Amot 6:4 - Ala Wone Peenok Peebi Mbanak

⁴ Kit nogo yogo monggo'nom abu abe wanggalep meeli nabenak paga windak wonogwe, Kwi'nagak abe ndoonak paga kwi'ndak wonogwe, Tapi-ndomba inaagalogwe inamok tigiluk inoorogo larogo nunggwi,

Amot 6:4 ပူးပေါင်းရင်းမြစ်များ

Wakkagagerak 37:25

Wuppogo nogogwaarik, mbi nunggwi wonogwe me, aap inanebunu Itamayen mendek o Nggileyat nen o Metit nawok nduk, obari obeelom mendek inom, kundali inom, yibinggami inom, waganeegwaarak nogo abok waganogo unta amborowak paga punuk, luurik-maarak aago wonok tu mbin eerak wogwe iyareegwaarak.

Etet 1:6

Aap endagembogut awoore'nggam obaanggi-obaangge eerak wonagagerak ti, yum yawenak amuni mbanak yanggwi negen inom, yum kibu-kibu inom, nogo poorogo keele yum yawenak amuni mbanak maa'ngga kunik nogo paga, yugum muuni paga owak mippugu irip mbuti perak paga, tenggen yarogo nggelenak nogo paga nggelembunuk, tugunogo wurabak wonage, ndi, yugum muuni mendek etenggen mili inom, meeli inom, maa'ngga kunik inom, yugum onggo nggwok alik mendek inom, nogo paga ndik yabenggek-ndabenggek ndoonak me, mbuti emas-perak paga kwi'nagak abu abe ogobakkigirik nogo ndoonak nogo paga kwippugu wonage, eerak wonagagerak.

Ndawi 73:7

Iniki omaawi wonogwe me, Maluk eeriyak mban mugurok-magarok nugwi, “Maluk abu aret eeko o,” mbaka'lek eeriyak mban iniki koonogo pit nugwi, Eeko logonet,

Yetaya 22:13

It nen inale'nggen nggelok yinuk, ugun-ugun eerit nogo logonet, Nit ko'lu aret kambuurak me, amele o, yinuk, Tapi inom, ndomba inom, warogo lappunuk, Enggaanggum larak nenet nugwi, anggur amburu nenet nugwi, Eekwi iigirak o,” yinuk, yegerak me, yokkiragi o.

Yetaya 28:1

It Eparayim mendek nen amburu nenok kumili kumbunuk, Iri'ngga anggen laambu mendaarogo inenggaanok me yirik kwak inale'nggen mbakwi nogo, Yirik kenok, iya mbakugak anggen teebat age nogo, O kobappaga agi nggween mili paga wurik nogo, It amburu nenok kumili aganaka nen tiyappugwi inagota nogo, Inabuwa o!

Yeremiya 16:8

At Omaawi Lombok Menggerak Iterali inogoba Aliku Ala nen yegerak nogo yi aret. “Kat awo wonage keegak kenggaanom paga it aakumi inale'nggen nen agan nugwi, inale'nggen inikime nggelok ari logonet, i'ndok wone mban agan nugwi, eekwi nogo lek eerogo pege, o yime kumi-aap lambumbiigwi me, inale'nggen nen ndawi lubuk warit nugwi nogo lek eerogo pege, eerigin me, it aakumi iniki ale'nggen nen laago lappunuk nunggwi me, kat unggwi nage logomenggendik, kinom kwi'na'nuk mbi nengge, niyo nengge, eeriyak mage o.

Yetikiyen 16:49

Awuluk o Torom nen maluk eeke nagagerak nogo yi aret. At aagalogwe inom ti, iniki wogoppatit nugwi, inambi-mbiingga ndonggorogon nunggwi, Nit mban, mbarit nugwi, eeko logonet, aap aaninggin inoba wonogwe inom, aap ineenggi lek inom, yeenggwaaraga'lek aret wonogogwaarak o.

Yetikiyen 23:41

obari abe kaga inom, tayitun amburu inom, nalut eeko logonet eeko logorak wogoragagirak nogo, waganogo eyo ndoonak paga koorok taati punuk, it nogo yugu menggam abu abe ogobakkigirik nogo paga kwi'na'nuk tooriigo nogogwaarak.

Amot 3:12

Aliku ALA nen ari logonet, “Singa nen ndomba wappunuk nengge logonet, iyok a, aruk a, ti mban yumbunogo mbo pegetak me, At aap ndomba ndegeninaka nogo kwaakkage menggi kwak, It Iterali mendek o Tamariya wonogwe nogo togop aret inagap ndarogo piige neenok, Nogo yegak lit yarak mban kologwe, Inanobak anep mbanak mban waganggwi, eerugun, yegerak me, yagi o,” yinuk, yoragagirak.

Amot 8:3

“Ne ti eyom paga o nggwok abe wurik me ndawi wako logomenggaarak nogo obaane'me leendawi piyanggwi, ineebe inoorak ambik aret mbo nappiinet namenggaarak iigwi, eeko logonet, inoone lek inigen keme yogwe puk aret logogun o,” yinuk, Aliku Itok Menggerak ALA nen aret yegerak me, yokkiragi o.

Mika 6:12

It aap ineenggi warak o kota kat paga wonogwe nogo inoone omaawi paga aakumi tebenogo piinok, inageerok waganggwi, Aakumi kat paga menggaarak nen pilit mban agan nugwi, Aakumi inambokan laganggo logonet, inoone pilit mban pugunit nugwi, Eeko menggaarak me,

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Yakobut 5:5

Kit nggween paga mondok obeelom mban logonet, kinikilom kenok mban eerit nogo nogogutak nogo o. Wam amok warak age kenok wariyak nduk, mbi abuk nggininogo wogorogo mengga kwak, kit, “Yi mendek ndi mendek amburu warak mban na,” mbarit nogwe paga kinamok warak eekkologwe me, kinoorigin aret mbako logonip o.