Amot 7:4 - Ala Wone Peenok Peebi Mbanak

⁴ Aliku Itok Menggerak ALA nen nabinggaanggo paga yo'nereegerak nogo yi aret. Aliku Itok Menggerak ALA nen aaninggin inoba piyoorak nduk, kani kunik wiireegerak nogo wage logonet, niyo kole yenggenak laut nggween abu'na wonage nogo, porok togon nenet wambi nage, nggween inom nenet nage, eeke kagagirak.

Amot 7:4 ပူးပေါင်းရင်းမြစ်များ

Yetaya 27:4

Ti eeke logonet, an nanini neyabu yaremenggerak ti paga wonage logogin lek o. Nggonggoondu tibinik-wandinik eerak kwak, eeppiigwi, Alok-palok lagangge menggi kwak, eeppiigwi, Eekwi nenegen kage kenok, Mbanogo kani pigin kwe,

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Yeremiya 4:4

It aap Yekura mendek inom, o kota Yerutalem menggaarak inom, Ala apuri yelok iigo logowak nduk, Inagabolo mbanggo mengga kwak ineebe togop aret Naliku ALA nake leenogo pugwi, Inagabolo mbanogo mbo nappogo mengga kwak, iniki omaawi ti, mbo pugwi, Eeko logowak o. Togop eeka'lek iinok, kani wunuk ari logonet, yi mendek ndi mendek nenet nage kagak nogonogo puurak meek age menggi kwak, Maluk mban eeko menggaarak ti paga an nanini mi'nage logonet, togop aret eeginabit nagin,” yegerak me, yokkiragi o.

Yetikiyen 21:3

O Iterali wonogwe nogo yorage logonet, Aliku ALA nen yegerak nogo yi aret. It ninom ogoorak me, an nen nawooluwak nggiginogo punuk, it inenggela'me aap iniki abe koonak inom, aap iniki maluk inom, inenggaawak lek eerogo piyaagin o.

Yowen 1:19

Togop me, Kaliku Ala wae. Tapi-ndomba inagari'ngga nenet nogo menggam nogo kani nen wiyanogo pit nage, Yi eyo ndi eyo yabume yarak wonage nogo, kani omoonuk nen nenet nage, Eekerak kenok, Noone nggwok paga yokkege agarik o.

Yowen 2:30

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, ka'luk aagi inom, eerigin o.

Ala Unde 10:2

Aliku ALA nen kani kunik inoba wuppi wagagerak paga mondok yoguk togon eerogo piige mbareegi, Ala enggaanom awooliya wurik tungga paga taati aret kambeegwaarak.

Amot 1:4

Aap Katayen wonage menggim kani nen lek eerogo nengge, Yugum pak wurik me aap endagembogut Mben-Karat awi wurik nogo kani nen lek eerogo nengge, eeruwak nduk, Kani kunik nappi woraagin o.

Amot 1:7

An nen o Nggata kani nappi woraminggirak paga yugum pak wurik me inarum logorak inawi wurik nogo kani nen lek eerogo nagin o.

Amot 2:5

An nen o Yekura yime kani nappi woraminggirak paga o Yerutalem yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Amot 4:11

“O Torom Nggomora imbirak eerogo pereegi kwak it wonogo menggam o kota-kota time togop aret eerogo piige, Kani kunggaatak nengge me kiinogo waganggo mengga kwak wogonabuwak nduk eerogo piige, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Amot 5:6

Togop me, at Aliku ALA mugurok wogwe kiinok, kineenik aret logomunggup o. Ndi, lek kenok, kani nen yi mendek ndi mendek lek eerogo nengge menggi kwak, Kit kinanebunu Yutup paga wiganak mendek togop aret lek eerogo pinagage, O Mbeten kani nenet nage me, aakumi nen nogonogo puurak lek kwak, eerogo pinagage, Eerigin o.

Amot 7:1

Aliku Itok Menggerak ALA nen nabinggaanggo paga yo'nereegerak nogo yi aret. Aap endagembogut ake iri'ngga mbanogo wogogo mbareegwa, obaane'me yarak nogo agarit lagangge kagak, nabinggaanggo paga Aliku Itok Menggerak ALA nen wurin ambik lombok kuwak eerogo piinet nage kagagirak.

Amot 7:7

Nabinggaanggo paga ambi yo'nereegerak nogo yi aret. At Aliku ALA keele paga yugum pugunik wakkagak nogo eenggime keele wakkagak paga yugum pak wurik me, koorok taati mi'ndak wonage kagagirak.

Mika 1:4

Kundali kani nen tigi-tigi eerogo pege menggi kwak, Puut-puut paga nen niyo taga-taga wambit nage menggi kwak, At iyok pit nage kagak, puut-puut amburu a'nuk, taga-taga wambit nage, Aluk-aluk nggogu-nggogu wambit wage, Eeke agaarik o.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Linggineegwaarak 16:35

Mbaganit nogwe iigak, at Aliku ALA nen it aakumi ineebe dua ratus lima puluh obari abe kaga kani kunggwi nogo ne ambit ti eyom paga aret kani omoonuk paga lek eerogo piyareegerak.

Pelaareegerak 32:22

Nanini mi'nage logonet, Kani omoonuk negen a'nuk wunuk agan aakumi kambunuk nogo menggam nggween abu'me teberogon time kuli pi nage, Ndi, nggween kani nenet nage logonet, yi mendek ndi mendek yarak abok aret nengge, Puut-puut alom abok aret kani nenet nage, Eerigin o.

Iberani 1:7

ndi, ti'nuk, it malayikat eeko menggaarak nogo mbiningge logonet, “It an nayonggo nugu menggaarak malayikat nogo, o wiya pogom agago piige, Ndi, it an nayeloman mini nogo, kani omoonuk kwak eerogo piige, Eeke minggirak o,” yinuk, mbiningge, eereegerak kwe,

Wayu 4:1

Ti yo'nege mbaki, nabinggaanggo ambi kage logonet, o mbogut paga time tungga ambi paarak kage neegak, nogome nen aap ambi nen oone nggwok eeka trompet oone nggwok ari pogom aa'nduk yo'nege konenggirak nogo ambinom yo'nege logonet, “Yogondak eeriyak kagandak nogo eeppunuk, peebi eeriyak nogo titikkirikit nduk lagi mok o,” yinuk,