Amot 4:10 - Ala Wone Peenok Peebi Mbanak10 “It aakumi Metit mendek eeginabeegi kwak it Iterali inenggela'me kugilingga nappi wage, It inapuri aap tawe nogo wooluwak paga inooruwak nduk eeppiige, Inaguda aakumi nen wonok ma'naruwak nduk, eeppiige, Inawooliya wurik me obari kenok inogobak ko'nok yuwak nduk eerogo pege, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o. အခန်းကိုကြည့်ပါ။ |
Amot 4:10
42 ပူးပေါင်းရင်းမြစ်များ
At aap Aram inowe endagembogut nogo nen at Yowakat awuri wim eeka abok aret gandum agabolo mbelenggo logonet, abupak lagangge menggi kwak, ineebe abu lek eerogo piyareegerak kwe, aap kuda wonok nega ineebe 50 inom, nggweendo wim eeka 10 inom, ndi, it ineegin warak iniyok paga nogo menggaarak sepuluh ribu inom, ti mban teppiyareegerak.
Le ari mbareegi, at Katayen nen Elita yoge, “Nogoba o. Kat nonggop nduk le ari agandik?” Yoge mbareegi, Elita yoge logonet, “Kat nen it aakumi Iterali maluk eerogo piige logonet, inawi yugum pak wurik nogo kani piige, aap tawe kawooluwak paga inooke, inapuri mbuulogwe inanobak yombak ati eerogo inooke, kumi inabila inaanogum me nggoguk eerogo piige, eerumunggun nogo, an neenu aret me, ti paga le ari agarik o.”
Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.
an nen Pirawun iniki omaawi eerogo pigin o. Iniki omaawi eerogo piminggirak paga kit mukkiren wogwe iinok, an tiyanak minggirak nogo nen at Pirawun awuri ineegin warak inom ambi eeppiige neenok, it aakumi Metit mendek nen Naliku ALA an aret ineenu arugun o,” yinuk, yoge mbareegi, Muta yoreegerak nogo it aakumi Iterali mendek nogo nen ndak-ndak aret eereegwaarak.
Eeke logonet, “Kit nen Naliku kinogoba Ala noone yokkirage neenok, liirogon aret konembunuk, nenggaanom paga li'lak obeelom mban eekwi, Yogop ee'nu ndogop ee'nu, yinuk, yokkirage nogo liippugwi, yi wone ndi wone lengganogo yokkirage nogo mondok-mondok porogo wonogwe, eekwi kiinok, aakumi Metit mendek andi-pandi eeppiyareegirak nogo pogom ambi eeppinagage logogin lek o. Naliku ALA nen obeelom eerogo pinagage minggirak nogo ti, an aret o,” yinuk, yoragagerak.
It oonegen lagi wage menggim pa'nggwe wonogwe aap Tiriya inom, It oonegen kilu yi nage menggim pa'nggwe wonogwe aap Pilitin mendek inom, nen It Iterali mendek inambeme yonggorinabeegwaarak kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.
It aakumi abok aret ti, maluk mban eeriyak mbako logonet, Ala ineebi mbakwi, It abok aret wone yuurak lek kagak aap wi yogo mengga kwak agan nugwi, Eekwi me, Ninogoba Ala ti, wologwe tawe nogo inikilom mbake, Ndi, elege moono inom, kumi nanu inom, inabuwa mbake, Eerigin lek aret o. Ti abok eeginabigin kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.
Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.
“It ti, andi kambuurak iya nogo mendek inoba aremenggaarak kanggwi iinok, inale yogwe, nggween taambiigwi, eeka'lek we nggween mili ake yabume time mbo piyaagun o. Wooluwak paga inoorak inom, mbi noogelo paga inom, kambemenggaarak me, ineebe kambak nogo yi towe ndi towe wiga agan nugu menggaarak inambi age, ndiimbu-nggwiya nggween paga nugu menggaarak inambi age, eerigin,” yegerak o.
Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.
