Amot 9:1 - Ala Wone Peenok Peebi Mbanak

¹ At Ala ti, warogo wogogo menggam koorok taati mi'ndak wonage nabi paga kage neegak, at nen ari logonet, “Tunggambe aago abok aret nuk-nuk agan nawak nduk, an nawi wurik yugum owak mippugu irip me yawi mondok tela eerogo wake, Yugum owak mippugu paga o wurik panggonak wonage nogo langgunogo aakumi inanobak paga kwippi wangge, Eeru o. Eeke keenok, ando piyamenggendak ti, an nen wooluwak paga inooriminggirak me, It ambi nen kole mbaganggwi, It ambi nen inagap ndakko'nok mbaganggwi, Eerugun mondok lek aret o.

Amot 9:1 ပူးပေါင်းရင်းမြစ်များ

2 Mbinineegwaarak 18:18

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

Ndawi 68:21

At Ala nen at inom wim mbanak nogo Inanobak aan lebenogo piige, It aap maluk mban eerit nogo menggaarak Ineeruwak awi wurik nogo, Inanobak taganak-mbaganak eerogo piige, Eerigin, mbako logonip o.

Ndawi 68:22

Nogoba Ala nen ari logonet, “It kinawim inamiya paga kiniyok kookkologwe kiigak, Kinanggeewo nen inamili penak nunggo logowak nduk, An kinawim o Mbatiyan nen iniyokan wogoren wage, Yi nggwok laut kiiniki paga nen Iniyokan wogoren lagi wage, Eerigin,” yereegerak o.

Yetaya 30:16

It nen yogo logonet, Lek o! Nit kuda paga kwi'na'nuk kole mbaganugun o, yagaarak paga Aakumi nen mugogo mappiyaagun me, aret kole mbaganggwi, It nen, Nit kuda inogowa ambik paga kwi'na'nuk kole mbaganugun o, yagaarak kwe, It muguren wogwe inaguda perak, inogowa ambik aret me, it awo mbaganggwi iigak, inoba kwi'nogwe, Eekwi iyaagun o.

Yetaya 6:1

Aap endagembogut Utiya kambeegerak tahun ti paga at Ala abu tiyanak, “Wi,” ugwi iigak, wone lengganogo yorage menggim kwi'ndak wonage me, ayum nggorek irip nik aago nogo at awi wurik paga ndak warak wonage, eeke kagarak o.

Yeremiya 11:11

it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yeremiya 42:16

wooluwak paga inooriyak inagabiti mbakwi nogo aret inoba kwi'nage, ndi, Mbi noogelo ninoba kwi'nage kero iya, mbakwi nogo aret inoba arit o Metit time aret kambit nogwe, eerugun o.

Yeremiya 48:44

“O Mowap maluk eekwi onggo eeppiyoorak tahun punik nogo wonok panggonogo pi woraagin me, Inoba kwi'nage paga it ambi inamineeri ne agan noorak aago kenok, kole mbaganggwi nogo labu nggween kabunik me yobok togon wanggwi, Ndi, labu nggween kabunik me nen lagi wa'nuk, Nawi, nduk eekwi me, keele pugu nogo paga yilunogo piige, Eerigin o,” yinuk, Aliku ALA nen aret yegerak o.

Yetikiyen 1:28

O mayu wage logonet, ndugwi lenggenak wonage paga mbulu nagabak menggi kwak, eya abinak at enaagan-ambokan wanggerak wonage kagagirak. Kage nagagirik, “Aliku ALA tiyanak lombok eya eerak negen aret kagi,” yinuk, ngginna'nuk, nena nggween paga wandunik wonage me, at ambi nen oone ari naruk koneneegirak o.

Yetikiyen 10:4

Kage neegak, it kerub inirimbaga Aliku ALA abinak wonage nogo lagangge nagagerik, Ala awi wurik tu unggwogo menggam irimbaga ari nage mbareegi, at awi wurik inikime time ndugwi nogo, yagabit eerogo pege, oore'nggam nogome Aliku ALA abinak lombok pindanogo pege,

Yetikiyen 15:7

Neebi nen it eeppiigak mban eeke logorak koonggirak o. It kani ambi kunik me nen mbaganit wundeegwaarak kwe, kani ambi nen ineebe nenet nage logogin o. Neebi nen it eeppiigak mban eeke neenok, kat nen Naliku ALA an aret keenu arumunggun o.

Yetikiyen 9:2

Yorage nogo naruk konengge neegak, aap ineebe 6 tu unggwogo menggam irimbaga o omarip paga pa'nggwe ena koonak nogome nen inalitik-inalitak aakumi inooriyak ineegin-inomaale ineenggime wonok wogwe, aap ambi ayum abu yawenak mendek yirik liiru mbangga eraanu nabeninuk inom wage, eeko nogogwaarik, it abok aret Ala ake warogo wogogak mbuti tembaga paga ogobakkigirik eraanu mi'nari wogwe iyareegirak.

