Amot 5:15 - Ala Wone Peenok Peebi Mbanak

¹⁵ At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Amot 5:15 ပူးပေါင်းရင်းမြစ်များ

2 Tamuwen 16:12

An o yogondak yi wone ndi wone ninikime yagabit tibik-tobok eekwi paga yagan warit nege nogo, at Aliku ALA nen liippanege logomenggerik, aap pulunogo panege nogo ti, obeelom eeppanuwak nduk, eeppege kagak, eerukwak, teppinip o,” yinuk, yoragagerak.

1 Endagembogut 20:31

Wonage me, at inom eeko menggaarak awuri nogo nen at yogo logonet, “It aakumi Iterali mendek inoweewi inendagembogut iniki yanggonak aakumi inabuwa mbako menggaarak konenggoorak me, nit yum maluk nibinik mendek ninobate paga perenggologwe, keele ninenggaanok paga nggerenggologwe, ee'nuk, aap Iterali inowe endagembogut wonage me nogwe niinok, at nen kooka'lek teppagage kagak eerukwak, yori nawi o.”

2 Endagembogut 13:7

At aap Aram inowe endagembogut nogo nen at Yowakat awuri wim eeka abok aret gandum agabolo mbelenggo logonet, abupak lagangge menggi kwak, ineebe abu lek eerogo piyareegerak kwe, aap kuda wonok nega ineebe 50 inom, nggweendo wim eeka 10 inom, ndi, it ineegin warak iniyok paga nogo menggaarak sepuluh ribu inom, ti mban teppiyareegerak.

2 Endagembogut 15:29

At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Endagembogut 19:4

aap endagembogut Atiyut mendek nen at aput aap wim eeka inowe ambi at eenik menggerak Ala nogo, meek eerogo puwak nduk, nappi wagaarak yi wone ndi wone agan nage nogo, Aliku kogoba Ala aruk konembunuk, wone agan nage onggo maluk eeppuurak mbakerak kero, it eegu pugu ineenik wonogwe nogo, inake tamban eeke logowak nduk, yori nanip o, yo'niragaarak kenok, yokkiri wogo o.”

Ndawi 119:104

Eeko logorak koone yugu nogo Liippit unggwage minggirak paga Abe eeriyak lek kagak eerit nugwi nogo An neebi lombok mbake minggirak o.

Ndawi 34:14

Ndi, maluk mendek mbo punuk, Obeelom mendek kenok mban eerit nugwi, “Nonggop agago niniki ambit lambunik logorak,” koonggwi, Abu koombunuk ti aret kinomaawirogon mugurok nogwe, Eeko logonip o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 37:27

Kit maluk eekwi nogo mbo punuk, Obeelom mban eeko logonip o. Ti eekwi kiinok, O yime mondok-mondok aret logomunggup o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi 97:10

Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Wundeegwaarak 32:30

Ko'lu Muta nen it aakumi Iterali yorage logonet, “Kit maluk mondok nggwok togon eekotak nogo Ala nen mbo punuk, kinom lambungge kaamun ilik, lek a? yinuk, an puurom paga kinake Aliku ALA yori lagakit o.”

Yeremiya 18:8

it aakumi ti nen, Nit maluk eeriyak nineebi o, yinuk, mbo pugwi iinok, an nen, Inomaluk onggo eeppiyaakit, mbakirak nogo eeppiiga'lek teppiyaagin o.

Yeremiya 22:3

Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yeremiya 31:7

Aliku ALA nen yegerak nogo yi aret. “At Yakup eeppuurak paga it iniki ale'nggen nen ndawi wakwi, Yi aakumi ndi aakumi inenggela'me iya lombok ti, Iterali aret me, inale'nggen nen kuum-keek yogwe, Inoone nggwok paga yogwe, Iterali inendage tiyappugwi, eeko logonet, Kaliku ALA wae. Kapuri Iterali eegu yumbunik nogo inagap ndaru o, yinuk, yo'nogo logowak o.

Yetikiyen 45:9

At Aliku Itok Menggerak ALA nen yegerak nogo yi aret. “It Iterali inoweewi nagawan-nagawan nen an napuri eeppiinet nogwe ti, abu kuli aret o. Inogogumbuk logonet, aakumi maluk eeppiinet nugwi, tebenogo piinet nugwi, eekwi ti, mbo puwak o. Mbo punuk, obeelom mban eeppiinet nugwi, a'me nggelok mban eeppiinet nugwi, eeko logowak o. It an napuri inanggween unde eeppatinuk wonogwe me nen mugogo wumbiigwi ti, ambinom eerugwaarik o, yinuk, Naliku Nitok Minggirak an ALA nen aret yagi o.

