Amot 4:13 - Ala Wone Peenok Peebi Mbanak

¹³ At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Amot 4:13 ပူးပေါင်းရင်းမြစ်များ

Ayup 9:7

Oonegen wundi waga'lek puk logowak nduk, Wone lengganogo yoge, Laaluguragan eya eeke kero, At nen ambit me lom warogo piinok, Eenggi amburu negen eerogo piige,

Ndawi 135:7

At piirogo menggim nen Ndugwi o nggween irip-irip nen nippit wage, Mayu wage kagak o kimbik kilanogo nappit wage, O wiya warit woraawak nduk, wumbit wage, Eeke menggerak o.

Ndawi 139:2

An kwi'nage, mi'nage, eeke neegak, liippanege, Niniki koonit nage minggirak nogo O nda nen yelok na'neya wage, Eeke menggendak o.

Ndawi 147:18

At nen mayu anggen nogo, “Niyo aru o,” Yoge kenok, niyo aret age, O wiya at unde me, nappi wage kenok, niyo aret a'nuk nage, Eeke menggerak o.

Ndawi 65:6

Komaawi ambik kin keyaawak nduk, Puut-puut kwippit nanuk mondok nu'lek logowak nen Omaawi eerogo pit nage,

Wundeegwaarak 10:22

Yoge mbareegi, Muta nogo eenggi mbogut paga titik eerogo nippege mbareegi, o Metit nogome abok aret o apit agago pereegerak wonage kagak, nogo kenagan yereegwaarak.

Wundeegwaarak 14:20

it Metit mendek ineegin warak inom, aakumi Iterali ineegin warak inom, oolo ogoorogo piinok, wonage logonet, it Metit mendek wonogwe me, o apit eerogo pege, ndi, it Iterali wonogwe me, o eya eerogo pege, eereegerak me, oonikiya paga it ambi nen it ambi inowagam wagak eeka'lek aret wonogogwaarak.

Yetaya 40:12

Ta nen, “Ne mande paga niyo laut neenggi paga tomaarogo wumbege neenok, lek arigin o?” yinuk, wunake, Ta nen, “Mbogut ngge kuli kaamun?” yinuk, eenggi paga wakkanet nage, Ta nen, “Ne mande paga o nggween yi, tenggap paga ndoonogo wumbege neenok, lek arigin o?” yinuk, ndoonogo wumbege, Ta nen puut nggorek inom, puut mbuulogwe inom, “Aaninggin ngge kuli age kaamun?” yinuk, aaninggin wakkagak paga wakkage,

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yetaya 47:4

Wondet Eerogo Pinanega endage Omaawi Lombok Menggerak Aliku ALA ti, Kikak Nakeelik Alik Leenak Iterali inogoba aret o.

Yetaya 5:30

Ne ti eyom paga niyo laut yenggenak oone wo ari menggi kwak, wim nggoguk ari kagak, It wonogo menggam yumaak eerak wonage, iniki ma'nage, Ndugwi nen o eya apit eerogo pege, Eerigin nogo Inigen kaagun o.

Yeremiya 10:13

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 10:16

At Yakup iniki kunik mbake nogo perak, togop lek o. At yi mendek ndi mendek apit aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 46:18

At endagembogut endage Omaawi Lombok Menggerak Aliku ALA nen ari logonet, “Yi puut ndi puut enggela'me puut Tabot menggi kwak, Niyo kole yenggenak laut ambet paga puut Karemen menggi kwak, At ayuk warak ambi togop aret ari woraagin o, yinuk, an mondok neenik minggirak nendage kumbunuk yagi o.

Yeremiya 51:16

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 51:19

At Yakup iniki kunik mbake nogo perak, togop lek o. At nen yi mendek ndi mendek abok aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Ndaniyen 2:28

at mbogut paga menggerak Ala nogo nen perak, wone kote nobarak mendek kin paga yorage menggerak me, at nen aret o peebi ariyak nogo kat nogoba kendagembogut Nebukanetat kabinggaanggo paga yokkegerak o. Nogo yege keegak kabi kagandak inom, kabinggaanggo paga yokkegerak inom, nogo yi aret o.

