Amot 6:8 - Ala Wone Peenok Peebi Mbanak

⁸ At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Amot 6:8 ပူးပေါင်းရင်းမြစ်များ

Wakkagagerak 22:16

“At Aliku ALA nen, At Abarakam apuluk ambolom ambit ndarak iniki kunik aret kwe, ili yuulik mondok nggaruk togon wo'negerak me,

Ndawi 106:40

At apuri togop aret eereegwaarak paga Aliku ALA anini kani kunik negen mi'nage, Eyate kwak at lombok apuri aret kwe, Peyak wurik kwak eerogo piige,

Ndawi 47:4

Ala iniki kunik eereegerak aap Yakup nen Nggween nineyate kwak kologogurak iya mbareegerak nogo ti, At Ala nen aret nit ninake leenogo pereegerak o.

Ndawi 50:12

O nggween inom, Yi mendek ndi mendek ogobakkigirik nggween paga wonage abok aret inom, Ti an unde aret me, An mbi abu nen nggino yokkiroorak lek aret o.

Ndawi 78:59

Ti eekwi nogo Ala enegen iige nagagerik, anini mi'nage, It aakumi Iterali nogo abu mbo piige,

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yetaya 28:1

It Eparayim mendek nen amburu nenok kumili kumbunuk, Iri'ngga anggen laambu mendaarogo inenggaanok me yirik kwak inale'nggen mbakwi nogo, Yirik kenok, iya mbakugak anggen teebat age nogo, O kobappaga agi nggween mili paga wurik nogo, It amburu nenok kumili aganaka nen tiyappugwi inagota nogo, Inabuwa o!

Yeremiya 12:8

Singa eyonggaame mendek nen aakumi inanini agaket eeginakwi, ineyak ndi wukwi, Eeko mengga kwak Neyate negen unde wonage nogo nen an togop aret ee'nakwi me, Neebi, lombok inombake agarik o.

Yeremiya 22:14

Aap ti nen, An nawi o nggwok abe lombok wunom-weenom wuke logonet, wunom paga ambe nggwok wigak togon eerogo pigin o, yinuk, Wuke logonet, pugagi ambe kole mbanogo pit nage, Eyo nggabina abe poorak paga akem nabenogo pit nage, Amburu maa'ngga warogo pit nage, Eerogo pemenggerak kwe,

Yeremiya 22:5

Aliku ALA nen ari logonet, An nen, Yi eeruwak ndi eeruwak, yorage yi, liirogon aret eeka'lek iinok perak, aap endagembogut o awi nggwok abe wurik yi, mi-mi wambigin, abet mbaruwak nduk, nendage kumbatinuk, kumbuk mbanggi o, yinuk, yora nak,” yegerak me, yokkira wagi o.

Yeremiya 44:26

kit aap Yakuri mendek o Metit wonogwe abok aret, at Aliku ALA nen yegerak yi, kinaruk konenggo logonip o. At Aliku ALA nen ari logonet, It aakumi Yekura mendek o Metit yi awi ndi awi wonogwe abok aret nen, Ndogop eerigin o, yinuk, an nendage kunggwi, At mondok eenik Aliku Itok Menggerak ALA owak o, yinuk, kumbuk mbanggwi, eekwi nogo ambinom eeko logogun lek o.

Yeremiya 49:13

O kota Mbotara yigirogo piyamenggaarak paga, aakumi nen, Inamineeri ne agan noorak mendek aago yi o, yinuk, yogwe, mbelaappugwi, at endage kumbunuk pulunogo piigwi, eeko logogun o. Ndi, at enaagan-ambokan kota-kota abok aret kunduk yigirik-noonom aago aret mondok-mondok wonage logogin o, yinuk, nendage kumbatinuk, yagi o,” yinuk, Aliku ALA nen aret yegerak me, yokkiragi o.

