Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.
Amot 7:7 - Ala Wone Peenok Peebi Mbanak7 Nabinggaanggo paga ambi yo'nereegerak nogo yi aret. At Aliku ALA keele paga yugum pugunik wakkagak nogo eenggime keele wakkagak paga yugum pak wurik me, koorok taati mi'ndak wonage kagagirak. အခန်းကိုကြည့်ပါ။ |
Amot 7:7
13 ပူးပေါင်းရင်းမြစ်များ
Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.
O nggorek ndak-ndak ilik? yinuk, keele wakkagak eeko mengga kwak, an nen o Tamariya wakkagak eeppiige, ndi, O eyak koonak mi'ndak wonage ilik? yinuk, keele paga wakkagak eeko mengga kwak, an nen aap Akap paga wiganak inom wakkagak eeppiige, eereegirak nogo kokwak, it Yerutalem togop aret wakkagak eeginake logonet, togolowak koorogo abut laganogo amburu mbanggo mengga kwak, an togop aret eerogo piyaagin o.
Yugum ogowa ti paga wurit laganggo logowak nduk, wone a'me nggelok eeka nogo keele wakkagak pogom agago mippege, Abe liirogon eeka nogo keele agi nen ogu wakkagak pogom eerogo pege, Eerigin me, Mayu kumulinggen wambit wage logonet, iri'ngga-kale'ngga yigirogo pit nage menggi kwak, Pilit wone yogwe paga, Nineebe op logorak ninarum wonage, mbakwi nogo lek eerogo pege, Yi wurik nen yi mendek ndi mendek wonok nage menggi kwak, Aap inambokan laganggwi paga nit kumaappinanogo wonage, yogwe nogo lek eerogo pege, Eerigin o.
Towe tiyu karume mendek inom, towe ndindim engga inom, inawi time miippatinuk wonogwe, Towe mumayo inom, ya'ngge-ya'ngge inom, inawi mbanggola unggwogwe, Eerugun o. At Aliku ALA nen aru-ogwe wakkagak paga wakkaanuk naalop-kaalop eerogo pege, Agi-ogu keele paga wakkaanuk, o wogo logowak nduk, mbo pege, Eerigin o.
Aliku ALA nen o Tiyon Aagalukwe obak wurik ti, mondok yigirik-noonom eerogo puurak koonogo pereegerak o. At nen eenggi paga ko wapporogo wonaga'lek yigirik-noonom eerogo puwak nduk, Yagat wurik ti abok aret keele wakkagak paga wakkage mbareegi, “Pup eerogo pinanigin kogo o,” yinuk, yugum pak wurik endekem aken imbirak nen le yogo logonet, langgu-langgu wambit nogogwaarak o.
Kage mbareegi, at Aliku ALA nen an yo'nege logonet, “Amot wae. Kat nano mendek kenegen kagan o?” Yo'nege mbareegi, an nen, “Keele wakkagak paga yugum pugunik keenggime wonage kagi o.” Yoge mbareegi, at nogoba nen an yo'nege logonet, “An napuri Iterali ti, keele wakkagak paga yugum pugunik nogo inenggela'me wuppiminggirak ndak-ndak lek kenok, an nen it teppiyaagin lek, aaninggin inoba kwippiyaagin o.
Togop me, It elaambirik wukwi yi, aret wurugun lek kogo o, yinuk, meek mbakwi ti, taani o? Keele wakkagak aap Terubaben eenggime wonage inigen kogo logonet, inale'nggen mbako logogun o,” yinuk, yo'nege kagarak. Ndi, “Ndi wuninggak 7 ti, Aliku ALA enegen o nggween paga yime abok aret looge wonage nogo aret o.”
ကြော်ငြာတွေ