Ndaniyen 2:49

Eeke mbareegi, at Ndaniyen nen, “Kat kawi nggwok abe wurik me unde neegak it Tarerak, Metak, Abe'nego ti, o Mbaben nggwok yi abok it unde logowak nduk mippiyet o,” yinuk, aap endagembogut nogo yoge mbareegi, mippiyareegerak.

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Amot 5:24

Niyo wu'nuk wage menggi kwak, eekaatak onggo a'me nggelok eeppiinet nugwi, Niyo porok ariilik, nage mban menggi kwak, aakumi obeelom eeppiinet nugwi, Eeko logowak o.

Amot 5:6

Togop me, at Aliku ALA mugurok wogwe kiinok, kineenik aret logomunggup o. Ndi, lek kenok, kani nen yi mendek ndi mendek lek eerogo nengge menggi kwak, Kit kinanebunu Yutup paga wiganak mendek togop aret lek eerogo pinagage, O Mbeten kani nenet nage me, aakumi nen nogonogo puurak lek kwak, eerogo pinagage, Eerigin o.

Amot 6:12

Kuda puut-puut yugum paga mbe agan nogwe, Lembu nen yugum anggen nggininik paga nggween amok mbanogo pugwi, Eeriyak op mbakop? Lek kwe, kit nen eekaatak a'me nggelok eeppiinet nugwi nogo mbo punuk, obaane'me kanggo menggaarak mendek eeppiinet nugwi, Ndi, obeelom eeppiinet nugu logorak anggen yuurak nogo obaane'me ale-pale eerogo piinet nugwi, Eekotak o.

Amot 7:3

Yoge mbareegi, Aliku ALA nen eeppiyoorak mbareegerak nogo tayoppunuk, “Eeke kagandak ti, an nen eeppiyaagin lek o,” yinuk, Aliku ALA nen aret an yo'nege kagagirak.

Yunut 1:6

aap yiiro unde nogo kwaakkage nagagerik, yoge logonet, “Yogop ee'ninake kagak nonggoti nogo mban yege agandik? At liippinaninuk, nit lek eerogo pinaniyak lek ninagap ndariyak kagak eerukwak, mi'na'nuk, kagugi yoru o.”

Mika 2:12

“It Yakup mendek ti, an nen abet aret kuwak eerogo piige, Iterali mendek yumbunik nogo, abet aret ambit me piya wage, Eeke logominggirik, Ndomba kuwak eerogo anggenogona piigo mengga kwak piya wage, Ndomba kuwak aago inagari'ngga nenet nogo menggam wogoren nugu mengga kwak, wogoren nege, Eeriminggirak me, O time aakumi mban yebet aago logogun o.

Mika 3:2

Obeelom eeriyak kineebi mbakwi, maluk eeriyak kinikilom mbakwi, eeko logonet, An mendek ineenik ngge-ngge inagabolo mbelanogo piigwi negen eekwi, Inowak kalenak-pugunik eerogo piigwi kwak eekwi, Eeko monggotak o.

Mika 5:3

It Iterali inarum logorak woraagin nogo ti, mi'naremenggerak Aliku ALA omaawi eeppege kagak At ogoba Aliku Ala endage mondok iya abu abe me, ayuk wuke logonet, Ndomba ndegeninako mengga kwak, at apuri ndegeninake logogin o. At endage tiyanak menggerak nogo wiganinuk, o irip-irip time ari nagin me, apuri iniki ugun nu'lek aret logogun o.

Tepaniya 2:3

Kit aakumi o yime kiniki tebenak logonet, Aliku ALA nen, Yogop ee'nu ndogop ee'nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.

Maleyaki 3:18

Ti eeke neenok, it aakumi iniki abe koonak logonet, eeka inom, inobaabut nggolawe logonet, maluk eeka inom, inalitak eekwi paga eeppiige, ndi, it nayuk wuko logonet, noone mugurok nogwe inom, nayuk wuka'lek noone mbo pugwi inom, inalitak eekwi paga eeppiige, eeke neyaagun o,” yinuk, yegerak me, yokkiragi o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

3 Yaya 1:11

Noreeluk niniki kunik yi wae! It maluk eeko menggaarak nogo kat ndak-ndak eeke logogun o. Ata, it aap obeelom eeko menggaarak nogo ndak-ndak mban eerit nage logot o. Aap ambi obeelom eeke menggerak kenok ti, Ala nen ndareegerak aret mbariyak kwe, at maluk mban eeke menggerak nogo nen perak, Ala mondok liippega'lek aret menggerak o.