Inale'nggen nen noone-koone agan nugwi nogo an nen lek eerogo piigirak me, It inageyo anggur yabu aagome anggen yugu paga inale'nggen nen keekok yogwe nogo lek age, It ineyabu anggur yarak me inale'nggen nen ndawi warit nugwi nogo muk lek age, Anggur anggen mbanak amburu aambiranggo menggam aambiranggwi lek age, Eekerak o.
Amot 5:11 - Ala Wone Peenok Peebi Mbanak11 It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o. အခန်းကိုကြည့်ပါ။ |
Amot 5:11
30 ပူးပေါင်းရင်းမြစ်များ
O Tirut paga yi mendek ndi mendek kugun wonok nogwe, yi mendek ndi mendek kungge menggerak wonage nogo, wonok ndi yogwe, eeko logonet, obak wurik yinik-minik eerogo pugwi, aakumi inawi abe ambik wurik o kota inikime wonage nogo, yinik-minik eerogo pugwi, eeppunuk, ayugum inom, ageyo inom, anggween mbo pugu inom, waganogo niyo laut inikime mbo nappugun o.
an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.
Aliku ALA nen ari logonet, “It aakumi o Iterali menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo, teppiyaagin lek eeppiyaagin aret o. It Iterali mendek nen aap iniki abe koonak inanomat mbanak inoba wonage nogo, Lek aruwak nduk ineebe mbuti perak paga onggo kuninakwi, It aakumi ineenggi lek mendek inanomat mbanak inoba wonage nogo, lek aruwak nduk, ineebe yum nibinik paga onggo kuninakwi,
Iniyok paga liirubu aa'ngga eerogo pogo mengga kwak it aakumi ambi eekkoloorak meek nogo mendek togop aret eerogo piigwi, It aakumi tebenogo piigaarak nogo inawone liirogon mbangga'lek yaga-taga eerogo piigwi, Aput-ogoba imbirak nen kwe tawe ambiret terak eerit nugwi paga an nendage alik leenak nogo maluk eerogo pugwi,
It inawi o togwi eeke kenok, ari unggwagak wurik nogo yinik-minik eerogo pege, Mo andi kenok, ari unggwagak wurik nogo langgunik-panggunik eerogo nggimbege, Inawi wurik me wanggalep inom, meeli inom, ogobakkigirik nabenak nogo yigirogo pege, Inoweewi inendagembogut inawi nggwok abe wurik nogo, yigirik-noonom eerogo pege, Eerigin o,” yinuk, Aliku ALA nen aret yegerak me, yokkiragi o.
O Atorot time yugum pak wurik me, aakumi inarum logorak inawi wurik inom, O Metit time yugum pak wurik me, aakumi inarum logorak inawi wurik inom, Nogome wone eerogo nappit noorak nogo yi aret. Aliku ALA nen ari logonet, “It o Tamariya koorok puut-puut time kuwak ari woraawak o. Kuwak ari wa'nuk, it aakumi o time inenggela'me abu naalop-kaalop eerit nugwi, It-it at ambi tebenogo pegak eerit nugwi, Eekwi ti, inigen iyaagun o.
Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.
Kuda puut-puut yugum paga mbe agan nogwe, Lembu nen yugum anggen nggininik paga nggween amok mbanogo pugwi, Eeriyak op mbakop? Lek kwe, kit nen eekaatak a'me nggelok eeppiinet nugwi nogo mbo punuk, obaane'me kanggo menggaarak mendek eeppiinet nugwi, Ndi, obeelom eeppiinet nugu logorak anggen yuurak nogo obaane'me ale-pale eerogo piinet nugwi, Eekotak o.
An napuri Iterali kugun wogoren mbo piya namenggaarak nogo, iniyokan wogoren piya wage neenok, Inawi kota-kota langgu-langgu aago nogo, obaane'me wurogo patinuk wonogwe, Ineyabume anggur yaremenggaarak paga amburu toologo nunggwi, Eyo anggen yege menggerak mendek yabume yaremenggaarak paga anggen abe mban mbanogo nunggwi, Eeko logogun o.
Inamindik-inamendek ambik wonage nogo abok aret kabologo waganggwi, Inawi wurik nogo yinik-minik eerogo pugwi, Eerugun o. Inawi logorak wukkolamenggaarak kwe, time wonaga'lek wum aret age, Anggur awi ineyabume yaremenggaarak kwe, anggen amburu mbiranogo nengga'lek mbo pugwi, Eerugun o,” yinuk, yegerak me, yokkiragi o.
It awi ambik aret yakwi kwe, anggen mbuuluk mban mbanggologwe, inambi ndonggorogon nunggwi kwe, inaanoma'le aga'lek wonogwe, inaniyo ambik nunggwi kwe, ndonggoppiiga'lek abu mban wonogwe, inayum yikkologwe kwe, ineebe aganggen aga'lek togwi mban inagabolo paga ninggirik wonogwe, yabu eekwi onggo kolagaatak kwe, ngga wangge negen age kogwe, eeko agaarik, yegerak o.
Togop me, it aakumi Erom mendek nen, “Nit ninawi lek eerogo pereegerak nogo, obaane'me wurugun aret o,” yinuk, yemenggaarak kwe, at Omaawi Lombok Menggerak Aliku ALA nen ari logonet, “It nen inawi obaane'me wuremenggaarak kwe, an nen minogo pigin o. Aakumi nen, O Erom yi, endage ti, Maluk Eeko Menggam me, Aliku ALA anini mondok-mondok inoba piige kagak menggam yi aret o, yinuk, yogo logogun o.
ကြော်ငြာတွေ