Amot 8:3 - Ala Wone Peenok Peebi Mbanak

³ “Ne ti eyom paga o nggwok abe wurik me ndawi wako logomenggaarak nogo obaane'me leendawi piyanggwi, ineebe inoorak ambik aret mbo nappiinet namenggaarak iigwi, eeko logonet, inoone lek inigen keme yogwe puk aret logogun o,” yinuk, Aliku Itok Menggerak ALA nen aret yegerak me, yokkiragi o.

Amot 8:3 ပူးပေါင်းရင်းမြစ်များ

Ndawi 39:9

Kat nen aret nena koonogo panegendak me, An noone kiyuk wunaka'lek puk aret agarik o.

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yeremiya 22:18

Togop me, Aliku ALA nen it Yekura inowe endagembogut aap Yotiya aput Yoyakin eeriyak yegerak nogo yi aret. “At kangge kenok, it aakumi nen, Ai, noweeluk o. Ai, nawuluk o, yinuk, ale yogwe, Ndi, Ai, nogoba o. Ai, nowe kendagembogut o, yinuk, aleenggu maakwi, Eeko logogun lek o.

Leendawi 2:10

O Tiyon Aagalukwe oweewi nen inarugup nggobok togon eerak nggween paga kwi'ndak wonogwe, Liirubu inanobak paga yumbunogo pakwi, Inayum nibinik maluk mendek yikkologwe, Ndi, o kota Yerutalem aagalogwe komologwe nogo nggween paga inanep kumbunuk wonogwe, Eeko agaarik o.

Yowen 1:11

Kit aap yabu eeka yi wae. Kiniki puru yogwe, Kit aap anggur awi yaka yi wae. Kinaleenggu maakwi, Eeko logonip o. Yarak anggen kole agaarak nogo, abu lek eerogo pegaarak me, gandum inom, waabuk kwak jelai inom, Lek agaarak paga kiniki wakkologo logonip o.

Yowen 1:13

Kit aap Ala unde yi wae. Kinayum maluk nibinik mendek yippunuk, kiniki wakkologwe, Kit aap Ala ake warogo wogogo menggam yabu eekwi yi wae. Leenggu maakwi, Eeko logonip o. Gandum anggen yigirik ake puurak inom, anggur amburu toolak ake kiliriyak inom, Kinogoba Ala awi wurik me ambinom pi wogo logogun lek me, Kit an nogoba Ala enggaanom paga yabu eekwi yi, Kinayum maluk nibinik mendek yippunuk, Ala awi wurik me unggwogo logomonggotik, Le yogwe kiigak nogo ambit yumunggup o.

Yowen 1:5

Kit niyo kumili aganaka mendek nengga yi wae. Kineenik a'nuk le yikkologwe, Kit anggur amburu nengga yi wae. Leenggu maakwi, Eeko logonip o. Anggur amburu ngget toolak nunggwi kiigak, kinambeme nen ndinogo nappegaarak me, Kit le yikkologo logonip o.

Ala Unde 10:3

Kanggo mbareegwa, at Muta nen Karun yoge, “At Aliku ALA nen ari logonet, It aakumi abok an ninom kunik logokit nduk, Nowagam wogo logonet kenok, An mondok kikak nakeelik nalik leenak lombok minggirak inigen neegwi, Ndi, it aakumi Iterali mendek abok aret An mondok tiyanak neego logonet, nayuk wukwi, Eeruwak nduk, Eeppiyaagin o, yinuk, yereegerak nogo ti, yogobi eerukwak nduk, yereegerak o.” Ari mbareegi, aap Karun nogo oone ambi yaga'lek puk aret agagerak.

Amot 4:10

“It aakumi Metit mendek eeginabeegi kwak it Iterali inenggela'me kugilingga nappi wage, It inapuri aap tawe nogo wooluwak paga inooruwak nduk eeppiige, Inaguda aakumi nen wonok ma'naruwak nduk, eeppiige, Inawooliya wurik me obari kenok inogobak ko'nok yuwak nduk eerogo pege, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Amot 5:16

At Omaawi Lombok Menggerak nogoba Aliku Ala nen yegerak nogo yi aret. “It aakumi inawi kota-kota wonogwe nogo leenggu maarit nogwe. It aap tu paga tu paga wonogwe nogo nen le agan nogwe, Le yi woraanip o, yinuk, it aap yabu eeka wiirogwe, Ndi, it leendawi tiyangga nen leendawi tiyani woraawak nduk, inayonggo piigwi, Eerugun o.

Amot 5:23

It ndawi piyanggwi ti, Nda nen yogwe a nayok, mbake, It nggitat oone eekwi ti, naruk koneniyak neebi mbake, Eeke agarik o.

Amot 6:4

Kit nogo yogo monggo'nom abu abe wanggalep meeli nabenak paga windak wonogwe, Kwi'nagak abe ndoonak paga kwi'ndak wonogwe, Tapi-ndomba inaagalogwe inamok tigiluk inoorogo larogo nunggwi,

Amot 6:5

Nggitat eeko logonet, we lek ndawi wakwi, Ndawut ndawi tiyangge logonet, nggitat eeke nagagi kwak, “Nit togop aret eeruwi,” mba'nuk, eerit nugwi,

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Amot 8:10

Inale'nggen nen laago lako logomenggaarak nogo obaane'me inayum maluk nibinik mendek yippunuk, iniki wakkologwe, Ndawi piyanggo logomenggaarak nogo obaane'me leenggu maakwi, Inayum nibinik maluk yippunuk nugwi, Ineeruwak inanobak puluk ko eerogo pakwi, Aap ambi aput ambolom kangge kenok, leenggu maake kwak maakwi, Eeko logowak nduk, Eerogo piyaagin o. Ti eeriminggirak paga ne ti eyom ariyak age yubuni nage kagak, iniki abu alik negen wakko'net unggwogo logogun,” yinuk, at Aliku Itok Menggerak Ala nen yegerak o.

Nakum 3:3

It aap kuda paga kwi'na'nuk mbe agan wim eeri unggwogwe, Mbuti wooluwak pindan-pindan eeke, Wooluwak ngget abinak lan ari, Aakumi ambik inoorak wanggwi, Inoorak nigabak ambik aret wonogwe, Ineebe inoorak ambik ineenggi lingginiyak meek me, ti paga iniyogobit lilin nage, Eekwi iigirak o.

Tepaniya 1:7

Naliku ALA nen eeppiyoorak eyom muk koorok panggo yegerak me, It aakumi abok aret Naliku Nitok Minggirak an ALA nenggaanom paga inoone lek puk logowak o. Ndomba warogo pogo mengga kwak, Naliku ALA nen it an napuri togop eerogo piyaawak nduk, pipuk eerogo piyareegirak me, Eeppiya woraawak nduk, inayonggo piinok, leenogo piyareegirak o.