Amot 8:10 - Ala Wone Peenok Peebi Mbanak

¹⁰ Inale'nggen nen laago lako logomenggaarak nogo obaane'me inayum maluk nibinik mendek yippunuk, iniki wakkologwe, Ndawi piyanggo logomenggaarak nogo obaane'me leenggu maakwi, Inayum nibinik maluk yippunuk nugwi, Ineeruwak inanobak puluk ko eerogo pakwi, Aap ambi aput ambolom kangge kenok, leenggu maake kwak maakwi, Eeko logowak nduk, Eerogo piyaagin o. Ti eeriminggirak paga ne ti eyom ariyak age yubuni nage kagak, iniki abu alik negen wakko'net unggwogo logogun,” yinuk, at Aliku Itok Menggerak Ala nen yegerak o.

Amot 8:10 ပူးပေါင်းရင်းမြစ်များ

Wakkagagerak 21:16

Teppege nagagerik, “An naagaluk nenegen neegak kambuurak ti neebi o,” mba'nuk, tayorogon maale namburik wobok yi nage menggim ndak-ndak kwi'nari nagagerak. Kwi'nage nagagerik, le nggwok yereegerak.

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Ayup 3:5

O apit yumaak imbirak nen yogo logonet, Ne ti, nit ninamendek o, yogwe, Ndugwi nen ne nda'nagagirak nogo nobarogo pege, O apit nen ne ti, agabiti eerogo pege, Eeruwak o.

Ayup 30:31

Nanggitat nen le ndawi mban tiyangge, Nenggawiwak nen leenggu maako menggaarak mban ari, Eeko agaarik o.

Yetaya 3:24

Obari abe eeka inoba aago nogo lek age kagak inanggoloppari ndi wuke, Inambilak inomarip paga eerak obaane'me tali akun mbanak yirik nugwi, Ineeruwak mbinuk-mbenak eerak obaane'me inanobak puluk ko aago nugwi, Inambogoyum kigirikwe yirik nogo obaane'me inayum nibinik maluk mendek yirippunuk nugwi, Kumi inete kigirikwe obaane'me inete maluk aremenggerak inenggali mbakak nugwi, Eeko logogun o.

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Yeremiya 48:37

Inalitak lombok ineeruwak puluk ko eerogo pakwi, Inalitak lombok inamboro tabonogo pakwi, Inalitak lombok yugum paga ineenggi aambiranogo pakwi, Inalitak lombok yum nibinik maluk mendek inobate paga yikkologwe, Eeko agaarik o.

Yeremiya 6:26

Nawuri yi wae. Ninooriyak nduk yini-panip ninoba kwi'narigin me, aap ambi apuluk ambolom ndarak kangge kenok, ale yimbegeelik-mbambegeelik ari menggi kwak, Kinayum nibinik maluk mendek yikkologwe, Wun paga lagak-mbagak yogwe, Kiniki puru yinuk, kinale yikkologwe, Eeko logonip o.

Leendawi 5:15

Niniki ale'nggen wonogogurak nogo lek aret age, Ninale'nggen nen kwirabik-kwirabok yogo nogogurak nogo obaane'me le yuurak mban ee'ninake,

Yetikiyen 7:18

Eeko logonet, inayum nibinik maluk mendek yirikkologwe, inagabiti mban inagabolo paga ninggirik wonogwe, inenggali nen inete kumaakko'nok nugwi, inanobak puluk ko eerak wonogwe, eerugun o.

Yetikiyen 7:2

“Aakumi nen ndarak yi wae. Naliku Nitok Minggirak an ALA nen it Iterali inanggween yoriyak nogo yi aret. Age yobok yi waga o. Inanggween irip agi-ogu, aru-ogwe, eeppuurak nogo muk panggoni waga o.

Oteya 2:11

Ti eeke logonet, iniki ale'nggen nen tahun ambi eekak paga lake inom, Tut ngget penengge paga lake inom, Nogo 6 yippunuk, ko'lu yonggonggologo logorak yugu paga eeke nogo inom, Ale'nggen nen laago nggwok lake logorak yugu abok aret an lek eerogo pigin o.

Oteya 2:13

At nen obari abe kaga it kugi Mba'an inake kani kungge, Obaanggi-obaangge eeke logonet, iinggen enggaanok me yikkolage, aruk ayo eekkolage, Eeke nagaatik, It at iniki kunik eeko menggaarak nogo muguren nage logonet, ami eerogo mbo paneegerak me, An nen aaninggin at oba kwippigin o,” yinuk, at Aliku ALA nen aret yereegerak o.

Yowen 1:8

Togop me, kolaga ambi ogonggelo imbirak awo lambumbiigaarak imbirak iniki kunik nogo, Woronogo punuk kangge kenok, purok yikut eeppunuk, aleenggu maake menggi kwak, Kit leenggu maako logonip o.

Ala Unde 13:40

Aap ambi anobak peenok-peenok abu puluk ko eerogo mbanak wonage kenok ti, eebe maluk lek obeelom aret wonage o.

Amot 5:21

“Nalut eeko logonet, inale'nggen nen laago lakwi ti, abu neebi lombok mbake, ogole warak lombok mbake, Eeke minggirak o. Nalut eeruwok nduk, kuwak eekwi ti kunduk, nale'nggen mbake mondok lek aret!

Amot 5:23

It ndawi piyanggwi ti, Nda nen yogwe a nayok, mbake, It nggitat oone eekwi ti, naruk koneniyak neebi mbake, Eeke agarik o.

Amot 8:3

“Ne ti eyom paga o nggwok abe wurik me ndawi wako logomenggaarak nogo obaane'me leendawi piyanggwi, ineebe inoorak ambik aret mbo nappiinet namenggaarak iigwi, eeko logonet, inoone lek inigen keme yogwe puk aret logogun o,” yinuk, Aliku Itok Menggerak ALA nen aret yegerak me, yokkiragi o.

Nakum 1:10

Alok ndele aago menggi kwak, Niyo kumili kunggwi mendek nenok neyak-kweyak agan nogo mengga kwak, at inom wim mbanak ti, togop aret agan nogwe iigak, Wiiringga wiirik kani ne ambit pup eerogo nengge menggi kwak, it togop aret lek eerogo piyaagin o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Pelaareegerak 16:14

Lako logonet, kit inom, kinapuri wologwe-komologwe inom, kinayeloman mini kumi-aap inom, aap Lewi mendek inom, aap nggiru inom, elege moono inom, kumi nanu kinawi kota kinom logogun nogo inom, abok aret kiniki ale'nggen paga laago ti lako logomunggup o.