Amot 8:9 - Ala Wone Peenok Peebi Mbanak

⁹ “Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Amot 8:9 ပူးပေါင်းရင်းမြစ်များ

Ayup 5:14

O liingge kagak o apit inoba kwi'nage me, Liingge paga oonikiya kwak ineenggi nduk nugu menggaarak o.

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 15:9

Kwe ambi aagalogwe 7 ndarak abok kanggwi iinok, ambuluk yupuk nappunuk iniki worok togon aret kangge, O awo kagak oonegen mbet-mbet kilu yi nagin me, enggali age, endage lek age, Eeremenggerak paga iniki worok togon kangge, Eerigin o. Ndi, yumbunogo piyamenggaarak nogo inawim inigen iigak, inoorogo piyaagin o,” yinuk, Aliku ALA nen aret yegerak o.

Yetikiyen 32:7

At enggaawak lek eerogo pege ti eyom paga mbogut eya nogo nobarogo pege, Laaluguragan abinak lek eerogo pege, Ndugwi paga oonegen nobaruwak nduk eeppege, Tut eya eeke kero, Keya eerugun o, yinuk, yoge,

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Amot 5:8

Laaluguragan o mbogut paga ninggirik kuwak aago Kartika inom, Belantik inom, wakkagagerak nogo nen o apit aago wonage nogo obaane'me o weeruwak nduk, eerogo pege, O liingge wonage nogo obaane'me oonikiya eerogo pege, Niyo nggwok yenggenak laut nogo, wiiremenggerak wundi wage kenok, nggween paga kilirogo wunabit nage, Eeke menggerak endage ti, Aliku ALA aret o.

Mika 3:6

Inabinggaanggo ambinom koorak iyo, o apit kwak eerogo piige, Tili paganemenggaarak kwe, irip narogo piige, Eeriyak eyom panggoni woraagin o. Ndogop eeke kaamunggup o, yinuk, yaga nogo oonegen kilu yi nage logonet, o yumaak age menggi kwak, eerogo piinet unggwage, O liingge kwe, yipit-apit eerogo piige menggi kwak eerogo piige, Eerigin me,

Takariya 14:7

Ne ti alik lombok eerogo pigin me, o weege, o kiip age, eeke nogo lek age logonet, o liingge mban aret logogin o. Ti eeriyak nogo ti, Aliku ALA eenu menggerak o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Marakut 15:33

Enggali wappogo mbareegwa, o liingge oonegen 12 kuli paga nen nok, oonegen 3 kuli ari nage kagak, yi awi ndi awi time o apit aago wonagagerak.

Lukat 23:44

Ndi, o liingge oonegen 12 negen wonagagerak kwe, oonegen eya abu lek age mbareegi, o time apit agagerak kagak, o kiyoma oonegen 3 ari nagagerak. Oonegen abu 3 ari nage mbareegi, Ala awi wurik me yum tabak oolo tugunik menggerak nogo, oolo muundak nggoguk yereegerak.

Wayu 6:12

Ti'nuk, Ndomba Aagaluk nogo nen keele 5 maarak piingge nagaarik, ambi maarak nogo piingge mbaki, o mi nggwok nuk ari, kibiyan kiik worako mengga kwak oonegen apit age, tut aakumi inamiya negen age,

Wayu 8:12

Malayikat kenagan oone nggwok eeka inarompet nogo, oone eeko mbaka, at ambi nen arompet oone eeke kagak, oonegen eya inom, tut eya inom, laaluguragan eya inom, abeenok mogonogo sepertiga nogo, abinak lek eerogo pege kenok, o liingge nogo eya mbuuluk age, ndi, oonikiya kenok, o abu apit age, eeke logowak nduk, oonegen eya inom, tut eya inom, laaluguragan eya inom, ando mogonogo teppege logonet, ando sepertiga nogo, abinak lek age kagarak.