Amot 6:11 - Ala Wone Peenok Peebi Mbanak

¹¹ At Aliku ALA nen wone lengganogo wumbegerak me, o nggwok abe wurik nogo yigirik-noonom eerogo pit nugwi, O mbuulogwe wurik nogo yinik-minik eerogo pit nugwi, Eerugun o.

Amot 6:11 ပူးပေါင်းရင်းမြစ်များ

2 Endagembogut 25:9

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Ndawi 105:16

O time mbi noogelo inoba ari woraawak nduk eeppiige, Inambi pipuk aago nogo a'nggan waganogo piige,

Ndawi 105:31

At Aliku ALA oone ari kenok, Ti'neebon ninggi'nuk wogwe, Iname abok aret laami nggit-nggit unggwit wogwe, Eereegwaarak.

Ndawi 105:34

Aliku ALA nen ari kenok, wurin unggwit wogwe, Yibila ineenggi lingginiyak meek nogo ninggirit wogwe, Eeko nogogwaarik,

Wone Alom Kibingga 10:18

Aap yabu eeriyak eebi mbaka awi oo'ngget maarak miya-miya wangge, Aap eenggi tanep kenok, awi terap wambi wage, Eeke menggerak.

Yetaya 55:11

Wone an nambe me nen wumbege minggirak ti, togop aret menggerak o. Wone an nambe me nen wumbege minggirak nogo ti, yungguk togon we aret neya wageelik o. An eeriyak mbake nambe me nen wumbege nogo abu ndak-ndak aret arit nage, Ndogop aruwak o, yinuk, wumbege minggirak nogo a'me lik togon aret age, Eerigin o.

Amot 3:15

It inawi o togwi eeke kenok, ari unggwagak wurik nogo yinik-minik eerogo pege, Mo andi kenok, ari unggwagak wurik nogo langgunik-panggunik eerogo nggimbege, Inawi wurik me wanggalep inom, meeli inom, ogobakkigirik nabenak nogo yigirogo pege, Inoweewi inendagembogut inawi nggwok abe wurik nogo, yigirik-noonom eerogo pege, Eerigin o,” yinuk, Aliku ALA nen aret yegerak me, yokkiragi o.

Amot 5:11

It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Amot 9:1

At Ala ti, warogo wogogo menggam koorok taati mi'ndak wonage nabi paga kage neegak, at nen ari logonet, “Tunggambe aago abok aret nuk-nuk agan nawak nduk, an nawi wurik yugum owak mippugu irip me yawi mondok tela eerogo wake, Yugum owak mippugu paga o wurik panggonak wonage nogo langgunogo aakumi inanobak paga kwippi wangge, Eeru o. Eeke keenok, ando piyamenggendak ti, an nen wooluwak paga inooriminggirak me, It ambi nen kole mbaganggwi, It ambi nen inagap ndakko'nok mbaganggwi, Eerugun mondok lek aret o.

Amot 9:9

“Nggweengguma ameneno wonok nawak nduk, muun yarak piyak-piyak eeko logonet, ambit iluk ambi kiluk togon wanggeelik kwak, It Iterali mendek aakumi inanebunu lombok inenggela'me togop aret wogoren nawak nduk, yoraminggirak kwe, Ambit iluk ambi pibi'na wambugun lek aret o.

Nakum 1:14

At Aliku ALA nen kit Atiyut mendek o Niniwe wonogwe eeko logorak yokkirage kagarak nogo yi aret. “It inendage ki eeko logowak nduk, inombowologwe nda'nogo logogun mondok lek aret o. Inagugi awi wurik me inagugi ogut aago wonage inom, mbuti paga inagugiwak eerak nogo inom, lek eerogo pege, It Atiyut mendek ti, ineraambe abu maluk lombok me, nggween taambiyoorak inake pipuk eerogo piige, Eerigin,” yegerak o.

Takariya 14:2

Ne ti paga it o Yerutalem tebenogo puwak nduk, aakumi inanebunu lombok abok aret at nen kuwak eerogo piyamenggerak o kota ti paga kwi'nari unggwogo logonet, o wurik me unggwit nanuk, inamendek kabelogo kologwe, kumi kwa yogwe iigak eeginabit nogwe, eeko logomenggaarik, it kota time wonogwe ando nogo, kugun wogoren o nda piya nogo logonet, it ando o kota time logowak nduk, mbo piyaagun o.

Maleyaki 1:4

Togop me, it aakumi Erom mendek nen, “Nit ninawi lek eerogo pereegerak nogo, obaane'me wurugun aret o,” yinuk, yemenggaarak kwe, at Omaawi Lombok Menggerak Aliku ALA nen ari logonet, “It nen inawi obaane'me wuremenggaarak kwe, an nen minogo pigin o. Aakumi nen, O Erom yi, endage ti, Maluk Eeko Menggam me, Aliku ALA anini mondok-mondok inoba piige kagak menggam yi aret o, yinuk, yogo logogun o.

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.