Amot 9:7 - Ala Wone Peenok Peebi Mbanak

⁷ “It Iterali mendek ti, an nggwok lombok liippiige, ndi, it Kuti mendek ti, mbuuluk negen liippiige, eeke minggirak mbakop? It Iterali mendek o Metit nen wogoren wundi wagagirak nogo kwak, it aakumi Pilitin mendek o Kereta nen wogoren wage, It Tiriya mendek o Kit nen wogoren piya wage, Eerulik mbakop? Eereegirak aret o,” yinuk, Aliku ALA nen aret yegerak o.

Amot 9:7 ပူးပေါင်းရင်းမြစ်များ

2 Endagembogut 16:9

Nappege mbareegi, at aap inowe endagembogut Tigalat-Piletet nogo, “Op aret o,” mbake nagagerik, o Ndamitik oba kwi'nari unggunuk, o ti tebenggolage nagagerik, at Eretin nogo warogo punuk, aakumi eegu kugun wogoren o Kit nagagerak.

2 Mbinineegwaarak 14:12

Tamban eeke nagagerik, at Ata Yekura inom wim namburit nogwe iigak, at Aliku ALA aa'nduk a'nuk inoorogo pit nage mbareegi, it Kuti mendek kole mbaganit nogwe me,

2 Mbinineegwaarak 14:9

Wonogwe ti eyom paga aap Kuti mendek Tera awuri ineegin warak ineenggi lingginiyak meek inom, wim eeka nggweendo tiga ratus inom, aap Ata awuri inom wim eeruwok nduk, wundi wogo nogogwaarik, o Mareta ari wogogwaarak.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Yetaya 20:4

at aap endagembogut Atiyut mendek nogo nen aakumi o Metit mendek keele maagiren noorak inom, it o Kuti mendek o nda mbo piya noorak inom, it o Metit mendek inenggali mbaruwak nduk, aap inanggok kunduk, aap tawe kunduk, inayum-iniyogogut yirik lek inakom kin aret wogoren nagin o.

Yetaya 22:6

Ti eeriyak eyom ari wage kenok, It aap Elam mendek nen ineegin-inomaale li'luk eekwi, Inawuri wim eeka nen inanggweendo paga, inaguda paga, kwi'na'nuk wogwe, It o Kit mendek nen inanggeemu nggoorogo waganggwi, Eeppunuk,

Yeremiya 13:23

It aap Kuti mendek inagabolo mili nogo inagabolo laambu ariyak op mbaken? Ndi, mba'ngge eeruwak tikkarok aago nogo alik eekkoloorak op mbaken? Nogo ndak-ndak kat maluk kunik mban eeke menggendak nogo obeelom eeriyak ti meek aret keegi o.

Oteya 12:13

It Iterali o Metit nen wogoren wundi woraawak nduk, Aliku ALA nen yoge kagak yoraga ambi mippege, Iterali ndegeniren woraawak nduk, at yoge kagak yoraga ambi yoge, Eereegerak kwe,

Amot 1:5

O kota Ndamitik pak ambe mbanak tu omaawi narak nogo yigirogo pege, It aakumi o Awen Kobappaga wonogwe nogo lek eerogo piige, At aap aakumi Mbet-Eren mendek abu'me piinok ambim mbanak eenggime porogo menggerak nogo lek eerogo pege, Eeke neenok, It aakumi o Aram menggaarak nogo kugun wogoren o Kit mbo piya nagun o,” yinuk, Aliku ALA nen aret yegerak o.

Amot 2:10

It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Pelaareegerak 2:23

Ndi, it aap Awi mendek niyo nggwok yenggenak laut aa'nggi paga nen ogu o Nggata kuli enaagan-ambokan inawi wonogwe nogo ti, it aap Kapotot mendek o Kapotot nen wogo nogogwaarik, it Awi mendek abok aret lek eerogo piinok, it inobaane'me time aap Kapotot mendek nogo aret ye mbambatinuk wonogogwaarak.