Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak
Amot 4:6 - Ala Wone Peenok Peebi Mbanak6 “Ti eekwi iinok, an nen it wonogo menggam kota-kota abok aret inambi nengga'lek wo'no lu yogo logowak nduk eeppiige, Yi yaga'lelo ndi yaga'lelo inambi mbuuluk eerogo piige, Eereegirak kwe, Inomaluk mbo punuk iniyokan yungguninuk an neya waga'lek aret menggaarak o,” yinuk, Aliku ALA nen aret yegerak me, yokkiragi o. အခန်းကိုကြည့်ပါ။ |
Amot 4:6
31 ပူးပေါင်းရင်းမြစ်များ
O nogome abok mbi noogelo agagerak me, ne ambi paga at Elita nogo iyokan o Nggilagan nage nagagerik, it aap Ala nen yorage kagak yorage ineebe aago ne ambi paga enaame taati wone yorage kwi'ndak iigak, Elita nen ayeloman ambi yoge, “It aap Ala nen yorage kagak yoraga yi, inake yi mendek ndi mendek togolowak nggwok me yonggoppunuk, kani paga laru o.”
Ne ambi paga at Elita nen kwe Tunem mendek aagaluk eenik eeppereegerak nogo, wone yoge logonet, “At Aliku ALA nen o yime mbi noogelo nggwok inoba piyamenggerak wonogwe iigak, tahun 7 aret eerigin me, o yime mbo punuk, kogoni-kaagi kinom nage logomenggendik, kat nggeeme logorak mbake kenok, time nanuk, luulu negen aret logomunggun o.”
Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.
It oonegen lagi wage menggim pa'nggwe wonogwe aap Tiriya inom, It oonegen kilu yi nage menggim pa'nggwe wonogwe aap Pilitin mendek inom, nen It Iterali mendek inambeme yonggorinabeegwaarak kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.
O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.
Kaliku nogoba ALA o! It aap iniki abu koonak logonet, li'lak eeko menggaarak nogo kenegen pegiinet nage menggendak nogo lek a? Yawi paga inookendak kwe, it nen andi kogwe, Aan lebenogo piigendak kwe, iniki koonnage, Eeka'lek aret agaarik o. It inanobak yugum pogom eeppatinuk, “Ninomaluk mbo puurak, Nineebi,” mba'nuk agaarik o.
At Aliku Itok Menggerak ALA nen ari logonet, “Ti eeppiyoorak yagarak nogo ti, iya negen kwe, inomaluk onggo aaninggin alom 4 eeppiyoorak nogo ti, wooluwak paga nen, mbi noogelo paga nen, nggwiya anini warak paga nen, kugilingga paga nen, it Yerutalem wonogwe aap inom, inaanggumi inom, kambuwak nduk, inoba kwippiyaagin ti perak, abu iya o!
“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.
It yabu nggwiirit-nggwaarit eerit nugwi paga anggen abe mbanggolookwak, anggen yugu waalo nen nengge, ogun eerogo pit nage, mayu kumulinggen nen yigirogo pege, eeruwak nduk, an nen nappi wagagirak paga, Yi ee'ninake iya, yinuk, iniyokan yungguninuk an mu'neren woroorak mbareegirak kwe, mu'neren woroolik aret eereegwaarak o, yinuk, Naliku ALA nen aret yagi o.
ကြော်ငြာတွေ