Yeremiya 51:14

Yibila kombogonak nogwe kwak, aakumi o Mbaben yagabit ari ungguwak nduk nappiya woraminggirak tebenogo punuk, Abu tebenogo pogo o, yinuk, keekok piyanggaagun o, yinuk, Nomaawi Lombok Minggirak Naliku ALA nendage kumbatinuk kumbuk mbanggi o,” yinuk, yegerak me, yokkiragi o.

Leendawi 2:5

Nogoba Ala ti, aap inom wim mbanak kwak wonage me, Iterali ambeme yonggorinake, Aap inendagembogut inawi nggwok abe wurik nogo yinik-minik eerogo pit nage, At obak wurik yigirik-noonom eerogo pege, Ndi, o Yekura Aagalukwe nogo ambinom iniki wakkolage, leenggu maake, eeke logowak nduk, eerogo pege, Eereegerak o.

Oteya 11:6

Maale namburik it wonogo menggam kota-kota pinda agan wambit nage, Inawi pak wurik wa'mbit mbuti paga eerak narak nogo, kalenak-pugunik eerogo wurabit nage, It eeriyak koonit nugwi nogo, lek eerogo piinet nage, Eerigin o.

Ala Unde 26:11

Aap yi, abu neebi o, yinuk, nawoori piiga'lek inenggela'me aret wonage logonet,

Ala Unde 26:30

Ndi, puut paga inagugi aanggo warogo kani kunggo menggam lek eerogo pege, obari abe kaga nogo kani kunggo menggam eerak kalenak-pugunik eerogo pege, it ineebe kanggwi iinok, inagugiwak ogobakkigirik nogo imbirak lambunogo piige, ineebe peyak wurogo negen nambo'me piige, eeke logogin o.

Amot 3:10

Yugum pak wurik me aakumi inarum logorak inawi wurik me time menggaarak nogo nen, Aakumi a'me nggelok eeppiiga'lek inoone omaawi paga aakumi inageerok waganggwi, Wi-wi aganako logonet, inamendek waganggwi, ee'nuk, Iname pati unggwogo menggaarak o,” yinuk, Aliku ALA nen ti aret yegerak o.

Amot 3:11

Togop eekwi me, at Aliku Itok Menggerak ALA nen ari logonet, “It aakumi ti, wonogo menggam yendok-wandok abok aret inawim nen wanggerinakwi, Yugum pak wurik me inarum menggaarak inawi wurik nogo yigirogo pugwi, Aakumi inagugun wogo inawi nggwok abe wurik me wonage nogo kabologo waganggwi, Eerugun o,” yinuk, yegerak o.

Amot 4:2

At Aliku Itok Menggerak ALA nogo maluk eekeelik yegetak a'me nggelok mban eeke menggerak me, At ari kit abet mbarumunggup nduk kumbuk mbangge logonet, “Inogobak me ya'nggage nggelembunuk, inalitak lombok nigiren wundi nogwe, Yikwe warak nikkenok wunggo mengga kwak inalitak nigiren wunggwi, Eeginaburak eyom abet aret ari woraagin me,

Amot 5:21

“Nalut eeko logonet, inale'nggen nen laago lakwi ti, abu neebi lombok mbake, ogole warak lombok mbake, Eeke minggirak o. Nalut eeruwok nduk, kuwak eekwi ti kunduk, nale'nggen mbake mondok lek aret!

Amot 8:3

“Ne ti eyom paga o nggwok abe wurik me ndawi wako logomenggaarak nogo obaane'me leendawi piyanggwi, ineebe inoorak ambik aret mbo nappiinet namenggaarak iigwi, eeko logonet, inoone lek inigen keme yogwe puk aret logogun o,” yinuk, Aliku Itok Menggerak ALA nen aret yegerak me, yokkiragi o.

Amot 8:7

At Aliku ALA nen ari logonet, “It Iterali maluk eeko nogogwaarak nogo, an nami arigin mondok lek o, yinuk, it Yakup mendek nen inogoba tiyappanega nendage kumbatinuk yagi o.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Pelaareegerak 32:19

Aliku ALA nen kinapuri wologwe-komologwe togop eerit nugwi enegen iinok, Anini mi'nage nagagerik, mbo piinok,