Amot 5:2 - Ala Wone Peenok Peebi Mbanak

² Kolaga aap kigin waka'lek maluk eeppogo mengga kwak it Iterali ti, Nggween paga ngginnogowaarak me, peebi mi'narugun lek aret o. It inanggween paga lombok ngginnogo mbareegwa, mbo piyareegwaarak me, Aap ambi nen it mippiyoorak lek aret o.

Amot 5:2 ပူးပေါင်းရင်းမြစ်များ

2 Endagembogut 15:29

At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Endagembogut 17:16

At Aliku inogoba Ala nen, “Yogop ee'nu ndogop ee'nu,” yoragagerak nogo, abok aret taganogo mbo punuk, inagugiwak kwak mbuti paga tapi inogut mbere ogobakkigikwi, kugigwe Atiyera ageyo arelen yinogo pugwi, inendobanggun yindumbunuk laaluguragan abok aret inayuk wukwi, kugi Mba'an alut eekwi, eeko nogogwaarak.

Yetaya 14:21

Togop me it wologwe ti, mi'na'nuk o nggween ti unde eeppatinuk, inawi kota-kota wurit nogo logonet nggween enete lek eerogo pukwak, Inombomini maluk eeko nogogwaarak paga ugun inoorogo piyoorak o pipuk eerogo pogo logowak o,” yinuk, yoge kagarak.

Yetaya 24:20

Aap amburu kumili aganaka nengge nagaatik, neyak-kweyak agan nege menggi kwak nggween yi togop aret eeke, Ooliya yiluk-yiluk wurik me, o wiya wage logonet, na'ndo-wa'ndo eeke menggi kwak nggween yi, togop eeke, Eeke kagarak o. It aakumi Ala wone yugu, “Nineebi o,” yinuk, maluk eerit nugwi inomaluk aaninggin nen O nggween yi aambirak togon wambigin me, obaane'me ari lagi woraagin mondok lek aret o.

Yetaya 3:8

Aliku ALA inenggela'me abu tiyanak wonage kwe, it inoone yogwe paga, it eerit nugwi paga, Endage tebenogo pogo logonet, miyuk-meya eerogo pugwi me, Kota Yerutalem muk langgok-panggok eeke, O Yekura abu aret mi-mi wangge, Eeke agaarik o.

Yetaya 37:22

at eeppuurak Aliku ALA nen yegerak nogo yi aret o. O Tiyon Aagalukwe Aap Kigin Waka'lek nogo nen at miyuk-meya eerogo pege, agi'ndok kangge, Ndi, o kota Yerutalem Aagalukwe nogo nen at kole mbagangge kagak, Kayik a! ari, Eeke agaarik o.

Yetaya 43:17

Wim eeka nggweendo inom, kuda inom, aap ineegin warak inom, wim eeka wakaa'ngget inom, wundi woraawak nduk yorage, Yoragagerak wundi wogo mbareegwa, ndi keele wunuk ari nogo nogonogo pogo mengga kwak ogwe, Kanggo nagaatik, mi'naga'lek inabut nigagik wonogwe, eeruwak nduk eeppiige, Eereegerak Aliku ALA nen ari logonet,

Yeremiya 14:17

An napuri wone yoroorak nogo yi aret. Napuluk kolaga aap kigin waka'lek kwak nowe-nawot yi, inawin abu iya lombok kunik wonogwe, Inawin lek ariyak lek mendek kunik wonogwe, Eerak wonogwe iinok, Liingge-oonikiya puk aga'lek namunggut-nale kunik mban wonage agaarik o.

Yeremiya 18:13

Togop me, Aliku ALA nen yegerak nogo yi aret. “It aakumi inanebunu lombok wonogwe me pegiinet nage logomenggendik, kin wogiige logonet, Kwe aap kigin waka'lek kwak Iterali nogo, Yogop eekaarak o, yinuk, it eekulik ayilik warak kagak eekaarak ti, Kit kinenggela'me yime togop eekwi ambi konenggo monggotak ilik? Yoranet nage logot o.

Yeremiya 2:27

Eyo obate mbanak kagak, Kat an nogoba aret o, yogwi, Yugum kagak, Kat an nda'nabeegindak aret o, yogwi, Eeko logonet, It nen ina koonogo pe'neega'lek inambokan paneegwaarak kwe, Aaninggin inoba kwi'nari wage kenok perak, Pilak yinuk, Ninagap ndari mok ubi! yinuk, yo'nogo menggaarak.

