Amot 6:2 - Ala Wone Peenok Peebi Mbanak

² Kit nen o Kalene nogo logomonggotik, kinigen yambonit nugwi, Time nen o kota nggwok lombok Kamat nogo pekka nogwe, Ti'nuk, it aap Pilitin wonogo menggam o Nggat pekka nogwe, Eeko logonip o. Eeko logomonggotik, it inabu'me piinok menggam ti abe, ndi, kit kinabu'me piinok monggo'nom ti meek, It inanggween ti nggwok, ndi, kit kinanggween ti mbuuluk, kaamunggup mbakop?

Amot 6:2 ပူးပေါင်းရင်းမြစ်များ

Wakkagagerak 10:10

At nogo alik nen iyaalok togon nggween Tineyat taganak o nggwok Mbaben inom, Erek inom, Akat inom, unde wonagagerak.

2 Tamuwen 8:9

Wonok wagagerak wonage me, “At Ndawut nen aap Kararetet awuri wim eeka abok aret inookerak o!” yogwe nogo aap o Kamat mendek inowe endagembogut Towu nogo, aruk konengge nagagerik,

1 Endagembogut 8:65

At Aliku awi wurik tu paarogo laago lakwi iigak, ne 7 wonogogwaarik, ne ti eyom paga mban at Talomo nen ooliya-ooliya wurit wogogwaarak aberogo laago lariyak koongge mbareegi, it aakumi Iterali agi tu o Kamat unggwi nogo menggam nen nok, ogu niyo Metit kuli nen mondok iya yogolik mendek aret kuwak ari wogogwaarak nogo abok aret aap endagembogut inom Aliku ninogoba Ala enggaanom paga inale'nggen nen laago lakwi iigak, ne 7 ambinom aret wonogogwaarak. Inale'nggen nen laago mbere ti lakwi iigak, lambuk togon ne 14 aret wonogogwaarak.

2 Endagembogut 17:24

It aakumi Iterali mendek wogoren piya nogogwaarak nogo inobaane'me at aap Atiyut inowe endagembogut nen it aakumi Mbaben mendek inom, Kuta mendek inom, Awa mendek inom, Kamat mendek inom, Teparawayim mendek inom, wogoren, o Tamariya kota-kota logowak nduk piya wagagerak me, o Tamariya kota-kota time ye mbambatinuk wonogogwaarak.

2 Endagembogut 17:30

Inanebunu lombok nen Ala obaane'me inagugi ogut ogobakkigikkologogwaarak nogo ti, it aap Mbaben mendek nen kugi Tukot-Mbenot ogut ogobakkigikwi, it aap Kuta mendek nen kugi Neregan ogut ogobakkigikwi, it aap Kamat mendek nen kugi Atima ogut ogobakkigikwi,

2 Endagembogut 18:34

It aakumi o Kamat mendek inom, Arapat mendek inom, it inagugi o nggeeme wonogwe? Ndi, it o Teparawayim mendek inom, Kena mendek inom, Iwa mendek inom, it inagugi kunduk nggeeme wonogwe mbakop? It aakumi Tamariya mendek an neenggime nen ambi ndineegerak mbakop?

2 Endagembogut 19:13

It aap inendagembogut Kamat mendek inom, Arapat mendek inom, o kota Teparawayim mendek inom, Kena mendek inom, Iwa mendek inom, yogondak it ineebe nggeeme wonogwe iige agandik?” yinuk, liiru mbanogo punuk, wogoragagerak wonok iri wogogwaarak.

2 Mbinineegwaarak 26:6

Eeppit nage kagak, at Utiya nogo it aakumi Pilitin mendek inom wim eeke logonet, o Nggat inom, Yabene inom, Atorot inom, pak wurik langgunogo pit nage, o Atorot koorok inom, aakumi Pilitin wonogwe me alik me inom, kota-kota eerogo pit nage,

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Nakum 3:8

O kota Teba niyo Nin aa'nggi paga wonage ti, Yugum pak wurik kwak niyo mban wanggerak wonage me, tebenogo puurak meek wonage kwe, “At ti, meek, ndi, an perak, iya lombok,” mbake agandik ya? O kota Teba eebe op logorak ti, niyo Nin aret. Ndi, at ayugum pak wurik kwak ti, niyo wanggerak ti aret.

1 Tamuwen 17:23

Keyage wappiige kagak, at aap Pilitin mendek wakaa'ngget lombok awi Nggat mendek endage Nggoliyat nogo, it aap Pilitin mendek mbiginik inenggela'me nen wundi wa'nuk, ari nagagerak togo'nogo aret miyuk-meya eerogo piige nogo at Ndawut aruk koneneegerak.

1 Tamuwen 17:4

Wonogwe iigak, aap Pilitin mendek wakaa'ngget lombok awi Nggat mendek endage Nggoliyat nogo, anggup abu nggorek lombok metet kenagan negen aap wuriya wagak aret wonagagerak. At nen wim namburi naakit nduk, anobak paga warukwak abetagi mbuti tembaga mendek yirikkolage, arin mbuti tembaga paga yarak aaninggin 57 negen yirikkolage, owak mbelan imbirak mbuti tembaga paga yarak nabenogo pake, uum oolo paga paloowi mbuti tembaga paga ogobakkigirik awina yonggolak yirikkolage, ndi, awooluwak nogo ti, o omaawi logowak nduk muundu nappogo menggaarak obate nogo ti kokwak me, engget ti, mbuti linik aaninggin 7 negen aret wagangge, eeke nagaatik, nage kagak, at awot ambi nen nggeemu wonok aa'nduk a'nuk, nege nagagerak. Aap Nggoliyat togop aret wonagagerak me, ne ambi paga it Pilitin inawooliya wuppunuk, wonogwe me nen wundi wage nagagerik,

1 Tamuwen 5:10

Noone-koone agan nogwe iinok, Ala aloobut mbanak nogo wonok o Ekoron time nappereegwaarak. Nappereegwaarak awo wonok unggwi nogwe iigak, it aakumi Ekoron mendek nen inoone nggwok yogo logonet, “Nit inom, ninapuri inom, apit ninooriyak nduk, Iterali inogoba Ala aloobut mbanak ninowagam pi wogwe yi, Nineebi o,” yogwe iigak,

1 Tamuwen 5:8

Yogo nogogwaarik, aakumi Pilitin mendek inoweewi inendagembogut woraawak nduk, wiirogogwaarak kuwak ari wogo mbareegwa, wone yorogo logonet, “Iterali inogoba Ala aloobut mbanak yi, nonggop eeruwok o?” Yogo mbareegwa, it aap inendagembogut nogo nen yorogo logonet, “Aakumi Iterali inogoba Ala aloobut mbanak yi, o Nggat aret pi nanip o.” Yorogo mbareegwa, Aliku ALA aloobut mbanak nogo o Nggat aret pi nogogwaarak.