Amot 3:14

“It Iterali mendek maluk lombok eekwi iinok, aaninggin inoba kwippiyoorak eyom ti paga, It inagugi ake warogo wogorogo menggam o Mbeten paga ogobakkigirik nogo, yigirogo wurabit nage logonet, Warogo wogoragak ogobakkigirik irip to aago nogo, kalenogo nggween paga wurabit nagin o.

Amot 7:17

At Aliku ALA nen ari logonet, At aap Amatiya akwe nogo, o kota time terak wuka aret age, Apuri wologwe-komologwe wooluwak paga inoorak kanggwi, At anggween nogo keele wakkagak paga wakkaanuk, tumbukkologwe, At eebe lombok kambuwak nduk, aakumi Ala abu ineenggo'lek wonogo menggam paga pi nogwe, Eerugun o. Ndi, it Iterali ti, inanggween lombok paga nen abet aret kugun wogoren mbo piya nagun, yegerak me, yokkigi o,” yinuk, yoreegirak.

Amot 7:9

Aaninggin inoba kwippiige logonet, it Itak paga wiganak nen puut-puut paga warogo wogorogo menggam nogome abok aret yigirik-noonom eerogo pege, It Iterali inagugi ayuk wurit nogo menggam alik leenak wonage nogo minogo pit nage, Eeke logonet, At aap endagembogut Yerobeyam paga wiganak kunduk, nawooluwak paga nggaluk nawak nduk, mi'narigin o,” yinuk, an yo'nege kagagirak.

Abakuk 3:13

Kat kapuri inagap ndariyak nduk wundi wage, Kapuri leenogo piyareegindak nogo, inagap ndarikit nduk wage, Eeke logonet, It aap maluk eeko menggam wonogwe inowe nogo, aan lebenogo pege, It at awuri inom nege abok aret lek eerogo piige, Eereegindak o.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o

Tepaniya 2:14

O time kambin-ndomba inom, lembu-tapi inom, ndiimbu-nggwiya inom, winnari unggwagak eekwi, Towe mumayo inom, tiyu inom, o owak nigabak abo paga kwi'narit nanuk nogo yugwi, Eerugun o. It towe ti, inoone nggek-nggek yogwe nogo wonok ambime nagak eeke, Tu unggwogo menggam o langgu-langgu aago nigabak wonage, Eeremenggerak wonage logogin o. Ndi, eyo nggabina omaawi paga wurik me mininuk ndi yogo logogun o.

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Yaya 1:32

Yorage nagagerik, at Yaya paganogo yorage logonet, “Aberiniki towe puume pogom mbogut paga nen wuga agan wambi wage nagaarik, Yetut oba kwi'ndak wonage nenegen kagarak o.

Nappiigak 26:13

liingge aret noreewi ninom nage me, mbogut paga nen abinak ndelenak-welenak eeke kage nagagirik, nit abok aret nggween paga ninete wanduk ngginnogogurak o, nogoba. Oonegen abinak ti mbuuluk. Ndi, ti eereegerak nogo ti, abinak mondok iya negen kage nagagirik, nggween paga ngginnogo mbareegu, Iberani inoone paga yo'nege logonet, Tawulut wae. Tawulut wae. Kat nonggop nduk an keebi-keeba agago nooke menggendak o? Wam yinumo-nanumo ari kenok, yawi lomba agago wakwi iinok, yungguk togon yawi eyak lagangge menggi kwak, kat togop ee'nabit nege agandik ya? yinuk, ari naruk konengge nagagirik,

Yotuwa 10:18

at Yotuwa nen ari logonet, “Yugum yele-kole waganogo ndo ambe paga time mulunogo punuk, wundi wogwe iyo, kit ando inarum wonogwe kiigak,

Wayu 1:17

At eebe togop aago wonage nenegen kage nagarik, aakumi inambuluk yuppuk ngginnari nogo mengga kwak, an togop aret at abu'me ngginnari nage mbaki, at eenggi abe'nggan paga pi'nake logonet, “Aa'nduk togon wonagagirak inom, peebi irip paga lombok mondok logorak inom, ti an aret me, kagabiti mbarugun o.

Wayu 8:3

Kage neegak, malayikat alik ambi togolowak mbuti emas paga ogobakkigirik eenggime wonok, Ala ake warogo kani kunggo menggam mi'nari wage mbaki, it Ala apuri ake leenak tamban eekwi inoone yogwi nogo at yoge logonet, kani kunggo menggam mbuti emas paga ogobakkigirik Ala wone lengganogo yorage menggim abu'me wonage nogome, kani kuni ungguwak nduk, obari abe kaga apit toologo wogoge kagarak.