Amot 7:16 - Ala Wone Peenok Peebi Mbanak

¹⁶ Yo'nereegerak me, yogondak Aliku ALA nen wone yokkege yi, karuk konengge logot o. Kat nen ari logonet, Kit Iterali eeppinagarak, Ala nen yo'nege kenok yokkiragi o, yinuk, yorage, At Itak ombowologwe wiganak paga, Yogop eeppinagagin o, yinuk, yorage, Eeriyak ti mage o, Yinuk, yo'negendak me,

Amot 7:16 ပူးပေါင်းရင်းမြစ်များ

1 Endagembogut 13:1

Aap Yerobeyam nen obari abe kaga nogo kani kunikit nduk kani kunggo menggam taati mi'ndak wonage me, aap Ala wone liirogon eeka ambi at Aliku ALA nen, “Wone yi yori nak o,” yinuk, yoreegerak nogo yoriyak nduk, o Yekura nen Mbeten nagagerak.

1 Endagembogut 22:19

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

2 Endagembogut 14:24

At Nebat aput Yerobeyam nogo maluk eeke nagagerak paga Iterali maluk eerit nogo nogogwaarak nogo, at Yokawat aput Yerobeyam nogo mbo puulik Aliku ALA enegen kagak maluk mban eerit nage nagagerak.

Yetaya 30:10

Aap inabi kaga nogo, Kinabi ambinom koorak mage o, yinuk, yorogwe, It aap an nen yorage neegak yoraga nogo, Obeelom eeko logorak kinigen kenok, ambinom yo'niroorak mage o. Ata, wone ninikilom mbakwi mendek mban yo'nirogwe, Ndogop kwak ee'ne, mbakwi nogo mban yo'nirogwe, Eeko logonip o.

Yetikiyen 13:2

“Aakumi nen ndarak yi wae. It Iterali mendek nen, Ndogop arigin o, yinuk, yaga nogo, Ala nen, Togop eeppinagarak, yegerak o, yinuk, yoroorak nogo yi o. It inalik iniki koombunuk yaga nogo yorage logonet, At Aliku ALA yegerak yi, kinaruk konenggo logonip o.

Yetikiyen 16:35

Togop aret me, kwe ya wukak yi wae. Aliku ALA nen yokkege yi, karuk konengge logot o.

Yetikiyen 20:46

“Aakumi nen ndarak yi wae. Kena o ame pa'nggwe na'nage logot o. Na'nage logomenggendik, o ame pa'nggwe time nggween ti mberege, o ame pa'nggwe eyonggaame time, Ndogop eekkabigin o, yinuk, yoge, eeru o.

Yetikiyen 21:2

“Aakumi nen ndarak yi wae. Kena o Yerutalem na'na'nuk, koone omaawi paga aakumi alut eeko menggam yi o ndi o yorage, it Iterali inanggween eeppuurak nogo yorage, eeke logot o.

Amot 2:12

“Ti eereegirak kagak, it aap nake leenak logorak kumbuk mbaneegwaarak nogo, Anggur amburu nawak nduk inoone omaawi paga yorogwe, It an yorage neegak yoraga nogo, Wone yo'niroorak lek o, yinuk, yorogwe, Eereegwaarak o.

Amot 7:13

O yime ti, aap endagembogut nen ayuk wuke, aakumi at abu'me piinok menggim nen ayuk wukwi, eeko menggam alik leenak o Mbeten yime aret me, o Mbeten yime kogoba Ala nen yokkege kagak, yoragak eeriyak ti mondok mage o!”

Mika 2:6

“Nit ninenggali eerogo pinaniyak lek me, Ndogop eerigin o, yinuk, it yoraga nen, Ala ndogop yegerak o, yinuk, yo'nirage, Ala nen, Ndogop eeppinagagin, yegerak o, yinuk, yo'nirage, Eeriyak mage o,” Yinuk, yogo menggaarak.

Pelaareegerak 32:2

An wone mamunirage yi, o mayu wangge menggi kwak age, Noone ari yi, miinanggen iri'ngga paga luurik pogom age, Iri'ngga anggup awo larak paga o mayu wangge kwak, age, Yi mendek ndi mendek yarak paga o mayu lubu-lubu wangge kwak, age, Eeruwak o.

1 Tamuwen 15:16

Yoge nogo at Tamuwen konengge nagagerik, Tawun yoge logonet, “Koone puk aru! Oonikiya paga at Aliku ALA wone yo'negerak nogo yokkiri o.” Yoge mbareegi, “Yu o,” yoreegerak.