Amot 8:8 - Ala Wone Peenok Peebi Mbanak

⁸ It eeppiigwi paga o nggween paga yime wonogwe abok aret inaganak wake, Yi o ndi o wonogwe abok aret inayum maluk nibinik mendek yippunuk, iniki wakkologwe, Eerugun nogo lek a? Niyo Nin wu'nuk nage logonet, lagi nage, Ti'nuk, yi alelo tiyak-tebek eeppunuk, poro agan wura nage, Eeke menggi kwak, O yi togop aret eerigin o,” yinuk, yegerak o.

Amot 8:8 ပူးပေါင်းရင်းမြစ်များ

Ndawi 18:7

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, Puut-puut nogo, alom na'ndo-wa'ndo eeke, Eekerak o.

Yetaya 5:25

Togop aret me, Aliku ALA apuri eekwi paga anini nen mi'nage logonet inooke, Puut-puut ndipuk eeke logonet, inambebuk tu paga yumbunik-telenak eerogo pogo mengga kwak, Aakumi inowak nogo togop eerogo pege, Eeremenggerak kwe kagak, Ala anini mi'naremenggerak nogo lek arigin lek wonage aret logogin o.

Yeremiya 12:4

It aakumi o yime wonogo menggaarak nogo nen inobaabut maluk aret wonogwe, Ndiimbu-nggwiya inom, yi towe ndi towe inom, abok lek aret ogwe, Ndi, it aakumi nen kunduk, “Nit eerit nugwi nogo at enegen niiga'lek,” mba'nuk eerit nugwi, Eekwi paga O nggween yi mbuk age logonet, ka'let-ndi'nduk eeke, Yi yabu ndi yabu yarak me iri'ngga-kale'ngga teebat neyo-neyo nage, Eeke kagak ne mande ari nagin o.

Yeremiya 46:7

Niyo Nin nen pit agan lagangge kwak pilak ari, Niyo wu'nuk wage logonet, oone, Wo, ari menggi kwak oone agan wage, Eeke yi, ta o?

Yeremiya 46:8

Niyo Nin pit agan lagangge kwak, Niyo wu'nuk wage logonet, oone, Wo, ari menggi kwak, Ti, o Metit nogo aret o. At nen, An pilak ari logonet, o nggween yi, tebenogo pege, O kota-kota inom, it aakumi kota-kota wonogwe me inom, lek eerogo piige, Eerigin o, Yinuk, ari agaarik o.

Yeremiya 51:29

At Aliku ALA nen o Mbaben time aakumi wonogo logokwak pup eerogo puurak koonogo pereegerak nogo aret eerigin me, O Mbaben ti, aganak wake, andi nen yagan yobak-nggolak wake, eeke agaarik o.

Ndaniyen 9:26

Ndi, enam puluh dua kali tujuh ti, abu aret eeke kenok, at leenogo punuk amburu eeppereegerak woramenggerak nogo maluk ambi eerulik kagak warogo pugun o. Ndi, aap endagembogut ambi woramenggerak ti, awuri wogo logonet, o kota inom, Ala alut eeko menggam inom, pup eerogo pugun o. O kota alik leenak age yobok eeppuurak nogo ti, yi wu'nuk wage logonet, yi mendek ndi mendek yigirik-noonom eerogo pit nage menggi kwak togop aret eerugun o. Wim eerit nogwe, yi mendek ndi mendek maluk eerogo pit noorak koonak nogo, eerogo pit nogwe, eekwi iigak, o irip yubuni nagin o.

Oteya 10:5

It o Tamariya menggaarak nen inayuk wuka tapi aagaluk ogut eerak o Mbet-Awen wonage nogo, Wonok o nda time pi nogwe iyo, inagabiti mbakwi, Iniki wakkologo logonet, le yogwe, It aap inagugi ogut eerak abu abe eerak me, pi wakwi it kugi unde nogo nen kunduk, le yogwe, Eerugun o.

Oteya 4:3

o time nggween mbuk age, It aakumi o time wonogwe abok aret ineebe wururanet unggwage, Ndiimbu-nggwiya karume mendek inom, yi towe ndi towe wiga agan nugu menggaarak inom, yikwe niyo kole yenggenak laut inikime menggaarak inom, abok aret kambit nogwe, Eeko agaarik o, yinuk, yegerak me, yokkiragi o,” yoragagirak.

Amot 8:10

Inale'nggen nen laago lako logomenggaarak nogo obaane'me inayum maluk nibinik mendek yippunuk, iniki wakkologwe, Ndawi piyanggo logomenggaarak nogo obaane'me leenggu maakwi, Inayum nibinik maluk yippunuk nugwi, Ineeruwak inanobak puluk ko eerogo pakwi, Aap ambi aput ambolom kangge kenok, leenggu maake kwak maakwi, Eeko logowak nduk, Eerogo piyaagin o. Ti eeriminggirak paga ne ti eyom ariyak age yubuni nage kagak, iniki abu alik negen wakko'net unggwogo logogun,” yinuk, at Aliku Itok Menggerak Ala nen yegerak o.

Amot 9:5

At Omaawi Lombok Menggerak Aliku ninogoba Ala nen o nggween yi, mbaanggage kenok, nuk-nuk eeke, It aakumi o nggween paga menggaarak abok aret nen le yogwe, Niyo Nin wuke, ti'nuk, niyo Metit poro agan wangge, eeke menggi kwak, o nggween abok aret yi, togop aret eeke,

Nakum 1:8

Niyo wu'nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.

Matiyut 24:30

Eeke mbaremenggi, ne ti eyom paga an aap aret nda'nagagirak woroorak ineenu ariyak mendek ambi mbogut paga time eeke kenok, it aakumi nggween paga inanebunu lombok nen leenggu maakwi iigak, an aap aret nda'nagagirak nogo nobanggi-nobangge li'luk eekko'nok, nomaawi warak logonet, mbogut paga ndugwi enggela'me wage neyaagun o.