Amot 4:2 - Ala Wone Peenok Peebi Mbanak

² At Aliku Itok Menggerak ALA nogo maluk eekeelik yegetak a'me nggelok mban eeke menggerak me, At ari kit abet mbarumunggup nduk kumbuk mbangge logonet, “Inogobak me ya'nggage nggelembunuk, inalitak lombok nigiren wundi nogwe, Yikwe warak nikkenok wunggo mengga kwak inalitak nigiren wunggwi, Eeginaburak eyom abet aret ari woraagin me,

Amot 4:2 ပူးပေါင်းရင်းမြစ်များ

Ndawi 89:35

At Ndawut obaane'me Ombowologwe mondok-mondok ndaganabit wundi nage, Oonegen lek aga'lek wonage menggi kwak, Wone lengganogo yorage menggim mondok aret wonage, Ndugwi enggela'me nen enegen liirogon wogonaka tut nogo Lek aga'lek awo wonage kagak At wone lengganogo yorage menggim mondok nu'lek wonage, Eerigin o, yinuk, An kikak nakeelik nalik leenak nendage kumbatinuk, Ndawut pilit pugunogo yorigin lek abet aret eerigin, Wone kumbuk mbaneegirak ti aret me, Ambinom yigin lek o,” yinuk, Yereegindak nogo ti aret o.

Yetaya 37:29

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, nikkenok, tu wagam iyokan ame aret nappigin, yegerak o.

Yeremiya 16:16

At Aliku Ala nen ari logonet, “It aap yikwe wagangga ambik woraawak nduk yonggo piyaminggirak wogo logomenggaarik, it aap ti, piginabit nogo logogun o. Ti'nuk, towe warit nega ambik woraawak nduk, yonggo piyaminggirak wogo logomenggaarik, it aap ti, puut-puut tiyarogon wonogwe, puut-puut teberogon wonogwe, yugum ambe nggaganak me wonogwe, eerak wonogwe iinok, inooko logogun o.

Yetikiyen 29:4

An nen at ondogowak paga keele nggelenogo pege, Niyo elaganggen at unde menggim yikwe wonogwe nogo At arinon paga nabek yi ungguwak nduk koonogo pege, Eeppunuk, At niyo elaganggen unde menggim nogome nen yikwe nogo waalo arinon paga nabenak kagak nigogo wumbigin o.

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Yetikiyen 38:4

at ena nomonogo punuk, at ondogowak paga keele nggelenogo pit nage logominggirik, nigogo wumbi wage logonet, at awuri wim eeka inom, it at aguda paga kwi'na'nuk wim eekak li'luk aago nugwi inom, ineebe ambik aago inanggeemu nggwok kunduk, mbuuluk kunduk, yirik wooluwak ineenggime nutik wogwe abok aret at inom nigogo wumbiige,

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Amot 8:7

At Aliku ALA nen ari logonet, “It Iterali maluk eeko nogogwaarak nogo, an nami arigin mondok lek o, yinuk, it Yakup mendek nen inogoba tiyappanega nendage kumbatinuk yagi o.