Amot 5:12 - Ala Wone Peenok Peebi Mbanak

¹² Kit maluk ambik eerit nugwi, Ndi, kinomaluk iya negen eeriyak koonggwi, Eekwi an neenu me nduk, yokkiragi o. It aap iniki abe koonak nogo piyak-payak eerogo piigwi, Maluk eerak onggo, Ndogop puurak o, yugu kagak, Puurak lek, yoraawak nduk, inawu wogorogwe iinok, waganggwi, It aap tebenak mendek nogo inowak loonggo logonet, inawone abe mbangga'lek yaga-taga eerogo piigwi, Eeko monggotak me,

Amot 5:12 ပူးပေါင်းရင်းမြစ်များ

Ayup 31:21

It aap inowak loonggo menggaarak nen Noone konenggo menggaarak neenu me, Aap moono iinok, noone lok togon yorage, Ee'netak en

Ndawi 127:5

Aap ambi omaale ta'mbanak Eenggime wonok nege menggi kwak, At apuri ambik inom nage kenok, Ale'nggen aret menggerak me, Tu unggwage menggim awim imbirak abuk age kenok, At enggali arigin lek ayuk wuko logogun o.

Wundeegwaarak 23:3

Ndi, aap eenggi lek ambi nen maluk eeke kenok, owak loonggwi me, abuwa nen aana'le mbaniyak mage o.

Wundeegwaarak 23:6

Aap eenggi lek mendek owak looniyak nduk wage kenok, Aap yi meek me, yinuk, awone ugun-ugun mbaniyak mage o.

Kini Wuppiige 17:8

Mage yugu kagak eeruwok nduk, wu wogorogwe nogo ti, Inili eeka aret mbakwi me, Wogorogwe iinok, eerit nugwi abok aret A'me mban arit nage menggerak.

Kini Wuppiige 22:22

It aap tebenak wonogwe nogo ti, Aliku ALA nen inawone mbangge, Inamendek ndinggwi iinok, inamendek ndinemenggaarak nogo wagangge, Eerigin me, “Aap ti, eenggi lek o,” yinuk, amendek wagangge, It aakumi ambi eekkoloorak meek wonogwe nogo wone mbanggo menggam tebenogo piige, Eeriyak mage o.

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yetaya 10:2

It aap ti nen aakumi ineenggilek nogo obeelom eeppiyoorak koonak kagak non mbanogo piigwi, An napuri tebenak nugwi nogo inawone liirogon koonogo piyoorak kagak maluk-maluk koonogo piigwi, Eeko logonet, Alom lek kagak it kumi togwe inamendek kologwe, Elege moono inageerok ndinggologwe, Eeko menggaarak me, inabuwa o!

Yetaya 33:15

It aap obeelom mban eerit nugwi, Wone abe koonak mban yogwe, Aakumi wi-wi eeginako logonet inamendek waganggwi nogo, “Woorak nineebi o,” yinuk, mbo pugwi, Mage yugu kagak wu wogorogwe waganggwi nogo mbo pugwi, Aakumi inooruwok yogwe iinok, inaruk nakkologwe, It aap maluk eeka nen eerit nugwi nogo inigen iigwi iyo, inigen nobakkologwe, Eekwi iinok ti,

Yetaya 47:9

Wone alom mbere yagandak ti, ne ambit liingge inigen kubuk yogo mengga kwak Kaagalogwe lek ogwe, kwe nanu age, eerumunggun o. Tili pagangge, kagugi omaawi paga eeke, Eeremenggendak kwe, Alom mbere ti, ambi teppigin lek abok nggwik togon aret koba arigin o.

Yetaya 5:23

“Wu kolaawok,” mba'nuk, aap maluk eekerak kagak, teppogo logonet, Aap maluk eerulik abe kagak awone yiluk-yiluk mbangga inom, ti, mondok inabuwa o!

Yetaya 66:18

“Aakumi inanebunu lombok abok aret inom, inoone alitak abok aret inom, eeriyak iniki koonogo pugwi, eerit nugwi, eeko menggaarak abok aret an neenu me, wage logominggirik, Kuwak ee'nip o, yoraminggirak kuwak eekwi iinok, an tiyanak logonet iya tit eeppiinet nage nogo inigen kaagun o.

