Ayup 1:10 - Ala Wone Peenok Peebi Mbanak

¹⁰ Kat nen at inom, aaganapuri inom, amindik-amendek abok aret inom, mangga wagak yengget-wangget yagat wurogo piigendak nogo lek a? Wurogo piige nagandik, at eerit nage nogo abe mban arit nage logowak nduk, kale'nggen oba pege menggendak paga at wonage menggim aanggumi kambin-ndomba ambik lombok wigak yegerak nogo o.

Ayup 1:10 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 26:12

Ndi, at Itak nogo it inom nogome aret wonage logonet, yi mendek ndi mendek yarit nage logonet, “Ero ambit nen anggen ambiret mbanggolaagin,” mba'nuk, yareegerak kwe, at Aliku ALA ale'nggen oba pege me, ero ambit paga anggen ambik 100 negen aret yege me,

Wakkagagerak 30:30

An keya waga'lek neegak, kaanggumi ti, we mbuuluk mban aret wonogogwaarak kwe, yogondak ambik lombok wigak yegerak ti, an yime wonage paga Aliku ALA ale'nggen koba pagage logonet eekerak op kwe, an nakwe-napuri perak, ngge eyom paga yeenggwaarobok aga o?”

Wakkagagerak 30:43

Ti eereegerak paga at Yakup nogo aap nggwok eenggi warak age nagagerik, aanggumi kambin-ndomba inom, keledai-unta inom, apit aret unde a'nuk, ayeloman mini kumi-aap apit aret wonagagerak.

Wakkagagerak 39:5

At ame inom, amindik-amendek inom, arum logowak nduk, mippereegerak kuli nen at Yutup wonage paga at Aliku ALA ale'nggen aap Metit mendek Potipat nogo ame pege logonet, amindik-amendek oome mendek inom, endekem mendek inom, abok aret obeelom eeppege nagagerak.

Wakkagagerak 49:25

An kogoba nogoba Ala nen yeenggwa kege, At Omaawi Lombok Menggerak nen ale'nggen koba pege, Eeke logonet, Agi mbogut paga nen wuppagi wage, Ogu nggween abu'na nen obeelom eerogo nippagi wage, Ndi, kakwe ndaganake menggim obeelom eerogo pege, Elak amburu ambik eerogo pege, eeremenggerak paga Kapuri obeelom aret ndarogo wokkege, Eeke logowak o.

Ayup 1:3

Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Ayup 29:2

“An ti, tut aa'nduk penenak paga wonagagirak nogo Ndak-ndak logokit lak, Ao, mbake agarik o. Ne ti eyom paga Ala nen an unde wo'nake,

Ayup 29:6

Tu nage neegak, Naanggumi inelak amburu paga niyok pege a'lip kaga'narit nage, Eyo tayitun anggen yugum ndoonak paga aambirangge neegak, Niyo kwak amburu oone nggwa wangge, Eeke nagagerak.

Ayup 31:25

Neenggi warak wonage me, niniki ale'nggen nggwok mbake, Eerit nage nogo paga Namendek ambik kuwak eerogo pakirak kenok, niniki tiyappake,

Ayup 42:12

At Aliku ALA nen Ayup aa'nduk eenik wonage kagak ale'nggen oba pege nagagerak kwak lek peebi eenik wonage kagak ale'nggen ambik oba pereegerak. Pege kagak, aanggumi kambin-ndomba empat belas ribu inom, unta enam ribu inom, lembu mbere'mbo seribu inom, keledai kooli seribu inom, unde wonagagerak.

Ndawi 107:38

Eekwi iigak, at ale'nggen inoba piige, Ineebe ambik wiganogo piige, Inaanggumi kunduk lek aga'lek ambik eerogo piige, Eereegerak.

Ndawi 34:7

It Aliku ALA inagabiti mbako menggaarak ti, Aliku ALA ayonggo malayikat nen Awooliya yendok-wandok wuppiinok, inarum wonage, It inagap ndake, Eeke menggerak o.

Ndawi 71:21

Nayuk lek agaarak nogo nayuk warak eerogo panege, Kenegen lambek neegendak nogo Kena koonogo pe'neego logonet niniki eyak wappanege, Eerumunggun o

Ndawi 80:12

Ti eereegindak aret kwe, It yi aap ndi aap tu ti paga nogo logonet, Anggen yugu mbanggak nawak nduk, Nonggop nduk eyagat wurik minogo pereegindak o?

Ndawi 90:17

Ninogoba Ala o. Kale'nggen ninoba pinanege, Nineenggi paga eerit nugwi nogo omaawi eerogo pege, Nineenggi paga eerit nugwi nogo lek age kero, nu'lek eerogo pege, Eeke logot o.

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.

Yetaya 5:2

Yarikit nduk nggween kabungge, yugum nggiginogo nappege, Anggur awi obeelom mendek mban leenogo yake, Arum logorak oolo time eyo ndoonogo pi lagangge, Anggur anggen aambiranggo logowam yugum nenaarogo pege, Eerogo punuk, Anggen abe yuwak nduk tokkage nagagerak kwe, anggen abe mendek yuulik ale mendek mban yereegerak o.

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Takariya 2:5

We tene aret wonage me, yagat yendok-wandok wurik kani wunuk ari menggi kwak ti, an neebe aret wonage, ndi, akem time eya eerak kenok, aakumi nen, Wi! ugwi ti, an neebe aret wonage, eeke logogin, Aliku ALA nen yegerak o, yinuk, wulaga tawe ti, mbe agan yori nak o,” yinuk, at yoge kagarak.

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Pelaareegerak 33:11

Kaliku nogoba ALA wae. Inanebunu yi mendek it inamendek obeelom mban aruwak nduk, kale'nggen inoba piige, Kake eerit nogo menggaarak kinikilom mbake, Eeke logot o. It inawim inom, ineebi inombako menggaarak inom, nogo nen pilak yogo logonet, Inookwi iyo, aan lebenogo piige logot o,” yinuk, yoge,

Pelaareegerak 33:27

At itok menggerak Ala nen abu'me pinagage, At eenggi omaawi ambik itok menggerak paga nen pikkiren nage, Eeke logonet, At aa'nduk a'nuk kinawim mendek mugogo wumbiige, At nen, Inoo'nip o, yinuk, yokkirage, Eeke logogin o.

Pelaareegerak 7:13

O kit logowam Ala nen, Wokkiraagin o, yinuk, kumbuk mbanogo kinombomini yoragagim ari namonggotak wonogwe me, Aliku ALA kinabuwa mbake, ale'nggen kinoba pinagage, kinanebunu nggwok eerogo pinagage, eeke logonet, kumi elege ndaganako menggam obeelom eerogo piige, gandum inom, eyo anggur inom, eyo tayitun inom, yi mendek ndi mendek yarumonggotak abok aret anggen ka'let-pa'let eerogo pinagage, ndi, kinaanggumi lembu-tapi inom, kambin-ndomba inom, inaagalogwe ambik agago pege, eeke logogin o.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

1 Tamuwen 25:16

nit ninaanggumi ndomba-kambin ndegeninakwi niigak, o liingge-kii'me it nen pak wurik negen eerogo pinaninuk wonagaarak me,