Amot 5:1 - Ala Wone Peenok Peebi Mbanak

¹ Kit Iterali mendek yi, wae. Kit eeppinagarak ndawi paga kinale ndawi an ari yi, kinaruk liirogon konenggo logonip o.

Amot 5:1 ပူးပေါင်းရင်းမြစ်များ

Yeremiya 18:13

Togop me, Aliku ALA nen yegerak nogo yi aret. “It aakumi inanebunu lombok wonogwe me pegiinet nage logomenggendik, kin wogiige logonet, Kwe aap kigin waka'lek kwak Iterali nogo, Yogop eekaarak o, yinuk, it eekulik ayilik warak kagak eekaarak ti, Kit kinenggela'me yime togop eekwi ambi konenggo monggotak ilik? Yoranet nage logot o.

Yeremiya 7:29

Naliku ALA nanini it aakumi yogondak ndarak yi, inoba agaarak wonage nogo, Neebi o, yinuk, mbo piigirak me, ineeruwak mbanogo mbo punuk, puut puluk ko aago paga lagi nanuk, le ndawi piyanggo logowak, yegerak, yoret o,” yinuk, yo'negerak o.

Yeremiya 9:10

Puut-puut inom, o karume inom, time aakumi lek me, tu ti paga nugwi iige, Lembu-tapi iri'ngga mbanogo nenet nugu logonet, inoone yogwe konengge, Yi towe ndi towe wiga agan nugwi nogo mendek abu mbaganeegwaarak me nenegen ambi iige, Ndiimbu-nggwiya wonogwe me, nenegen iige, Eeka'lek me, Puut-puut eeppiinet noorak nogo inale ari, inaleenggu maake, Eeke logonet, O karume iri'ngga mbanogo nenet nugu menggam ariyak nogo kunduk, niniki puru ari logonet, inaleendawi piyanigin o.

Yeremiya 9:17

At Omaawi Lombok Menggerak Aliku ALA nen yegerak nogo yi aret. “O yime arit wage nogo iniki liippuwak o. It kumi leendawi piyangga nogo wiirogwe, Kumi leendawi iyagalo woraawak nduk, yonggo nappiigwi, Eeko logowak o.

Yeremiya 9:20

Togop me, kit kumi yi wae. Aliku ALA wone yegerak yokkirage yi, kinaruk konenggwi, At ambe me nen wone wungge nogo kinaruk konembunuk waganggwi, Eeko logonip o. Kinaagalogwe komologwe leenggu maakak yuwak nduk, mamunirogwe, Kit ambi nen leendawi it ambi mamuniragak eekwi, Eeko logonip o.

Yeremiya 9:9

It ti eerit nugwi nogo, onggo eeppiiga'lek teppiyoorak mbakop? It aakumi ti eerit nugwi paga nanini mbake nogo tayo yuwak nduk, maluk eeppiyoorak lek mbakop? Eeppiyaagin aret o,” yinuk, Aliku ALA nen aret yegerak o.

Yetikiyen 19:1

Iterali inoweewi nagawan-nagawan inaleendawi tiyanggo logonet,

Yetikiyen 19:14

Eyo aro paga nen kani wunuk ari nagagerik, Nenet eno'mbak paga wundi nage logonet, anggen yugu inom nenggegerak me, Eno'mbak omaawi paga aap endagembogut ambim mbanak ogobakkigiriyak nogo lek aret agagerak o,” yinuk, tiyanggo nogogwaarak. Wone yi ti, leendawi aret me, aakumi kanggwi iinok, tiyanggo nogogwaarak o.

Yetikiyen 26:17

Tikkologo logomenggaarik, ale yogo logonet, o kota Tirut ndawi paga anep pugun nogo yi aret. O kota kendage mondok wigak yereegerak niyo laut inikime lek agandak yi, iya! Kat inom, kat piirogo menggendak inom, niyo laut paga eeka unde wonogwe kiigak, Yi aakumi ndi aakumi o nggwok nenaarak niyo aa'nggi paga wonogwe kinayuk nen inaganak wako nogogwaarak o.

Yetikiyen 27:2

“Aakumi nen ndarak yi wae. O Tirut eeppuurak nogo, leendawi ambi tiyangge logot o.

Yetikiyen 28:12

“Aakumi nen ndarak yi wae. Aap Tirut mendek inowe endagembogut eeppuurak aleendawi ndawi paga tiyangge logot o. Aliku Itok Menggerak ALA nen yegerak yoriyak nogo yi aret o. At abu abe aakumi in wakkagak wonage logonet, iniki abu warak togon eebe mondok amuni mbanak aret wonagagerak o.

Yetikiyen 32:16

Leendawi paga at anep pege logonet, tiyaniyak nogo ti aret. Yi o ndi o kumi inanebunu lombok nen leendawi tiyanggwi, o Metit eeppuurak inom, it aakumi ineebe ambik o time menggaarak abok aret eeppiyoorak inom, anep pogo logonet tiyanggwi, eerugun nogo ti aret o,” yinuk, Aliku Itok Menggerak ALA nen aret an yo'nereegerak.

Yetikiyen 32:2

“Aakumi nen ndarak yi wae. It Metit mendek inowe endagembogut Pirawun eeppuurak nogo paga aleendawi tiyangge logonet, yoriyak nogo yi aret. At yi aakumi ndi aakumi inenggela'me singa kwak wonage agaarik o. At niyo laut inikime waalo kole anini warak logonet, at wonage menggim niyo nage nogo inikime lagak-mbagak ari, Iyok paga niyo kilaarogo nippit wage, Niyo nggut eerogo pit wage, Eeke menggi kwak eeke agaarik o,” yinuk, yegerak o.

Amot 3:1

Kit Iterali mendek yi wae. Kit o Metit nen wokkiren wundi wagagerak at apuri abok aret Aliku ALA nen eeppinagarak yokkirage yi, kinaruk liirogon aret konenggo logonip o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 5:16

At Omaawi Lombok Menggerak nogoba Aliku Ala nen yegerak nogo yi aret. “It aakumi inawi kota-kota wonogwe nogo leenggu maarit nogwe. It aap tu paga tu paga wonogwe nogo nen le agan nogwe, Le yi woraanip o, yinuk, it aap yabu eeka wiirogwe, Ndi, it leendawi tiyangga nen leendawi tiyani woraawak nduk, inayonggo piigwi, Eerugun o.

Amot 8:14

Inagugi inenggali aga Tamariya mendek endage kumbunuk yogwe, It Ndan mendek inagugi eenik menggerak yi wae, yogwe, It Mberetiyeba mendek inagugi eenik menggerak yi wae, yinuk, yogwe, Eeko logomenggaarak nogo It kunduk an noone abu nen kwaarit nogo logonet, koya-koya nggween paga ngginnarit namenggaarak me, Pilak togon mi'narugun lek aret o,” yinuk, Aliku Itok Menggerak ALA nen aret yegerak me, yokkiragi o.

Mika 2:4

Ne ti eyom paga it aakumi nen, Op togon eeppinagagi, yinuk, yorogo logogun o. Nineebe lek eerogo pinanege, ninanggween mbanogo wogorage, Ndinggolage nagagerik, it aap tebenogo pinanugwi nogo wogorage, eereegerak o, Yinuk, yogwe nogo inomaani mbanggo logonet, Kayik a! yinuk, le ndawi paga inanep pogo logogun o,” yinuk, Aliku ALA nen yegerak me, yokkiragi o.