumulinggen wangge, eeke yi, yi kuli aret teppuwak nduk, Aliku ALA yo'nip o. Yogwi kiinok, kit o yime ambinom pinagago logorak lek mbet-mbet wundi namunggup nduk, teppinagagin o.”

Ala Unde 10:2

Aliku ALA nen kani kunik inoba wuppi wagagerak paga mondok yoguk togon eerogo piige mbareegi, Ala enggaanom awooliya wurik tungga paga taati aret kambeegwaarak.

Ala Unde 9:24

enggela'me nen kani omoonuk wunuk agan wundi wage logonet, ake warak kani nawak nduk kani kunggo menggam pugu nogo inom, amok leenak pugu nogo inom, abok aret ne ambit wunuk togon nengge it aakumi nogo inigen kogo nogogwaarik, inale'nggen nen keekok yogo nogogwaarik, inendobanggun yindumbunuk, alut eereegwaarak.

Amot 7:4

Aliku Itok Menggerak ALA nen nabinggaanggo paga yo'nereegerak nogo yi aret. Aliku Itok Menggerak ALA nen aaninggin inoba piyoorak nduk, kani kunik wiireegerak nogo wage logonet, niyo kole yenggenak laut nggween abu'na wonage nogo, porok togon nenet wambi nage, nggween inom nenet nage, eeke kagagirak.

Wayu 13:13

Ndi, nggeewo peebi nggween enoona lagi wagaarak nogo nen eerubok mendek iya tit eerit nage logonet, aakumi abok inenggaanom paga kani kunik mbogut paga nen nggween paga wuppi wage kagarak.

1 Tamuwen 14:15

Ti inooreegwaarak paga it aakumi Pilitin mendek nogo kogo nogogwaarik, inawooliyana wonogwe inom, ineyabume wonogwe inom, it tum wakwi wonogwe inom, it aakumi inamendek ndingga nogo inom, abok aret inaganak warit nage, nggween inom nuk-nuk eeke, eereegerak. Ti eereegerak nogo ti, Ala nen aret eereegerak.