Amot 7:11 - Ala Wone Peenok Peebi Mbanak

¹¹ At Amot nen ari logonet, Aap Yerobeyam nogo wooluwak paga warak kangge, Ndi, it Iterali nogo inanggween paga nen kugun wogoren mbo piya nogwe, Eerugun abet mbako logonip o, yinuk, ari wonage agaarik o.”

Amot 7:11 ပူးပေါင်းရင်းမြစ်များ

2 Endagembogut 17:6

Aap Koteya endagembogut wonage kagak, tahun 8 eeppunuk, ambi age paga aap endagembogut Atiyut mendek nen o kota Tamariya tebenogo piinok, aakumi Iterali mendek ando wogoren, o Atiyut piya nage nagagerik, o Kala inom, niyo Kabot aa'nggi paga o kota Nggotan inom, it aap Marayi menggam o kota-kota inom, oone omaawi paga, “O yime aret logonip o,” yinuk, yoragagerak.

Ndawi 56:5

Kubondendok nen nok oonikiya ari nage kagak An ari minggirak kagak alik agan nugwi, Maluk eeppanuwok nduk kuwak eeppunuk, Kote wone mban mbanggwi, Eeko menggaarak.

Yeremiya 26:9

Ala awi wurik yi, o Tilo kwak eerogo pege, ndi, o kota yi, lek eerogo punuk, aakumi logorak lek aret eeppege, eerigin o, yinuk, Aliku ALA nen yegerak kenok yokkiragi o, yagandak ti, nonggop nduk?” Yogo nogogwaarik, Aliku ALA awi wurik me, at wonage me taati ninggireegwaarak.

Yeremiya 36:16

Wone luneegerak nogo abok aret inaruk konembunuk, inaganak ngginuk ari logonet, inigen pet-pet yinuk, Mbaruk nogo yogo logonet, “Wone yagandak abok aret ti, wonok aap endagembogut yori nawok o.”

Amot 1:1

O mi awo waga'lek kagak tahun mbere eeppunuk, ambi awo eeke paga at aap Utiya aakumi Yekura mendek inowe endagembogut a'nuk wone lengganogo yorage, ndi, at aap Yowat aput Yerobeyam nogo, aakumi Iterali mendek inowe endagembogut a'nuk wone lengganogo yorage, eekwi iigak, aap ndomba ndegeninaka o Tekowa mendek ambi endage Amot nogo nen it Iterali mendek eeppiyoorak abi paga kage nagagerik, yoragagerak nogo yi aret o.

Amot 7:10

Kage mbareegi, o Mbeten ogut ogobakkigirik inaluut eeko menggam unde Amatiya nogo nen Iterali inowe endagembogut Yerobeyam nogo, wone wonok yori woraawak nduk, nappiya wagagerak wogo nogogwaarik, at yogo logonet, “At Amot nogo, kat kimbirak ogookkoloorak nduk, aakumi Iterali inom wone koonogo pege me, at nen ari nogo paga aakumi pilak yogo logonet, ineebi nen kat koone mbo puurak nduk eeko agaarik o.

Amot 7:12

Yogo mbareegwa, wiireegerak nage mbareegi, at Amatiya nen Amot nogo yoge logonet, “Abinggaanggo kaga yi, nak a! O Yekura paga time nak. Kambi noorak time kwaakkolage, time nen kogoba Ala nen yokkege kagak, yoranet nege, eeke a nak o.

Amot 7:9

Aaninggin inoba kwippiige logonet, it Itak paga wiganak nen puut-puut paga warogo wogorogo menggam nogome abok aret yigirik-noonom eerogo pege, It Iterali inagugi ayuk wurit nogo menggam alik leenak wonage nogo minogo pit nage, Eeke logonet, At aap endagembogut Yerobeyam paga wiganak kunduk, nawooluwak paga nggaluk nawak nduk, mi'narigin o,” yinuk, an yo'nege kagagirak.

Mika 1:16

Kinapuri inabuwa nen le yogo logonet, kineeruwak-kinamboro puluk ko eerogo mbanggwi, Kinapuri mbo pinaganuk keele maageren mbo piya nagun me, Towe wam pili nengga eeruwak lek puluk ko aago kwak kineeruwak togop aret eerogo mbanggologwe, eeko logonip o.

Matiyut 26:61

“Aap yi nen, An Ala awi wurik minogo punuk, obaane'me wuke neegak, nogo mbere aret yumunggup, yereegerak o.”

Nappiigak 6:14

At aap yi nen ari logonet, Yetut Nataret mendek nogo nen Ala awi wurik yi, minogo pege, ndi, Muta lengganninabeegerak wone ninitok kunik eeko monggoorak nogo lek eerogo pege, eerigin o, yinuk, ari kogoorak o.”