Amot 9:8 - Ala Wone Peenok Peebi Mbanak

⁸ “Aakumi inowe endagembogut abu'me menggam maluk mban eekwi yi, Naliku Nitok Minggirak an ALA nen abet aret nenegen wogonake minggirak o. It togop eekwi paga o nggween paga yime nen inenggaawak lek eerogo piyaagin kwe, It Yakup paga wiganak perak, mondok lek eerogo piyaagin lek o,” yinuk, Aliku ALA nen aret yegerak o.

Amot 9:8 ပူးပေါင်းရင်းမြစ်များ

Wakkagagerak 6:7

“Aakumi inom, yi mendek ndi mendek inigen mbolok lek inigen mbolok kwi anebunu lombok inom, yi mendek ndi mendek inaanogum paga nugu menggaarak mendek inom, yirowe-ndirowe wiga agan nugu menggaarak inom, nggween paga yime logowak nduk, ogobakkigirogo piigirak kwe, it eekwi paga niniki puru eerogo panugwi me, it apit aret lek eerogo piyaagin o,” yinuk, yereegerak.

1 Endagembogut 13:34

At Yerobeyam nogo nen maluk ti eerit nagagerak paga at apuri wiganak inom inendage lek arit wambi nogo logonet, o nggween paga yime nen inenggaawak mondok lek aret ogo nogogwaarak.

Kini Wuppiige 15:3

Aliku ALA enegen yi o ndi o abok aret wonage logonet, Aap maluk mendek inom, aap obeelom mendek inom, enegen liippiige menggerak o.

Kini Wuppiige 5:21

Aap eerit nugwi abok aret Aliku ALA enegen iige, Yi tu ndi tu nugwi nogo abok aret enegen wogoren nege, Eeke menggerak o.

Yeremiya 30:11

An ninom wonogwe me, inagap ndake logogin o. Yi aakumi ndi aakumi abok aret inenggela'me mak eerogo piyareegirak nogo it lek eerogo piyaagin kwe, It an napuri perak, lek eerogo piyaagin lek o. Iniki koonnaruwak nduk, maluk eekwi onggo inoba piyaagin lek ti lek, piyaagin aret kwe, Eerumenggaarak ndak-ndak mban inoba piyaagin o,” yinuk, yegerak me, yokkiragi o.

Yeremiya 44:27

An nen obeelom eerogo piyaakit nduk eekeelik maluk eerogo piyaakit nduk nenegen wogoren nege me, it aap Yakuri mendek o Metit paga wonogwe nogo, wooluwak paga inoorak kanggwi, mbi noogelo paga kanggwi, eerit-eerit irip paga inenggaawak lek eerogo patugun o.

Yeremiya 46:28

At nayeloman Yakup paga wiganak ti, ninom logogin me, inagabiti mbarugwaarik o. Tak-mak eerogo yi aakumi ndi aakumi wonogo menggam inenggela'me It Yakup mendek nappiinet naminggirak logowam nogome ineebe lek eerogo piyaagin kwe, It perak, lek eerogo piyaagin lek o. Eerit nogo nogogwaarak onggo aaninggin inoba piyaagin lek ti lek, eeppiyaagin aret me, Iniki koonnaruwak nduk, eeppiige ti, eekaarak ndak-ndak aret eerogo piige logogin o,” yinuk, Aliku ALA nen aret yegerak me yokkiragi o.

Yeremiya 5:10

It inawim nogo nen napuri ineyabu anggur yarak me lagi nogo logomenggaarik, Maluk eerogo pit noorak op aret kwe, abu lek eerogo pugwaarik o. It aakumi yi, Naliku an ALA napuri lek negen iigirak me, Eno'mbak mbanogo mbo nappit nogo mengga kwak it togop aret eeppiinet nogo logowak o.

Oteya 1:4

Ndake mbareegi, at Aliku ALA nen Oteya yoge logonet, “At aap Yeku nen o Yiteren time aakumi kaliirubu pup eerogo inoorogo piyareegerak me, an nen at Yeku paga wiganak nogo aaninggin inoba kwippiige logonet, it Iterali wonogwe me wone lengganogo yorogo menggam nogo, lek eerogo pikit nduk eeke me, wulaga ti, endage Yiteren aret toonu o.

Oteya 1:6

Ti'nuk, at Oteya akwe Nggomet nogo abila age nagagerik, kwe aret ndareegerak. Ndake mbareegi, at Aliku ALA nen Oteya yoge logonet, “An nen it aakumi Iterali mendek ti, ambinom inabuwa mbake, inomaluk lek eerogo piige, eerigin lek aret me, kolaga ti, endage, Abuwa Lek, toonu o.

Yowen 2:32

Eeke mbaremenggi, aap ambi nen, Kaliku ALA wae, yinuk, an nendage kunogo yo'neremenggerak kenok, agap ndarigin o. It ando teppiyamenggaarak puut Tiyon wonogwe inom, o Yerutalem wonogwe inom, Naliku ALA nen leenogo piyaagin o, Yinuk, Naliku ALA nen yereegirak nogo ndak-ndak agap ndarigin o, yinuk, yegerak me, yokkiragi o.

Amot 3:12

Aliku ALA nen ari logonet, “Singa nen ndomba wappunuk nengge logonet, iyok a, aruk a, ti mban yumbunogo mbo pegetak me, At aap ndomba ndegeninaka nogo kwaakkage menggi kwak, It Iterali mendek o Tamariya wonogwe nogo togop aret inagap ndarogo piige neenok, Nogo yegak lit yarak mban kologwe, Inanobak anep mbanak mban waganggwi, eerugun, yegerak me, yagi o,” yinuk, yoragagirak.

Amot 7:17

At Aliku ALA nen ari logonet, At aap Amatiya akwe nogo, o kota time terak wuka aret age, Apuri wologwe-komologwe wooluwak paga inoorak kanggwi, At anggween nogo keele wakkagak paga wakkaanuk, tumbukkologwe, At eebe lombok kambuwak nduk, aakumi Ala abu ineenggo'lek wonogo menggam paga pi nogwe, Eerugun o. Ndi, it Iterali ti, inanggween lombok paga nen abet aret kugun wogoren mbo piya nagun, yegerak me, yokkigi o,” yinuk, yoreegirak.

Amot 9:10

It aakumi maluk eeko menggaarak an napuri inenggela'me logonet, Aaninggin mendek ambi nit ninoba age, Maluk mendek ambi nit ninoba kwi'nage, eerigin lek o, Yinuk, yogo menggaarak nogo, wooluwak paga inoorak wambugun o,” yinuk, yegerak o.

Amot 9:4

It inawim nen kugun wogoren mbo piya nogwe iinok, Kinawooluwak paga inoorogo piyaanip o, yinuk, yorage, Eerigin o. An nenegen wogoren nege logogin nogo ti, obeelom eerogo piyaakit nduk lek o. Ata, maluk eerogo piyaakit nduk, nenegen wogoren nege logogin o,” yinuk, ari kagagirak o.

Pelaareegerak 4:31

At Aliku kinogoba Ala ti, aakumi inabuwa nggwok lombok mbake menggerak me, kinombomini wone inom abuk nggaruk togon mbaneegerak nogo oba mari eerogo punuk, kit teppinagage, kineebe lek eerogo pinagage, eerigin mondok lek o,” yoragagerak.