Amot 6:3 - Ala Wone Peenok Peebi Mbanak

³ “Aaninggin ninoba kwippinani woroorak ti, abu nda lombok wonage,” mba'nuk, eerit nugwi kwe, Kinogogumbuk logonet eerit nugwi paga aaninggin kinoba pinagarak nogo, koorok panggonogo pati wogo ogotik o.

Amot 6:3 ပူးပေါင်းရင်းမြစ်များ

Ndawi 94:20

It aap wone yiluk-yiluk lengganogo yoraga nen Eeko logorak lek kagak eeko logowak nduk, Yorogwe paga aakumi iniki aaninggin ogwe nogo Kinom ariyak op mbaken?

Wone Alom Kibingga 8:11

Maluk eekwi onggo mbet-mbet inoba kwippiiga'lek kenok, aakumi nen maluk eerit noorak mban inikime koonit nugu menggaarak.

Yetaya 47:7

Kat nen, An kwe nggwok wonage nogo lek aga'lek mondok-mondok aret logogin, yagandak kwe, Eeppagarak yagarak yi, kiniki liippege, Ti eeke neenok, ndogop eeppanigin, mbake, Eeka'lek aret keegi o.

Yetaya 56:12

“Anggur amburu noorak wa nagin me, mok o! Yogondak nunggwi kwak lek, ko'lu abu alik negen ndonggok togon nunggo logogun me, Amburu omaawi mendek yi, yogondak kunduk ndonggorogon nunggo logowok o,” yinuk, yogo menggaarak.

Leendawi 4:5

It aa'nduk nen mbi-mbiingga ombat abe mban nunggo nogogwaarak nogo, yogondak inambi abu nen tu paga kambit nogwe, It maan nen nogo yum abe laambu paga nogo yogo nogogwaarak nogo yogondak nen aakumi inambeebuk pugu logonak paga nogo yugwi, Eeko agaarik o.

Yetikiyen 12:22

“Aakumi nen ndarak yi wae. Inabinggaanggo kagaatak a'me aga'lek kagak o yalanggok ari nage menggerak o, yinuk, it o Iterali wonogo menggam wone yogwe nogo ti, nonggop o?

Yetikiyen 12:27

“Aakumi nen ndarak yi wae. It aakumi Iterali mendek nen, At abinggaanggo kegetak nogo ti, o peebi eeriyak ari, at yo'nirage nogo ti, o peebi eeppinaniyak ari, eeke agaarik o, yinuk, yogwe ti iyet o.

Yetikiyen 23:42

It inaagan-ambokan endekem taati aakumi inale'nggen nen noone-koone agan nogwe iigak, it aap amburu nenok kumili aganaka o karume mendek aap endekem noone-koone agan nugwi nogo inom unggwogo nogogwaarik, kumi nogo oweeluk awuluk imbirak tenggen inobaak me yirippiigwi, nggare-nggare abu kigirikwe lombok inanobak paga yirippiigwi, eereegwaarak.

Amot 3:10

Yugum pak wurik me aakumi inarum logorak inawi wurik me time menggaarak nogo nen, Aakumi a'me nggelok eeppiiga'lek inoone omaawi paga aakumi inageerok waganggwi, Wi-wi aganako logonet, inamendek waganggwi, ee'nuk, Iname pati unggwogo menggaarak o,” yinuk, Aliku ALA nen ti aret yegerak o.

Amot 3:9

O Atorot time yugum pak wurik me, aakumi inarum logorak inawi wurik inom, O Metit time yugum pak wurik me, aakumi inarum logorak inawi wurik inom, Nogome wone eerogo nappit noorak nogo yi aret. Aliku ALA nen ari logonet, “It o Tamariya koorok puut-puut time kuwak ari woraawak o. Kuwak ari wa'nuk, it aakumi o time inenggela'me abu naalop-kaalop eerit nugwi, It-it at ambi tebenogo pegak eerit nugwi, Eekwi ti, inigen iyaagun o.

Amot 5:12

Kit maluk ambik eerit nugwi, Ndi, kinomaluk iya negen eeriyak koonggwi, Eekwi an neenu me nduk, yokkiragi o. It aap iniki abe koonak nogo piyak-payak eerogo piigwi, Maluk eerak onggo, Ndogop puurak o, yugu kagak, Puurak lek, yoraawak nduk, inawu wogorogwe iinok, waganggwi, It aap tebenak mendek nogo inowak loonggo logonet, inawone abe mbangga'lek yaga-taga eerogo piigwi, Eeko monggotak me,

Amot 5:18

Aliku ALA woroorak ne nogo, “Ari woraawak lak, ao,” yinuk, yogwe nogo, kinabuwa o! Ne ti eyom ti, o eya arigin lek o apit aret ariyak me, Aliku ALA woroorak ne nogo, “Ari woraawak lak, ao,” yinuk, nonggop nduk yogo ogotik?

Amot 6:12

Kuda puut-puut yugum paga mbe agan nogwe, Lembu nen yugum anggen nggininik paga nggween amok mbanogo pugwi, Eeriyak op mbakop? Lek kwe, kit nen eekaatak a'me nggelok eeppiinet nugwi nogo mbo punuk, obaane'me kanggo menggaarak mendek eeppiinet nugwi, Ndi, obeelom eeppiinet nugu logorak anggen yuurak nogo obaane'me ale-pale eerogo piinet nugwi, Eekotak o.

Amot 9:10

It aakumi maluk eeko menggaarak an napuri inenggela'me logonet, Aaninggin mendek ambi nit ninoba age, Maluk mendek ambi nit ninoba kwi'nage, eerigin lek o, Yinuk, yogo menggaarak nogo, wooluwak paga inoorak wambugun o,” yinuk, yegerak o.

Mika 6:12

It aap ineenggi warak o kota kat paga wonogwe nogo inoone omaawi paga aakumi tebenogo piinok, inageerok waganggwi, Aakumi kat paga menggaarak nen pilit mban agan nugwi, Aakumi inambokan laganggo logonet, inoone pilit mban pugunit nugwi, Eeko menggaarak me,

Matiyut 24:48

Ndi, aap ayeloman nogo ti, obaabut abu maluk me, Nogoba elaambirik, logonuk woraagin, mbaki o, yinuk,

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

2 Peterut 3:4

yogo logonet, “O yi, maan Ala nen wakkagagerak kuli nen, nok, yogondak kuli alik aga'lek itok menggerak kagak, ninombomini nen, O yi, lek eeri woraagin o, yogwe iigak, kambit nogogwaarak me, Woraagin, yereegerak nogo, eebe wage lek, ngge?” yinuk, miyuk-meya eerogo pinagagwi iyaamunggup o.