Ndaniyen 2:30

Ndi, an nogo, wone kote nobarak mendek alom yo'negerak ti, it aakumi ando ineenu menggaarak nogo mbuuluk ineenu iigak, an nggwok neenu me nduk yo'negerak ti lek o. Ata, kat nogoba kendagembogut wae. Kabinggaanggo kagandak alom inom, nogo yege logonet, kiniki koonit nage keegak yokkege kagandak nogo inom, liippatumunggun nduk, yokkegerak o.

Oteya 12:6

Togop me, kit kiniyokan yungguninuk kinogoba Ala owagam wa'nuk, aakumi kinom kiniki kunik eeginabit nugwi, A'me nggelok liirogon mban eeppiinet nugwi, Kiniki kinogoba Ala paga mban panggombunuk, kiniki kwippunuk, tokkogwe, Eeko logomunggup o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Amot 3:13

At Omaawi Lombok Menggerak Aliku ninogoba Ala nen ari logonet, “It Yakup paga wiganak eeppiyoorak wone yi, inaruk liirogon konembunuk yorogo logorak,” yegerak nogo yi aret.

Amot 5:27

An nen wogoren o Ndamitik kagak nda time mbo piya nagin o,” yinuk, at Omaawi Lombok Menggerak endage Aliku ALA nen aret yegerak me, yokkiragi o.

Amot 5:8

Laaluguragan o mbogut paga ninggirik kuwak aago Kartika inom, Belantik inom, wakkagagerak nogo nen o apit aago wonage nogo obaane'me o weeruwak nduk, eerogo pege, O liingge wonage nogo obaane'me oonikiya eerogo pege, Niyo nggwok yenggenak laut nogo, wiiremenggerak wundi wage kenok, nggween paga kilirogo wunabit nage, Eeke menggerak endage ti, Aliku ALA aret o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Amot 9:6

At o mbogut oolo ya'i awi wurogo pege, At awi wurik eyak o nggween paga yime yinogo pi wambi wage, Niyo nggwok yenggenak laut nogo wiiremenggerak owagam wage kenok, o nggween paga yime kilirogo pit nage, Eeke menggerak endage ti, Aliku ALA aret o.

Mika 1:3

At Aliku ALA nogo abet aret at menggim nen wundi wage, Wambi wa'nuk, puut-puut paga iyok pit wage, Eeke agaarik o.

Abakuk 3:19

An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

Matiyut 9:4

It iniki mbakwi nogo at Yetut yelok iige nagagerik, yorage logonet, “Kit nonggop nduk kinikime maluk aret koonggo ogotik?

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Yaya 3:8

O wiya iniki nen aret warit nage kagak, oonebu ari mban karuk konengge kwe, alom ngga nen warit wage, nggeeme warit nage, nogo ti, kat keenggo'lek ugun kobak menggendak nogo ndak-ndak, it aakumi Aberiniki nen ndaganake nogo ti, ti pogom aret o.”

Pelaareegerak 32:13

Wogoren wage logonet, Puut-puut lagit nugu logowak nduk, unde wonogwe, Yi mendek ndi mendek yabume yarak anggen mbanogo nenet nogwe, Nggiin amburu yugum enoona nen toologo nunggwi, Eyo tayitun puut paga wundit namenggerak amburu tookkologwe,

Pelaareegerak 33:29

Togop aret me, kit nowe-nawot Iterali mendek yi wae. Kinogoba Ala nen kit kinagap ndareegerak ti kwak, Aakumi inanebunu lombok inagap ndareegerak togop ambi ngge mbakop? Lek aret me, at Aliku ALA nen yeenggwa kirage logonet, Kinanggeemu pogom age, kinawooluwak ngget nggabonak negen age, Ee'nuk, kinom nogwe me, Kinawim kinabu'me yik-pik ari wogwe iinok, Kiniyok aan lebenogo piigo logomunggup me, Kinale'nggen aret mbako logomunggup o,” yinuk, yoragagerak.