Kaliku nogoba ALA o! It aap iniki abu koonak logonet, li'lak eeko menggaarak nogo kenegen pegiinet nage menggendak nogo lek a? Yawi paga inookendak kwe, it nen andi kogwe, Aan lebenogo piigendak kwe, iniki koonnage, Eeka'lek aret agaarik o. It inanobak yugum pogom eeppatinuk, “Ninomaluk mbo puurak, Nineebi,” mba'nuk agaarik o.
Kat kanini it inoba piyoorak nogo an ninikime kani pogom kerek togon eerogo pani wage paga puk ariyak meek tit ee'nake agaarik o.” Yoge mbaki, at Aliku ALA nen, “Nanini kinikime wonage ti, Elege tu paga wonogwe nogo inoba piinet nage, It aap tawe kuwak aago nogo inoba piige, Eeke logot o. Eeppiinet nage keegak, kumi-aap inogonggelomini-inakuwi inom wogoren nogwe, Aap inanggok inom, it aakelo inom, abok piginakwi, Eerugun o.
“Aliku ALA nen yegerak yi aret o,” yinuk, yorage logorak yo'negerak nogo yi aret. “Liirubu koorogo yabu yarak me yumbunogo pit nogo mengga kwak, aakumi ineebe inoorak nogo yumbunogo piinet nogwe, Gandum anggen mbanogo pit nogo logonet, eegu yumbu-yumbu wanggetak anebeniyak anggon menggi kwak, Inowak nggininik togop aret kalo logonak wonage, Eerak aret logogin,” yegerak o.
It wim eeka ambik aago o omarip paga pa'nggwe nen woramenggaarak nogo ti, kit wonogwe me nen wumbiinok, Pelek iranet o karume eerilek paga nda time piya nage logonet, Inaa'nduk nogwe nogo ti, niyo yenggenak laut oonegen lagi wage menggim pa'nggwe wonage me nogome nappiige, Ndi, inambokan age wobok nogwe nogo ti, niyo yenggenak laut oonegen kilu yi nage menggim pa'nggwe wonage me nogome nappiige, Eerigin o. Eeke neenok, Ineebe kambit namenggaarak nogo pili ogwe, inobari ndi wuke, Eerigin o, yinuk, yegerak me, yokkiragi o. At Aliku ALA nen abet aret mondok iya tit eereegerak me,
an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.
Inomaluk onggo inoba kwippiige logonet, wone ninom abuk nggaruk togon mbaneegurak nogo taganogo pemenggaarak paga inom wim mbanak nogo nen inoorit woraawak nduk yonggo piige, Ninoorukwak o kota pak wurik me unggwi nawok o, yinuk, unggwi namenggaarak kwe, kugi lengga ineebe paga iyak wurogo punuk inom wim mbanak nen inoori woraawak nduk, wogorage, eeke logogin o.
“Ti eekwi iinok, an nen it wonogo menggam kota-kota abok aret inambi nengga'lek wo'no lu yogo logowak nduk eeppiige, Yi yaga'lelo ndi yaga'lelo inambi mbuuluk eerogo piige, Eereegirak kwe, Inomaluk mbo punuk iniyokan yungguninuk an neya waga'lek aret menggaarak o,” yinuk, Aliku ALA nen aret yegerak me, yokkiragi o.
It yabu nggwiirit-nggwaarit eerit nugwi paga anggen abe mbanggolookwak, anggen yugu waalo nen nengge, ogun eerogo pit nage, mayu kumulinggen nen yigirogo pege, eeruwak nduk, an nen nappi wagagirak paga, Yi ee'ninake iya, yinuk, iniyokan yungguninuk an mu'neren woroorak mbareegirak kwe, mu'neren woroolik aret eereegwaarak o, yinuk, Naliku ALA nen aret yagi o.
At Aliku ALA nen andi nappi woramenggerak kinoba kwi'nage logonet, kineebe wono eerogo pinagage, kineebe paga aganggen ambik eekkinake, kinagabolo paga piirik-kunik eekkinake, mo andi nen aganggen tela eerogo pinagage, noogelo wu eerogo pinagage, kinamendek yarak engga paga kane'nep kunogo pege, wun kunogo pege, eeke kagak, kineebe aret lek ogo logomunggup o.
ကြော်ငြာတွေ