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Leendawi 3:34

It o nggween paga keele maarak wonogwe nogo, aakumi nen iniyok aan lebenogo piinet nogwe,

Yetikiyen 13:22

An nen iniki aaninggin eeppiiga'lek neegak, it pilit pugunit nogwe paga aap iniki abe koonak nogo, iniki aaninggin ndugu eerogo piinet nogwe, ndi, it aap maluk eeka nogo, it maluk eerit nugwi mbo punuk, inagap ndakkologwe iyo, iniki nomonogo piigwi, eeko nogogwaarak me,

Oteya 5:3

It Eparayim mendek an abu liippiige, ndi, it Iterali mendek kumaarak lek kin paga iige, eeke agarik o. It Eparayim ti, kwe ya wukak kwak eerit nugwi, Ndi, it Iterali ti, inalik nen aret maluk eerogo pakwi, Eekaarak wonogo agaarik o, yinuk, yegerak me, yokkiragi o,” yoragagirak.

Amot 2:16

It aap wim kalu-kalu mondok wakaa'ngget aret wonogwe kwe, ne ti eyom paga inagabeewak nggonenak mbaganugun o, yinuk, Aliku ALA nen wone yi abok aret yegerak me yokkiragi o,” yinuk, yoragagirak.

Amot 2:3

Aap inowe endagembogut inom, at awuri inom eeko menggaarak inom, abok aret lek eerogo inoorigin o,” yinuk, Aliku ALA nen aret yegerak o.

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Amot 5:7

Eekaatak a'me nggelok eeppiigwi nogo abut laganogo ale-pale eerogo piigwi, Obeelom eeppiinet nugwi wone nogo tek eerogo mbo pugwi, Eekwi kit yi, ao!

Amot 8:4

It aakumi tebenak ambi eekkoloorak meek nogo mendek wi-wi aganakwi, It aakumi ineenggi lek o yime wonogwe nogo lek eerogo piigwi, Eekwi kit yi, Wone yi, kinaruk konenggo logonip o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Mika 7:3

Maluk eeriyak abu ineenu paga eerit nugu agaarik o. Inarum waka inoweewi nen, “Onggo pinip,” yorogwe, Inowak loongga nen inawone abe mbanuwak nduk, onggo waganggwi, It aap inayuk warak nen it eeriyak mbakwi nogo mban wone lengganogo yorogwe, Eeko logorak wone yugu abe koonak kagak nomok-komok eerogo pugwi, Eeko agaarik o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Nappiigak 7:52

Kit kinombomini nen Ala yorage kagak yoraga nogo piyak-payak eeginako logolik ambi ta mbakop? Lek aret o. It aa'nduk lombok Ala yorage kagak yoraga nen, At maluk eekeelik iniki abe koonak menggerak nogo woraagin o, yinuk, abok paganogo yorogo nogogwaarak nogo inooko nogogwaarak. Ndi, yogondak kit nen mban aret at eebe onggo nggerembunuk wakotak o!

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.

Pelaareegerak 31:21

aaninggin-paaninggin inoba kwi'nage, inawi maluk age, eeke kagak, ndawi liiru mbanak yi, it inapuri-inombowologwe nen mari eerogo pugun lek me, inikime logonet, aberiragak mban eeke logogin o. An nen nggween, Wokkiraagin o, yinuk, abuk nggaruk togon kumbuk mbanogo yoragagim time awo wogoren piya naga'lek neegak kwe, it iniki mba'nuk eeriyak nogo muk neenu aret me, yagi o,” yinuk, yoreegerak.

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.

Yakobut 5:6

It aakumi maluk eekeelik nogo nen wone onggo yokkiraga'lek iigak, kit nen mban pilit wone inoba piinok, inooko nogogutak nogo o.

Urut 4:1

At Mbowat nogo wage nagagerik, o kota tu unggwogo menggam nogome aret kwi'nari wagagerak. Kwi'ndak taati wonage me, at Urut awone koonogo onggo mbaniyak yereegerak nogo aret wage enegen kage nagagerik, “Wulaga yi wae. Yime kwi'nari mok o.” Yoge mbareegi, wage nagagerik, imbirak aret kwi'nagagerak.

1 Tamuwen 8:3

inogoba eeke nagagerak nogo liirogon woppunuk eeko logolik. Ata, wu kolaawok nduk, aakumi inambokan laganggwi, wu wogorogwe iinok, inoone yaga-kaga eerogo abe inowak looninaka'lek teppiigwi, eeko nogogwaarak.