Yeremiya 31:4

Togop me, kolaga aap kigin waka'lek kwak kit Iterali yi wae. Aa'nduk wonogogutak kwak eerogo pinagage neenok, aa'nduk wonogogutak pogom aret arumunggup o. Ndi, aa'nduk kinalobale eekak waganggo nogogutik, Iniki ale'nggen paga kwirabik-kwirabok yogwe nogo kinom eeko nogogutak kwak ambinom eekwi,

Yeremiya 4:20

Ne ambi paga yigirogo piya unggwagak, ne ambi paga yigirogo piya unggwagak, eeko logonet, O yi abok aret mondok maluk eerogo pugwi iigirak o. Ne ambit liingge an nawi wurik mi eerogo pugwi, Yini-panip nawooliya wurik nogo yinik-minik eerogo pugwi, Eekwi iigirak o.

Yeremiya 50:32

At iniki wogoppaka ti, iyogobit lik togon ngginnarigin me, it ambi nen at piyanogo mippugun lek aret o. At awi kota-kota kani paarogo pit naminggirak enaagan-ambokan wonogwe nogo abok aret pup eerogo nenet nagin o,” yinuk, yegerak.

Yeremiya 51:64

Mambunuk yorage logonet, Aliku ALA nen, O Mbaben yi, aaninggin nggwok lombok oba piminggirak paga yugum yobok togon wanggerak ti kwak eerogo pigin me, pilak yigin lek endage lek aret logogin, yegerak, yoraamunggun o,” yinuk, yoreegerak. At Yeremiya nen wone yorage nagagerak irip paga ti aret.

Yeremiya 8:4

“Aliku ALA nen yegerak yi aret o,” yinuk, yorage logorak yo'negerak nogo yi aret. “Aap ambi iyogobit lik togon ngginna'nuk, pilak-palak mi'nage, Ndi, aap ambi tu kobak age kenok, iyokan yungguk togon wage, Eeko menggaarak nogo lek a?

Yeremiya 9:21

Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.

Yeremiya 9:9

It ti eerit nugwi nogo, onggo eeppiiga'lek teppiyoorak mbakop? It aakumi ti eerit nugwi paga nanini mbake nogo tayo yuwak nduk, maluk eeppiyoorak lek mbakop? Eeppiyaagin aret o,” yinuk, Aliku ALA nen aret yegerak o.

Leendawi 2:13

O Yerutalem Aagalukwe kat yi wae. Kat eekkakerak wonage ti, kin kaamunggun nduk nano wakkagak yokkege, O Tiyon Aagalukwe Aap Kigin Waka'lek kat yi wae. Kiniki eyak wappagarak nano paga wakkagak yokkege, Eeri o? Niyo laut kiiniki lombok menggi kwak kat koba kwi'nagaarak paga kiniki andi eekkake ti, Alik negen mondok iya eekkake me, ta nen obeelom eerogo pagarak? Lek aret o.

Oteya 14:1

It Tamariya mendek nen inogoba Ala an yorage ineebi mbakwi me, It eekwi paga aaninggin inoba kwippiyoorak nogo ti, inobaalombok aret o. Wooluwak paga ineebe inoorogo piigwi, Inaagalogwe awo ngget ndarak nogo inanep yombak inoorogo piigwi, Inakuwi elege ndaka'lek awo inabila wonogwe nogo kilirik-ndowanak eerogo wumbiinet wogwe, Eerugun o, yinuk, yegerak me, yokkiragi o,” yoragagirak.

Oteya 6:2

Mugurok nogwe niinok, nogo mbere yippunuk, nineebe andi lek eerogo pinanege, Ndi, nogo mbere yippunuk ko'lu nit ninomaawi eerogo mippinanege, Eeke logomenggerik, Ninarum wonage kagak, eerit nogo logogun o.

Amot 8:14

Inagugi inenggali aga Tamariya mendek endage kumbunuk yogwe, It Ndan mendek inagugi eenik menggerak yi wae, yogwe, It Mberetiyeba mendek inagugi eenik menggerak yi wae, yinuk, yogwe, Eeko logomenggaarak nogo It kunduk an noone abu nen kwaarit nogo logonet, koya-koya nggween paga ngginnarit namenggaarak me, Pilak togon mi'narugun lek aret o,” yinuk, Aliku Itok Menggerak ALA nen aret yegerak me, yokkiragi o.

Amot 9:11

“It Iterali nen aakumi o Erom eegu yumbunik wonogwe nogo inabu'me piigwi, It yi aakumi ndi aakumi, Nogoba Ala aret o, yinuk, yogo logomenggaarak nogo, inabu'me piigwi, Eeruwak nduk, Ne ti eyom paga Ndawut awooliya wurik langgunnagagerak nogo obaane'me wuke, Yugum pak wurik langgunogo pereegwaarak nogo, obaane'me wuke logonet, aa'nduk wurik wonagagi kwak eerogo pege, Eerigin,” yegerak o. Eerigin yegerak yi, Aliku ALA nen aret yegerak me, yokkiragi o.